အယ်လမာ

ကျမ်းစာများ

မော်မုန်ကျမ်း

အကြောင်းအရာများ
နိဒါန်းနှင့် သက်သေများ
၁ နီဖိုင်း
၂ နီဖိုင်း
ယာကုပ်
ဧနုတ်
ယာရုမ်
ဩမနိ
မော်မုန်၏စကားများ
မောဇိယ
အယ်လမာ
ဟေလမန်
၃ နီဖိုင်း
၄ နီဖိုင်း
မော်မုန်
ဧသာ
မော်ရော်နိုင်း
မော်မုန်ကျမ်းအတွက် ကိုးကားချက်လမ်းညွှန်

အယ်လမာ

အခန်းကြီး ၁
နေဟောသည် မှားယွင်းသော ဩဝါဒများကို သွန်သင်ပေး၏၊ အသင်းတော်တစ်ခုကို တည်ထောင်၏၊ ဘာသာရေးဖြင့်ကိုယ်ကျိုးရှာခြင်းကို စတင်၍၊ ဂိဒေါင်ကို ကွပ်မျက်၏—နေဟောသည် သူ၏ပြစ်မှုများအတွက် သေဒဏ်ပေးခံရ၏—ဘာသာရေးဖြင့်ကိုယ်ကျိုးရှာခြင်းများနှင့် ညှဉ်းဆဲခြင်းတို့သည် လူတို့၌ ပျံ့နှံ့၏—ယဇ်ပုရောဟိတ်များသည် မိမိတို့ကိုယ်ကို ထောက်မ၏၊ လူတို့သည် ဆင်းရဲသားတို့ကို ဂရုစိုက်၏၊ အသင်းတော်သည်လည်း အောင်မြင်၏။ ဘီစီ ၉၁–၈၈ ခန့်။
အခန်းကြီး ၂
အမ်လိဆိသည် ရှင်ဘုရင်ဖြစ်ရန်ကြိုးစား၏၊ လူတို့၏မဲဆန္ဒအားဖြင့် ငြင်းပယ်ခံရ၏—သူ၏နောက်လိုက်များက သူ့ကို ရှင်ဘုရင်ခန့််အပ်ကြ၏—အမ်လိဆိအမျိုးသားတို့သည် နီဖိုင်းအမျိုးသားများနှင့် စစ်တိုက်ပြီး အနိုင်ခံရကြ၏—လာမန်အမျိုးသားများနှင့် အမ်လိဆိအမျိုးသားတို့သည် အင်အားစုပူးပေါင်းပြီး၊ အနိုင်ခံရကြ၏—အယ်လမာသည် အမ်လိဆိကို ကွပ်မျက်၏။ ဘီစီ ၈၇ ခန့်။
အခန်းကြီး ၃
အမ်လိဆိအမျိုးသားတို့သည် ပရောဖက်ပြုဟောချက်စကားအတိုင်း သူတို့ကိုယ်သူတို့ အမှတ်အသားပြုကြလေ၏—လာမန်အမျိုးသားတို့သည် သူတို့ပုန်ကန်မှုအတွက် ကျိန်ခြင်းကို ခံရလေ၏—လူတို့သည် သူတို့ကိုယ်တိုင်၏ကျိန်ခြင်းကို သူတို့ကိုယ်ပေါ်ကျရောက်စေကြ၏—နီဖိုင်းအမျိုးသားတို့သည် တခြားသောလာမန်အမျိုးသားတပ်ကို အနိုင်ရ၏။ ဘီစီ ၈၇–၈၆ ခန့်။
အခန်းကြီး ၄
အယ်လမာသည် အထောင်အသောင်းသောပြောင်းလဲသူများကို ဗတ္တိဇံပေး၏—ဒုစရိုက်သည် အသင်းတော်သို့ ဝင်လာ၍၊ အသင်းတော်၏တိုးတက်မှု ဆီးတားခံရ၏—နီဖိုင်းဟကို တရားသူကြီးချုပ်အဖြစ် ခန့်အပ်၏—အယ်လမာသည် ယဇ်ပုရောဟိတ်မင်းအဖြစ် အမှုတော်ဆောင်ခြင်း၌ သူ့ကိုယ်ကိုဆက်ကပ်၏။ ဘီစီ ၈၆–၈၃ ခန့်။
အခန်းကြီး ၅
ကယ်တင်ခြင်းကို ရရှိရန် လူသားတို့သည် နောင်တရ၍၊ ပညတ်တော်များကို စောင့်ထိန်းရမည်၊ တစ်ဖန်မွေးခြင်းကိုခံလျက်၊ သူတို့၏အဝတ်တန်ဆာများကို ခရစ်တော်၏အသွေးတော်အားဖြင့် သန့်စင်စေလျက်၊ နှိမ့်ချ၍၊ သူတို့ကိုယ်သူတို့ မာနနှင့် ငြူစူသောစိတ်မှ ချွတ်ခွာလျက်၊ ဖြောင့်မတ်သောအမှုတို့ကို ပြုရမည်—ကောင်းသောသိုးထိန်းသည် မိမိလူတို့ကို ခေါ်၏—ဆိုးသောအမှုများကို ပြုသောသူတို့သည်ကား၊ နတ်ဆိုး၏သားသမီးများ ဖြစ်ကြ၏—အယ်လမာသည် မိမိဩဝါဒမှန်ကန်ခြင်းအကြောင်းကို သက်သေခံ၍ လူသားတို့ကို နောင်တရကြရန် မိန့်မှာ၏—ဖြောင့်မတ်သောသူတို့၏အမည်များကို အသက်စာစောင်၌ ရေးထားလိမ့်မည်။ ဘီစီ ၈၃ ခန့်။
အခန်းကြီး ၆
ဇရဟင်မလပြည်ရှိအသင်းတော်သည် သန့်စင်၍၊ အစီအစဉ်တကျ ဖွဲ့စည်းထား၏—အယ်လမာသည် ဟောပြောခြင်းငှာ ဂိဒေါင်ပြည်သို့ သွား၏။ ဘီစီ ၈၃ ခန့်။
အခန်းကြီး ၇
