Поглавје 75
Откровение дадено преку Џозеф Смит Пророкот, во Амхерст, Охајо, 25 Јануари, 1832. Ова поглавје се сочинува од две одделни откровенија (првото во стиховите 1 до 22 и второто во стиховите 23 до 36) дадени на истиот ден. Пригодата беше конференција на која Џозеф Смит беше поддржан и одреден како Претседател на Високото Свештенство. Одредени старешини посакуваа да научат повеќе за нивните моментални должности. Овие отковенија следат.
1–5, Верните старешини кои го проповедаат евангелието ќе добијат вечен живот; 6–12, Молете се да го добиете Утешителот, кој поучува за сите нешта; 13–22, Старешините ќе седат на суд за оние кои ја одбиваат нивната порака; 23–36, Семејствата на мисионерите ќе добијат помош од Црквата.
1 Вистина, Вистина, Јас ви велам, Јас кој зборувам дури и преку гласот на Мојот Дух, дури и Алфа и Омега, вашиот Господ и вашиот Бог—
2 Послушајте, О вие кои ги дадовте своите имиња да одите напред да го објавувате Моето евангелие, и да го поткаструвате Моето лозје.
3 Ете, Јас ви велам дека е Моја волја да одите напред и да не останувате, ниту да бидете безделничари туку да работете со вашата моќ—
4 Кренете ги гласовите како со звукот на труба, објавувајќи ја вистината според откровенијата и заповедите кои Јас сум ви ги дал.
5 И така, ако сте верни ќе бидете натоварени со многу снопови, и крунисани со чест, и слава, и бесмртност, и вечен живот.
6 Затоа, вистина Јас му велам на Мојот слуга Вилијам Е. МекЛелин, Јас го отповикувам овластувањето кое му го дадов да оди во источните земји;
7 И Јас му давам ново овластување и нова заповед, во која Јас, Господ, го прекорувам за озборувањата на неговото срце;
8 И тој згреши; сепак, Јас му простувам и му велам повторно, Оди во јужните земји.
9 И нека Мојот слуга Лук Џонсон оди со него, и ги проповеда нештата кои Јас им ги заповедав—
10 Повикувајќи го името на Господ за Утешителот, кој ќе ги поучи за сите нешта кои се целисходни за нив—
11 Молејќи се секогаш за да не се онесвестуваат; и онолку колку што го прават ова, Јас ќе бидам со нив дури и до крај.
12 Ете, ова е волјата на Господ вашиот Бог во врска со вас. Дури и така. Амин.
13 И повторно, вистина, така кажа Господ, нека Мојот слуга Орсон Хајд и Мојот слуга Самуел Х. Смит го одведат нивното патување во источните земји, и ги проповедаат нешата кои Јас сум им ги заповедал; и доколку се верни, ете, Јас ќе бидам со нив дури и до крај.
14 И повторно, вистина Јас му велам на Мојот слуга Лиман Џонсон, и при Мојот слуга Орсон Прат, тие исто така ќе го одведат нивното патување во источните земји; и ете, и гледајте, Јас сум со нив исто, дури и до крајот.
15 И повторно, Јас му велам на Мојот слуга Аса Додс, и исто на Мојот слуга Калвс Вилсон, дека тие исто ќе го одведат нивното патување во западните земји, и го прогласуваат Моето евангелие, дури и како што Јас им заповедав.
16 И оној што е верен ќе ги надмине сите нешта, и ќе биде кренат на последниот ден.
17 И повторно, Јас му велам на Мојот слуга Мајор Н. Ешли, и на Мојот слуга Бур Ригс, нека го одведат своето патување исто во јужната земја.
18 Да, нека сите тие го одведат нивното патување, како што и Јас им заповедав, одејќи од куќа до куќа, и од село до село, и од град до град.
19 И во било каква куќа и да влезете, и тие ве примат, оставете го вашиот благослов врз таа куќа.
20 И во било каква куќа и да влезете, и не ве примат, вие брзо ќе си заминете од таа куќа, и ќе ја истресете правта од вашите стапала како сведоштво против нив.
21 И ќе бидете изполнети со радост и милост; и ќе го знаат ова, дека на денот на судот вие ќе ѝ бидете судии на таа куќа, и ќе ги осудувате;
22 И ќе биде поподносливо за безбожниците на денот на судот, отколку за таа куќа; затоа, опашете ги вашите бедра и бидете верни, и ќе ги надминете сите нешта, и ќе бидете кренати на последниот ден. Дури и така. Амин.
23 И повторно така кажа Господ вашиот Бог, О вие старешини на Мојата црква, кои сте ги дале своите имиња да ја знаете Неговата волја во врска со вас—
24 Ете, Јас ви велам, дека е должност на црквата да помага во поддржување на семејствата на оние, и исто така да ги поддржува семејствата на оние кои се повикани и мора да бидат испратени при светот да го прогласат евангелието при светот.
25 Затоа, Јас, Господ, ви ја давам оваа заповед, да стекнете живеалишта за вашите семејства, доколку вашите браќа се спремни да ги отворат нивните срца.
26 И нека сите кои можат да стекнат живеалишта за нивните семејства, и поддршка на црквата за нив, не откажат да отидат во светот, било на исток или на запад, или на север, или на југ.
27 Нека барат и ќе добијат, да тропнат и ќе им биде отворено, и ќе им биде обелоденето од високо, дури и преку Утешителот, каде да одат.
28 И повторно, вистина Јас ви велам, дека секој човек кој е обврзан да го обезбедува неговото сопствено семејство, нека обезбедува, и тој никако нема да ја изгуби круната; и нека работи во црквата.
29 Нека секој човек биде трудољубив во сите нешта. И безделникот нема да има место во црквата, освен ако не се покае и не ги поправи своите патишта.
30 Затоа, нека Мојот слуга Симеон Картер и Мојот слуга Емер Харис бидат обединети во службата;
31 Исто така Мојот слуга Езра Таир и Мојот слуга Томас Б. Марш;
32 И исто така Мојот слуга Хајрим Смит и Мојот слуга Рејнолдс Кахун;
33 И исто така Мојот слуга Даниел Стантон и Мојот слуга Сејмор Брунсон;
34 И исто така Мојот слуга Силвестер Смит и Мојот слуга Гидеон Картер;
35 И исто така Мојот слуга Руглс Ејмс и Мојот слуга Стефан Бурнет;
36 И исто така Мојот слуга Мика Б. Велтон и исто Мојот слуга Еден Смит. Дури и така. Амин.