ခရစ်တော်ကို မာရိမှ မွေးဖွားလိမ့်မည်—သူသည် သေခြင်း၏ကြိုးများကို ဖြေလွှတ်ပေး၍၊ သူ့လူမျိုးတို့၏ အပြစ်များကို ခံယူလိမ့်မည်—နောင်တရ၍၊ ဗတ္တိဇံခံပြီး၊ ပညတ်တော်များကို စောင့်ထိန်းသူများသည် ထာဝရအသက်ကို ရရှိကြလိမ့်မည်—အညစ်အကြေးသည် ဘုရားသခင်၏နိုင်ငံတော်ကို အမွေမခံနိုင်—နှိမ့်ချခြင်း၊ ယုံကြည်ခြင်း၊ မျှော်လင့်ခြင်းနှင့် မေတ္တာ လိုအပ်ပေ၏။ ဘီစီ ၈၃ ခန့်။
အခန်းကြီး ၈
အယ်လမာသည် မိလက်ပြည်၌ ဟောပြော၍ ဗတ္တိဇံပေး၏—သူသည် အမ္မုန်နိဟပြည်၌ ငြင်းပယ်ခံရပြီး၊ စွန့်ခွာ၏—ကောင်းကင်တမန်တစ်ပါးက သူ့အား ပြန်သွားရန်နှင့် လူတို့အား နောင်တရခြင်းကို ဟစ်ကြော်ရန်မိန့်မှာ၏—အာမြူးလက်က သူ့ကို လက်ခံ၏၊ သူတို့နှစ်ဦးသည် အမ္မုန်နိဟပြည်၌ ဟောပြောကြ၏။ ဘီစီ ၈၂ ခန့်။
အခန်းကြီး ၉
အယ်လမာသည် အမ္မုန်နိဟ၏လူတို့အား နောင်တရရန် မိန့်မှာ၏—နောက်ဆုံးသောကာလ၌ ကိုယ်တော်ရှင်သည် လာမန်အမျိုးသားတို့ကို ကရုဏာကြီးတော်မူလိမ့်မည်—နီဖိုင်းအမျိုးသားတို့သည် အလင်းကို စွန့်ပစ်လျှင်၊ လာမန်အမျိုးသားတို့အားဖြင့် ဖျက်ဆီးခံရလိမ့်မည်—ဘုရားသခင်၏သားတော်သည် မကြာမြင့်မီ ကြွလာတော်မူလိမ့်မည်—သူသည် နောင်တရသော၊ ဗတ္တိဇံခံသော၊ သူ၏နာမတော်ကို ယုံကြည်သောသူများကို ရွေးနှုတ်တော်မူလိမ့်မည်။ ဘီစီ ၈၂ ခန့်။
အခန်းကြီး ၁၀
လေဟိသည် မနာရှေအမျိုးမှ ဆင်းသက်၏—အာမြူးလက်သည် အယ်လမာကို ဂရုစိုက်ရမည့်အကြောင်း၊ ကောင်းကင်တမန်ထံမှ မိန့်မှာချက်ကို ပြန်လည်၍ ပြောပြ၏—ဖြောင့်မတ်သောသူများ၏ ဆုတောင်းခြင်းများက လူတို့ကို ချမ်းသာရစေ၏—မဖြောင့်မတ်သောရှေ့နေများနှင့် တရားသူကြီးတို့သည် လူတို့အတွက် ဖျက်ဆီးခြင်းအုတ်မြစ်ကို တည်ကြ၏။ ဘီစီ ၈၂ ခန့်။
အခန်းကြီး ၁၁
နီဖိုင်းအမျိုးသားတို့၏ ငွေကြေးစနစ်ကို ဖော်ပြ၏—အာမြူးလက်သည် ဇေဇရုမ်နှင့် စကားစစ်ထိုး၏—ခရစ်တော်သည် လူတို့ကို သူတို့၏အပြစ်များ၌ ကယ်တင်လိမ့်မည်မဟုတ်—ကောင်းကင်နိုင်ငံတော်ကို အမွေခံသောသူများသာလျှင်၊ ကယ်တင်ခြင်းသို့ ရောက်၏—ခပ်သိမ်းသောလူသားတို့သည် သေခြင်းမရှိရာ၌ ထမြောက်ကြလိမ့်မည်—ရှင်ပြန်ထမြောက်ခြင်း၏နောက်၌ သေခြင်းမရှိ။ ဘီစီ ၈၂ ခန့်။
အခန်းကြီး ၁၂
အယ်လမာသည် ဇေဇရုမ်ကို ဟောပြော၏—ဘုရားသခင်၏နက်နဲသောအရာတို့ကို သစ္စာရှိသောသူများသို့သာလျှင် ပေးနိုင်၏—လူသားတို့သည် မိမိတို့အတွေးအကြံ၊ ယုံကြည်မှု၊ စကားနှင့် အကျင့်များအတိုင်း တရားစီရင်ခံရ၏—ဆိုးညစ်သောသူများသည် ဝိညာဉ်ပကတိသေခြင်းကိုခံစားရ၏—ဤသေခြင်းရှိသောဘဝသည် အစမ်းသပ်ခံရာနေရာဖြစ်၏—ရွေးနှုတ်ခြင်း အစီအစဉ်က ရှင်ပြန်ထမြောက်ခြင်း ထို့အတူ၊ ယုံကြည်ခြင်းအားဖြင့် အပြစ်များမှလွှတ်ခြင်းကို ဖြစ်ပေါ်စေ၏—နောင်တရသောသူတို့သည် တစ်ပါးတည်းသောသားတော်အားဖြင့် ကရုဏာတော်ကို ခံယူနိုင်ခွင့် ရှိကြ၏။ ဘီစီ ၈၂ ခန့်။
အခန်းကြီး ၁၃
လူယောက်ျားတို့သည် သူတို့၏ကြီးစွာသောယုံကြည်ခြင်းနှင့် ကောင်းမြတ်သောအကျင့်များကြောင့်၊ ယဇ်ပုရောဟိတ်မင်းများအဖြစ် ခေါ်သွင်း ခံရကြ၏—သူတို့သည် ပညတ်တော်တို့ကို သွန်သင်ပေးရမည်—ဖြောင့်မတ်ခြင်းအားဖြင့်၊ သူတို့ကို သန့်ရှင်းစင်ကြယ်စေ၍၊ ကိုယ်တော်ရှင်၏ချမ်းသာထဲသို့ ဝင်ကြ၏—မေလခိဇေဒက်သည် သူတို့အထဲမှ တစ်ဦးဖြစ်၏—ကောင်းကင်တမန်တို့သည် ဝမ်းသာစရာသတင်းကို ထိုပြည်တစ်လျှောက်၌ ဟောပြောလျက်ရှိကြ၏—ခရစ်တော်၏အစစ်အမှန်ကြွလာတော်မူခြင်းကို သူတို့ဟောပြောလိမ့်မည်။ ဘီစီ ၈၂ ခန့်။
အခန်းကြီး ၁၄
အယ်လမာနှင့် အာမြူးလက်သည် ထောင်ထဲ၌ လှောင်ထားခြင်းနှင့် ပြင်းစွာရိုက်ခြင်းကို ခံရ၏—ယုံကြည်သူများနှင့် သူတို့၏သန့်ရှင်းသည့်ကျမ်းစာများ မီးရှို့ခံရ၏—ဤအာဇာနည်တို့ကို ကိုယ်တော်ရှင်သည် ဘုန်းတော်ဖြင့် လက်ခံတော်မူ၏—ထောင်နံရံများကွဲ၍ ပြိုလဲ၏—အယ်လမာနှင့် အာမြူးလက်တို့လွတ်မြောက်ပြီး၊ သူတို့ကို ညှဉ်းဆဲသောသူများ ကွပ်မျက်ခံရ၏။ ဘီစီ ၈၂–၈၁ ခန့်။
အခန်းကြီး ၁၅
အယ်လမာနှင့် အာမြူးလက်သည် ဇိဒုမ်သို့သွား၍ အသင်းတော်ကို တည်ထောင်ကြ၏—အယ်လမာသည် အသင်းတော်သို့ဝင်ရောက်သူ ဇေဇရုမ်ကို အနာကင်းစေ၏—များစွာသောသူတို့ ဗတ္တိဇံခံကြပြီး အသင်းတော်အောင်မြင်၏—အယ်လမာနှင့် အာမြူးလက်သည် ဇရဟင်မလပြည်သို့ သွားကြ၏။ ဘီစီ ၈၁ ခန့်။
အခန်းကြီး ၁၆
လာမန်အမျိုးသားတို့သည် အမ္မုန်နိဟပြည်မှ လူတို့ကို ဖျက်ဆီးကြ၏—ဇော်ရမ်သည် နီဖိုင်းအမျိုးသားတို့ကို လာမန်အမျိုးသားတို့အပေါ် အောင်နိုင်ခြင်းငှာ ဦးဆောင်၏—အယ်လမာ၊ အာမြူးလက်နှင့် များစွာသောအခြားသူတို့သည် နှုတ်ကပတ်တော်ကို ဟောပြောကြ၏—ခရစ်တော်သည် သူ၏ရှင်ပြန်ထမြောက်ခြင်းနောက်၌ နီဖိုင်းအမျိုးသားတို့ထံသို့ ပေါ်လာတော်မူမည့်အကြောင်း၊ သူတို့သွန်သင်ကြ၏။ ဘီစီ ၈၁–၇၇ ခန့်။
အခန်းကြီး ၁၇
မောဇိယ၏သားတို့၌ ပရောဖက်ပြုဟောသောဝိညာဉ်နှင့် ဗျာဒိတ်တော် ဝိညာဉ်ရှိကြ၏—သူတို့သည် လာမန်အမျိုးသားတို့အား နှုတ်ကပတ်တော်ကို ဟောကြားရန် မိမိတို့လမ်းအသီးသီးသို့ သွားကြ၏—အမ္မုန်သည် ဣရှမေလပြည်သို့ သွား၍၊ လာမောနိမင်းကြီး၏ကျွန်ဖြစ်လာ၏—အမ္မုန်သည် မင်းကြီး၏သိုးစုများကို ကယ်တင်၍၊ သေဗုရေရှိရာအရပ်၌ သူ၏ရန်သူများကို ကွပ်မျက်၏။ အခန်းငယ် ၁–၃၊ ဘီစီ ၇၇ ခန့်။ အခန်းငယ် ၄၊ ဘီစီ ၉၁–၇၇ ခန့်။ အခန်းငယ် ၅–၃၉၊ ဘီစီ ၉၁ ခန့်။
အခန်းကြီး ၁၈
အမ္မုန်သည် ကြီးမြတ်သောဝိညာဉ်တော်ဖြစ်သည်ဟု လာမောနိမင်းကြီးထင်မှတ်၏—ဖန်ဆင်းတော်မူခြင်း၊ လူသားတို့နှင့် ပြုတော်မူသည့်ဘုရားသခင့် အမှုတော်များ၊ ခရစ်တော်အားဖြင့်ဖြစ်လာသည့် ရွေးနှုတ်ခြင်း အကြောင်းတို့ကို အမ္မုန်သည် မင်းကြီးကို သွန်သင်ပေး၏—လာမောနိသည် ယုံကြည်ပြီး၊ မြေကြီးသို့ လဲကျ၍ သေသကဲ့သို့ ဖြစ်၏။ ဘီစီ ၉၀ ခန့်။
အခန်းကြီး ၁၉
လာမောနိသည် ထာဝရတည်မြဲသောအသက်၏အလင်းကို ရရှိပြီး၊ ရွေးနှုတ်ရှင်ကို မြင်၏—သူ၏အိမ်သူအိမ်သားတို့သည် မိန်းမော၍ များစွာသောသူတို့သည် ကောင်းကင်တမန်တို့ကို မြင်ကြ၏—အမ္မုန်သည် အလွန်အံ့ဩဖွယ်ကောင်းစွာ၊ ကာကွယ်စောင့်မခံရ၏—သူသည် များစွာသောသူတို့ကို ဗတ္တိဇံပေး၍ သူတို့၌ အသင်းတော်ကို တည်ထောင်၏။ ဘီစီ ၉၀ ခန့်။
အခန်းကြီး ၂၀
ကိုယ်တော်ရှင်သည် အမ္မုန်ကို ထောင်ထဲ၌ လှောင်ထားခံရသော သူ၏ညီအစ်ကိုတို့ကို ကယ်လွှတ်စေခြင်းငှာ မိဒေါနိပြည်သို့ စေလွှတ်၏—အမ္မုန်နှင့်လာမောနိတို့သည် ထိုပြည်တစ်ခုလုံး၏မင်းကြီးဖြစ်သူ လာမောနိ၏အဘကို တွေ့၏—အမ္မုန်သည် မိမိညီအစ်ကိုတို့အား လွှတ်ပေးခြင်းကို အတည်ပြုပေးစေရန် မင်းအိုကြီးကို အနိုင်အထက်စီရင်၏။ ဘီစီ ၉၀ ခန့်။
အခန်းကြီး ၂၁
အာရုန်သည် အာမလက်လူတို့အား ခရစ်တော်နှင့် သူ၏အပြစ်ဖြေခြင်းမင်္ဂလာအကြောင်းကို သွန်သင်ပေး၏—အာရုန်နှင့် သူ၏ညီအစ်ကိုတို့သည် မိဒေါနိပြည်တွင် ထောင်ထဲ၌လှောင်ထားခံရ၏—သူတို့သည် လွတ်မြောက်ပြီးနောက်တွင်၊ တရားဇရပ်များ၌ သွန်သင်ပေး၍၊ များစွာသောသူတို့ကို ပြောင်းလဲစေ၏—လာမောနိသည် ဣရှမေလပြည်ရှိ လူတို့အား ဘာသာရေးလွတ်လပ်ခွင့်ကို ပေး၏။ ဘီစီ ၉၀–၇၇ ခန့်။
အခန်းကြီး ၂၂
အာရုန်သည် ဖန်ဆင်းတော်မူခြင်း၊ အာဒံ၏ကျရှုံးခြင်းနှင့် ခရစ်တော်အားဖြင့် ရွေးနှုတ်ခြင်းအစီအစဉ်ကို လာမောနိ၏အဘအား သွန်သင်ပေး၏—မင်းကြီးနှင့် သူ၏အိမ်သူအိမ်သားခပ်သိမ်းတို့ ပြောင်းလဲ ကြ၏—နီဖိုင်းအမျိုးသားတို့နှင့် လာမန်အမျိုးသားတို့ကြား နယ်မြေပိုင်းခြားခြင်းကို ရှင်းပြထား၏။ ဘီစီ ၉၀–၇၇ ခန့်။
အခန်းကြီး ၂၃
ဘာသာရေးလွပ်လပ်ခွင့်ကို ကြေညာ၏—ပြည်ခုနစ်ပြည်နှင့် မြို့များရှိ လာမန်အမျိုးသားတို့ ပြောင်းလဲကြ၏—သူတို့ကိုယ်ကို အန္တိနီဖိုင်းလေဟိအမျိုးသားများဟု ခေါ်ကြ၏၊ ကျိန်ခြင်းမှလည်း လွတ်မြောက်ကြ၏—အာမလက်လူတို့နှင့် အာမြူလုန်အမျိုးသားတို့သည် သမ္မာတရားကို ငြင်းပယ်ကြ၏။ ဘီစီ ၉၀–၇၇ ခန့်။
အခန်းကြီး ၂၄
လာမန်အမျိုးသားတို့သည် ဘုရားသခင်၏လူမျိုးတို့ကို ဆန့်ကျင်၍ တိုက်ခိုက်ကြ၏—အန္တိနီဖိုင်းလေဟိအမျိုးသားတို့သည် ခရစ်တော်၌ရွှင်လန်းဝမ်းမြောက်လျက်၊ ကောင်းကင်တမန်တို့က အကြည့်အရှုကြွကြ၏—သူတို့သည် မိမိတို့ကိုယ်ကို ကာကွယ်မည့်အစား သေခြင်းကိုခံစားရန် ရွေးချယ်ကြ၏—သာ၍များသောလာမန်အမျိုးသားတို့ ပြောင်းလဲကြ၏။ ဘီစီ ၉၀–၇၇ ခန့်။
အခန်းကြီး ၂၅
လာမန်အမျိုးသားကျူးကျော်တိုက်ခိုက်ခြင်း ပျံ့နှံ့၏—နောဧ၏ယဇ်ပုရောဟိတ်တို့၏ အမျိုးအနွယ်တို့သည် အဘိနဒိပရောဖက်ပြု၍ဟောခဲ့သည့်အတိုင်း ပျက်စီးကြ၏—လာမန်အမျိုးသားများစွာတို့သည် ပြောင်းလဲ၍၊ အန္တိနီဖိုင်းလေဟိလူမျိုးတို့နှင့် ပူးပေါင်းကြ၏—သူတို့သည် ခရစ်တော်ကို ယုံကြည်ပြီး မောရှေ၏ပညတ်တရားကို စောင့်ထိန်းကြ၏။ ဘီစီ ၉၀–၇၇ ခန့်။
အခန်းကြီး ၂၆
အမ္မုန်သည် ကိုယ်တော်ရှင်၌ ဂုဏ်ယူဝမ်းမြောက်၏—သစ္စာရှိသောသူများသည် ကိုယ်တော်ရှင်အားဖြင့် ခွန်အားဖြည့်ပေးတော်မူခြင်းခံရပြီး၊ အသိပညာပေးတော်မူခြင်းကိုလည်း ခံရ၏—ယုံကြည်ခြင်းအားဖြင့် လူသားတို့သည် ထောင်ပေါင်းများစွာသော စိတ်ဝိညာဉ်များကို နောင်တရခြင်းသို့ ဆောင်ယူနိုင်ကြ၏—ဘုရားသခင်၌ အလုံးစုံသောတန်ခိုးတော်ရှိပြီး၊ အရာခပ်သိမ်းတို့ကို သိနားလည်တော်မူ၏။ ဘီစီ ၉၀–၇၇ ခန့်။
အခန်းကြီး ၂၇
ကိုယ်တော်ရှင်သည် အမ္မုန်ကို အန္တိနီဖိုင်းလေဟိလူမျိုးတို့အား ဘေးလွတ်ရာသို့ ပို့ဆောင်စေရန် မိန့်တော်မူ၏—အယ်လမာကို တွေ့သောအခါ၊ အမ္မုန်၏ဝမ်းမြောက်ခြင်းက သူ၏ခွန်အားကို ကုန်ခန်းစေ၏—နီဖိုင်းအမျိုးသားတို့က အန္တိနီဖိုင်းလေဟိအမျိုးသားတို့အား ယေရှုန်ပြည်ကို ပေး၏—သူတို့ကို အမ္မုန်လူမျိုးဟု ခေါ်ကြ၏။ ဘီစီ ၉၀–၇၇ ခန့်။
အခန်းကြီး ၂၈
လာမန်အမျိုးသားတို့သည် အံ့ဩတုန်လှုပ်ဖွယ်သောတိုက်ပွဲ၌ အနိုင်ခံရ၏—သောင်းပေါင်းများစွာသောသူတို့ ကွပ်မျက်ခံရ၏—ဆိုးညစ်သောသူတို့သည် အဆုံးမရှိသည့် အမင်္ဂလာအခြေအနေသို့ လွှဲအပ်ခံရ၏။ ဖြောင့်မတ်သောသူတို့သည် အဘယ်တော့မျှအဆုံးမရှိသော ပျော်ရွှင်ခြင်းကို ရရှိကြ၏။ ဘီစီ ၇၇–၇၆ ခန့်။
အခန်းကြီး ၂၉
အယ်လမာသည် ကောင်းကင်တမန်၏ စိတ်အားကြီးခြင်းမျိုးနှင့် နောင်တရခြင်းကို ဟစ်ကြော်ရန် အလိုရှိ၏—ကိုယ်တော်ရှင်သည် ခပ်သိမ်းသောနိုင်ငံမှန်တို့အတွက် ဆရာများကို ပေးတော်မူ၏—အယ်လမာသည် ကိုယ်တော်ရှင်၏ အမှုတော်၌လည်းကောင်း၊ အမ္မုန်နှင့် သူ့ညီအစ်ကိုတို့၏ အောင်မြင်မှု၌လည်းကောင်း ဂုဏ်ယူဝမ်းမြောက်၏။ ဘီစီ ၇၆ ခန့်။
အခန်းကြီး ၃၀
အန္တိခရစ်၊ ကော်ရိဟောသည် ခရစ်တော်ကို၊ အပြစ်ဖြေခြင်းမင်္ဂလာကို၊ ထို့အတူ ပရောဖက်ပြုဟောသောဝိညာဉ်ကို လှောင်ပြောင်သရော်၏—သူသည် ဘုရားသခင်မရှိ၊ လူသား၏ကျရှုံးခြင်းမရှိ၊ အပြစ်အတွက် ပြစ်ဒဏ်မရှိ၊ ခရစ်တော်လည်းမရှိဟု သွန်သင်၏—အယ်လမာသည် ခရစ်တော်ကြွလာတော်မူမည်ကိုလည်းကောင်း၊ ဘုရားသခင်ရှိတော်မူကြောင်း၊ အရာခပ်သိမ်းတို့က ရည်ညွှန်းသည်ကိုလည်းကောင်း သက်သေခံ၏—ကော်ရိဟောသည် နိမိတ်လက္ခဏာကို တောင်းဆို၍၊ ထိခိုက်ခံရပြီး ဆွံ့အသွား၏—နတ်ဆိုးသည် ကော်ရိဟောထံသို့ ကောင်းကင်တမန်၏အသွင်ဖြင့် ပေါ်လာပြီး၊ အဘယ်သို့ပြောရမည်ကို သွန်သင်၏—ကော်ရိဟောသည် နင်းချေခံရပြီးသေ၏။ ဘီစီ ၇၆–၇၄ ခန့်။
အခန်းကြီး ၃၁
အယ်လမာသည် ဖောက်ပြန်သင်းကွဲသော ဇော်ရမ်အမျိုးသားတို့ကို ပြန်လည်ခေါ်ဆောင်ခြင်းငှာ၊ သာသနာပြုခြင်းကို ဦးဆောင်၏—ဇော်ရမ်အမျိုးသားတို့သည် ခရစ်တော်ကို ငြင်းပယ်ကြ၏၊ မှားသော ရွေးကောက်ခြင်း အယူအဆကို ယုံကြည်ကြ၏၊ အသေမှတ်ထားသော ဆုတောင်းခြင်းများဖြင့် ကိုးကွယ်ကြ၏—သာသနာပြုများသည် သန့်ရှင်းသောဝိညာဉ်တော်နှင့် ပြည့်ကြ၏—သူတို့၏ဆင်းရဲဒုက္ခများကို ခရစ်တော်၌ ဝမ်းမြောက်ခြင်းက လွှမ်းမိုး၏။ ဘီစီ ၇၄ ခန့်။
အခန်းကြီး ၃၂
အယ်လမာသည် ဒုက္ခဆင်းရဲခြင်းများက နှိမ့်ချစေလေသည့် ဆင်းရဲသားတို့ကို သွန်သင်၏—ယုံကြည်ခြင်းသည်ကား၊ မှန်ကန်သည့်အရာ၊ မမြင်ရသည့်အရာ၌ မျှော်လင့်ခြင်းဖြစ်၏—အယ်လမာသည် ယောက်ျား၊ မိန်းမနှင့် ကလေးသူငယ်တို့ကို ကောင်းကင်တမန်တို့ အမှုတော်ဆောင်ကြောင်း သက်သေခံ၏—အယ်လမာသည် နှုတ်ကပတ်တော်ကို မျိုးစေ့နှင့် ပမာပြု၏—နှုတ်ကပတ်တော်ကို စိုက်၍ ပြုစုပျိုးထောင်ရမည်—ထို့နောက်တွင်ကား၊ ထာဝရအသက်သီးကို ဆွတ်ခူးရာ အပင်အဖြစ်သို့ ကြီးထွား၏။ ဘီစီ ၇၄ ခန့်။
အခန်းကြီး ၃၃
လူသားတို့သည် ခပ်သိမ်းသောအရပ်တို့၌ ဆုတောင်း၍၊ ကိုးကွယ်သင့်သည့်အကြောင်း၊ တရားစီရင်တော်မူခြင်းများကိုလည်း သားတော်ကြောင့် လွှဲဖယ်သည့်အကြောင်း ဇေနုတ်က သွန်သင်ပေး၏—ကရုဏာကို သားတော်ကြောင့် ပေးတော်မူကြောင်း ဇေနော့က သွန်သင်ပေး၏—မောရှေသည် တောရိုင်းထဲ၌ ဘုရားသခင့်သားတော်၏ သင်္ကေတကို မြှောက်ထားလေ၏။ ဘီစီ ၇၄ ခန့်။
အခန်းကြီး ၃၄
ခရစ်တော်၌ရှိသည့် နှုတ်ကပတ်တော်သည် ကယ်တင်ခြင်းကို ဖြစ်စေကြောင်း၊ အာမြူးလက်က သက်သေခံ၏—အပြစ်ဖြေခြင်းမင်္ဂလာကို ပြုထားခြင်းမရှိလျှင်၊ လူသားခပ်သိမ်းတို့ ပျက်စီးရမည်—မောရှေ၏ပညတ်တရားတစ်ခုလုံးက ဘုရားသခင့်သားတော်၏ ယဇ်ပူဇော်ခြင်းကို ညွှန်ပြ၏—ရွေးနှုတ်ခြင်းထာဝရ အစီအစဉ်သည် ယုံကြည်ခြင်းနှင့် နောင်တရခြင်းတို့အပေါ်တွင် အခြေပြု၏—ဇာတိပကတိနှင့် ဝိညာဉ်ပကတိ ကောင်းချီးမင်္ဂလာများအတွက် ဆုတောင်းကြလော့—ယခုဘဝသည်ကား၊ လူသားတို့အတွက် ဘုရားသခင်နှင့် တွေ့ရန်ပြင်ဆင်ရာ အချိန်ဖြစ်၏—သင်တို့၏ကယ်တင်ခြင်းအတွက် ဘုရားသခင်ရှေ့၌ ကြောက်ရွံ့သောစိတ်နှင့် ကြိုးစားအားထုတ်ကြလော့။ ဘီစီ ၇၄ ခန့်။
အခန်းကြီး ၃၅
နှုတ်ကပတ်တော်ကို ဟောပြောခြင်းက ဇော်ရမ်အမျိုးသားတို့၏အမှုကို ဖျက်ဆီး၏—သူတို့သည် ပြောင်းလဲသောသူများကို နှင်ထုတ်ကြ၏၊ ထို့နောက်တွင်၊ ပြောင်းလဲသောသူတို့သည် ယေရှုန်ပြည်၌ အမ္မုန်လူမျိုးတို့နှင့် ပူးပေါင်းကြ၏—အယ်လမာသည် လူတို့၏ဆိုးညစ်ခြင်းကြောင့် ဝမ်းနည်း၏။ ဘီစီ ၇၄ ခန့်။
အခန်းကြီး ၃၆
အယ်လမာသည် ကောင်းကင်တမန်တစ်ပါးကို မြင်ပြီးနောက်၌ဖြစ်သည့် မိမိပြောင်းလဲခြင်းကို ဟေလမန်အား သက်သေခံ၏—သူသည် အပြစ်စီရင်ခံရသော စိတ်ဝိညာဉ်၏ နာကျင်မှုများကို ခံစားရ၏။ သူသည် ယေရှု၏ နာမတော်ကို ပဌနာပြုပြီးနောက်၊ ဘုရားသခင်ဖြစ်ဖွားစေတော်မူသောသူ ဖြစ်လေ၏—သာယာသောဝမ်းမြောက်ခြင်းက သူ၏စိတ်ဝိညာဉ်ကို ပြည့်စေ၏—သူသည် ဘုရားသခင်ကို ချီးမွမ်းလျက်ရှိသည့် ကောင်းကင်တမန်အစုအဝေးကို မြင်၏—များစွာသောပြောင်းလဲသူတို့သည် သူတွေ့ကြုံရ၊ မြင်ရသကဲ့သို့ တွေ့ကြုံရ၊ မြင်ရလေ၏။ ဘီစီ ၇၄ ခန့်။
အခန်းကြီး ၃၇
လူတို့ကို၊ ကယ်တင်ခြင်းသို့ ဆောင်ယူခြင်းငှာ ကြေးပုရပိုက်ပြားများနှင့် အခြားသောကျမ်းစာများကို ထိန်းသိမ်းစောင့်ရှောက်ထား၏—ယာရက်အမျိုးသားတို့သည် မိမိတို့၏ ဆိုးညစ်ခြင်းကြောင့်၊ ဖျက်ဆီးခံရ၏—သူတို့၏လျှို့ဝှက်သောကျိန်ဆိုခြင်းများနှင့် ပဋိညာဉ်များကို လူတို့ထံမှ တားဆီးထားရမည်—သင်တို့၏အမှုမှန်သမျှတို့၌ ကိုယ်တော်ရှင်နှင့် တိုင်ပင်လော့—လိယဟော်နာက နီဖိုင်းအမျိုးသားတို့အား လမ်းပြသကဲ့သို့ပင်၊ ခရစ်တော်၏နှုတ်ကပတ်တော်တို့ကလည်း လူသားတို့ကို ထာဝရအသက်သို့ ပို့ဆောင်တော်မူ၏။ ဘီစီ ၇၄ ခန့်။
အခန်းကြီး ၃၈
ရှိဗလုန်သည် ဖြောင့်မတ်ခြင်းကြောင့် ညှဉ်းဆဲခံရ၏—ကယ်တင်ခြင်းသည် လောက၏အသက်နှင့် အလင်းဖြစ်သူ ခရစ်တော်၌ရှိ၏—သင်တို့၏ ကိလေသာမှန်သမျှကို ချုပ်တည်းလော့။ ဘီစီ ၇၄ ခန့်။
အခန်းကြီး ၃၉
ကာမအပြစ်သည် စက်ဆုပ်ရွံရှာဖွယ်တစ်ခုဖြစ်၏—ကော်ရန်တန်၏အပြစ်များက ဇော်ရမ်အမျိုးသားတို့အား နှုတ်ကပတ်တော်ကို လက်ခံခြင်းမှ တားဆီး၏—ခရစ်တော်၏ ရွေးနှုတ်ခြင်းသည် ၎င်း၏အလျင်ကျသည့် သစ္စာရှိသောသူများကို ကယ်တင်ခြင်း၌ နောက်ကြောင်းပြန် အကျုံးဝင်၏။ ဘီစီ ၇၄ ခန့်။
အခန်းကြီး ၄၀
ခရစ်တော်သည် ခပ်သိမ်းသောလူသားတို့၏ ရှင်ပြန်ထမြောက်ခြင်းကို ဖြစ်ပေါ်စေ၏—ဖြောင့်မတ်လျက် သေသူတို့သည် အတိသုခဘုံသို့သွားကြ၏၊ ဆိုးညစ်သောသူတို့သည် အပြင်အရပ်မှောင်မိုက်သို့သွား၍ သူတို့၏ရှင်ပြန်ထမြောက်ရာကာလကို စောင့်နေကြ၏—ခပ်သိမ်းသောအရာတို့သည် ရှင်ပြန်ထမြောက်ခြင်း၌ မိမိတို့၏ ပကတိ၊ စုံလင်သောကိုယ်သို့ ပြန်လည်ပေါင်းစည်းခံရလိမ့်မည်။ ဘီစီ ၇၄ ခန့်။
အခန်းကြီး ၄၁
ရှင်ပြန်ထမြောက်ရာတွင်၊ လူသားတို့သည် အဆုံးမရှိသည့်ပျော်ရွှင်ခြင်း၊ သို့မဟုတ်၊ အဆုံးမရှိသည့်ဝမ်းနည်းပူဆွေးခြင်းအခြေအနေသို့ ထွက်လာကြ၏—ဆိုးညစ်ခြင်းသည် အဘယ်သောအခါကမျှ ပျော်ရွှင်ခြင်း မဖြစ်စဖူးပေ—လောကီဆိုင်ရာလူသားတို့သည် ဘုရားသခင်မရှိဘဲနှင့် လောကထဲမှာ နေကြ၏—လူတိုင်းသည် ပြန်လည်ပေါင်းစည်းရာတွင်၊ သေခြင်းရှိရာ၌ ရရှိခဲ့သည့် ဝိသေသလက္ခဏာများနှင့် ဂုဏ်ရည်တို့ကို တစ်ဖန်ပြန်၍လက်ခံရရှိကြ၏။ ဘီစီ ၇၄ ခန့်။
အခန်းကြီး ၄၂
သေခြင်းရှိရာအဖြစ်သည် လူသားအတွက် နောင်တရရန်နှင့် ဘုရားသခင်ကို အစေခံရန် စွမ်းဆောင်နိုင်စေခြင်းငှာ အစမ်းသပ်ခံရာ အချိန်ကာလဖြစ်၏—ကျရှုံးခြင်းသည် ခပ်သိမ်းသောလူသားတို့အပေါ် ဝိညာဉ်ပကတိနှင့် ဇာတိပကတိသေခြင်းကို ဖြစ်ပေါ်စေ၏—ရွေးနှုတ်ခြင်းသည် နောင်တရခြင်းအားဖြင့် ရောက်လာ၏—ဘုရားသခင်ကိုယ်တော်တိုင် လောကီသားတို့၏ အပြစ်များအတွက် အပြစ်ဖြေတော်မူ၏—ကရုဏာတော်သည် နောင်တရသောသူများအတွက် ဖြစ်၏—အခြားသောသူခပ်သိမ်းတို့သည် ဘုရားသခင်၏ တရားတော်မူခြင်း လွှမ်းမိုးမှုအောက်၌ ရှိ၏—ကရုဏာတော်သည် အပြစ်ဖြေခြင်းမင်္ဂလာကြောင့် ရောက်လာ၏—အမှန်နောင်တရသောသူများသာလျှင် ကယ်တင်ခြင်းသို့ ရောက်ကြ၏။ ဘီစီ ၇၄ ခန့်။
အခန်းကြီး ၄၃
အယ်လမာနှင့် သူ၏သားများသည် နှုတ်ကပတ်တော်ကို ဟောပြောကြ၏—ဇော်ရမ်အမျိုးသားများနှင့် အခြားသော နီဖိုင်းအမျိုးသားသဘောကွဲလွဲသူများသည် လာမန်အမျိုးသားများ ဖြစ်လာကြ၏—လာမန်အမျိုးသားတို့သည် နီဖိုင်းအမျိုးသားတို့ကို လာ၍စစ်တိုက်ကြ၏—မော်ရော်နိုင်းသည် နီဖိုင်းအမျိုးသားတို့ကို ခုခံကာကွယ်သောချပ်ဝတ်တန်ဆာတို့ဖြင့် ပံ့ပိုး၏—ကိုယ်တော်ရှင်သည် အယ်လမာအား လာမန်အမျိုးသားတို့၏စစ်ဆင်ခြင်းမဟာဗျူဟာကို ဖော်ပြ၏—နီဖိုင်းအမျိုးသားတို့သည် သူတို့၏ နေအိမ်၊ လွတ်လပ်မှု၊ မိသားစုနှင့်ဘာသာတရားကို ကာကွယ်ကြ၏—မော်ရော်နိုင်းနှင့် လေဟိ၏တပ်များသည် လာမန်အမျိုးသားတို့ကို ဝိုင်းထားကြ၏။ ဘီစီ ၇၄ ခန့်။
အခန်းကြီး ၄၄
မော်ရော်နိုင်းသည် လာမန်အမျိုးသားတို့အား ငြိမ်းချမ်းခြင်းပဋိညာဉ်ကို ပြုရန်၊ သို့မဟုတ်လျှင်၊ ဖျက်ဆီးခံရရန် အမိန့်ပေး၏—ဇေရဟင်မနသည် ကမ်းလှမ်းခြင်းကို ငြင်းပယ်ပြီးလျှင်၊ စစ်တိုက်ခြင်းပြန်၍စ၏—မော်ရော်နိုင်း၏တပ်များသည် လာမန်အမျိုုးသားတို့ကို အနိုင်ရ၏။ ဘီစီ ၇၄–၇၃ ခန့်။
အခန်းကြီး ၄၅
ဟေလမန်သည် အယ်လမာ၏စကားများကို ယုံကြည်၏—အယ်လမာသည် နီဖိုင်းအမျိုးသားတို့၏ ပျက်စီးခြင်းကို ပရောဖက်ပြု၍ဟော၏—သူသည် ထိုပြည်ကို ကောင်းချီးပေးလျက်၊ ကျိန်၏—အယ်လမာသည် မောရှေကဲ့သို့ပင်၊ ဝိညာဉ်တော်အားဖြင့် ဆောင်ယူတော်မူခြင်းကို ခံရနိုင်၏—အသင်းတော်၌ ငြင်းခုံခြင်း တိုးပွားလာ၏။ ဘီစီ ၇၃ ခန့်။
အခန်းကြီး ၄၆
အာမလိခိယသည် ရှင်ဘုရင်ဖြစ်ရန် လျှို့ဝှက်ကြံစည်၏—မော်ရော်နိုင်းသည် လွတ်လပ်ခြင်းကမ္ပည်းစာကို လွှင့်၏—သူသည် လူတို့အား သူတို့ဘာသာတရားကို ကာကွယ်ရန် စုရုံး၏—မှန်ကန်သောယုံကြည်သူများကို ခရစ်ယာန်များဟု ခေါ်၏—ယောသပ်အမျိုး၏ ကျန်ကြွင်းသောသူတို့သည် ကာကွယ်စောင့်မခြင်းကို ခံရမည်—သဘောကွဲလွဲသူများနှင့် အာမလိခိယသည် နီဖိုင်းပြည်သို့ ထွက်ပြေး၏—လွတ်လပ်ခွင့်အမှုကို မထောက်မလိုသူတို့သည် အသေသတ်ခံရ၏။ ဘီစီ ၇၃–၇၄ ခန့်။
အခန်းကြီး ၄၇
အာမလိခိယသည် လာမန်အမျိုးသားတို့၏ ရှင်ဘုရင်ဖြစ်လာစေရန်၊ သစ္စာဖောက်ဖျက်ခြင်း၊ လူ့အသက်သတ်ခြင်းနှင့် လျှို့ဝှက်ကြံစည်ခြင်းတို့ကို အသုံးပြု၏—နီဖိုင်းအမျိုးသားသဘောထားကွဲလွဲသူတို့သည် လာမန်အမျိုးသားတို့ထက်ပို၍ ဆိုးညစ်ပြီး၊ ကြမ်းတမ်း၏။ ဘီစီ ၇၂ ခန့်။
အခန်းကြီး ၄၈
အာမလိခိယသည် နီဖိုင်းအမျိုးသားတို့တစ်ဖက်၌ လာမန်အမျိုးသားတို့ကို လှုံ့ဆော်၏—မော်ရော်နိုင်းသည် ခရစ်ယာန်တို့၏အမှုကို ကာကွယ်ခြင်းငှာ သူ၏လူများကို ပြင်ဆင်၏—သူသည် လွတ်လပ်ခြင်းနှင့် လွတ်လပ်ခွင့်တို့၌ ရွှင်လန်းဝမ်းမြောက်လျက်၊ ဘုရားသခင်၏ အားကြီးသောလူတစ်ဦးဖြစ်၏။ ဘီစီ ၇၂ ခန့်။
အခန်းကြီး ၄၉
ကျူးကျော်တိုက်ခိုက်သော လာမန်အမျိုးသားတို့သည် အင်အားခိုင်မာအောင်ပြုထားသော အမ္မုန်နိဟမြို့နှင့် နောဧမြို့တို့ကို သိမ်းယူရန် မတတ်နိုင်ဘဲရှိ၏—အာမလိခိယသည် ဘုရားသခင်ကို ကျိန်ဆဲလျက်၊ မော်ရော်နိုင်း၏အသွေးကို သောက်ခြင်းငှာ ကျိန်ဆို၏—ဟေလမန်နှင့် သူ၏ညီအစ်ကိုတို့သည် အသင်းတော်ကို ဆက်၍ခွန်အားဖြည့်ပေးကြ၏။ ဘီစီ ၇၂ ခန့်။
အခန်းကြီး ၅၀
မော်ရော်နိုင်းသည် နီဖိုင်းအမျိုးသားတို့၏ပြည်များကို အင်အားခိုင်မာစေ၏—သူတို့သည် များစွာသောမြို့အသစ်များကို တည်ဆောက်ကြ၏—စစ်တိုက်ခြင်းများနှင့် ပျက်စီးခြင်းတို့သည် နီဖိုင်းအမျိုးသားတို့၌ သူတို့၏ဆိုးညစ်ခြင်းနှင့် စက်ဆုပ်ရွံရှာဖွယ်အမှုများ၏ကာလများ၌ ဖြစ်ပျက်၏—မော်ရန်တန်နှင့် သူ၏သဘောကွဲလွဲသူတို့သည် တေအန်ကမ်အားဖြင့် အနိုင်ခံရ၏—နီဖိုင်းဟသေ၍၊ သူ၏သား ပါဟောရန်သည် တရားပလ္လင်၌ ထမ်းဆောင်၏။ ဘီစီ ၇၂–၆၇ ခန့်။
အခန်းကြီး ၅၁
ဘုရင့်လူများသည် ဥပဒေကိုပြောင်းလဲ၍၊ ရှင်ဘုရင်တင်မြှောက်ရန် ကြိုးစား၏—ပါဟောရန်နှင့် လွတ်လပ်သူများသည် လူတို့၏မဲဆန္ဒအားဖြင့် ထောက်ခံမှုကို ရရှိ၏—မော်ရော်နိုင်းသည် ဘုရင့်လူများကို မိမိတို့တိုင်းပြည်ကို ကာကွယ်စေရန် သို့မဟုတ် အသေသတ်ခံရစေရန် အနိုင်အထက်စီရင်၏—အာမလိခိယနှင့် လာမန်အမျိုးသားတို့သည် အင်အားခိုင်မာသည့် မြို့များစွာကို သိမ်းယူကြ၏—တေအန်ကမ်သည် လာမန်အမျိုးသားတို့၏ကျူးကျော်ခြင်းကို ခုခံတိုက်ခိုက်၍ အာမလိခိယကို သူ၏တဲထဲ၌ ကွပ်မျက်၏။ ဘီစီ ၆၇–၆၆ ခန့်။
အခန်းကြီး ၅၂
အမ်မော်ရုန်သည် လာမန်အမျိုးသားတို့၏မင်းကြီးအဖြစ်၊ အာမလိခိယ၏အရိပ်အရာကို ခံ၏—မော်ရော်နိုင်း၊ တေအန်ကမ်နှင့် လေဟိတို့သည် လာမန်အမျိုးသားတို့ကို ဆန့်ကျင်၍ အောင်မြင်သောစစ်တိုက်ခြင်းကို ဦးဆောင်၏—မြူးလက်မြို့ကို ပြန်လည်သိမ်းယူ၏။ ဇော်ရမ်အမျိုးသား ယာကုပ်သည်လည်း ကွပ်မျက်ခံရ၏။ ဘီစီ ၆၆–၆၄ ခန့်။
အခန်းကြီး ၅၃
လာမန်အမျိုးသားစစ်အကျဉ်းသားတို့သည် အလျှံပယ်မြို့ကို အင်အားခိုင်မာစေခြင်း၌ အသုံးပြုခံရ၏—နီဖိုင်းအမျိုးသားတို့၌ သဘောထားကွဲလွဲခြင်းက လာမန်အမျိုးသားတို့အောင်နိုင်ခြင်းကို ဖြစ်စေ၏—ဟေလမန်သည် အမ္မုန်လူမျိုးတို့၏ သားလုလင်ပျိုနှစ်ထောင်ကို အုပ်ချုပ်ကွပ်ကဲ၏။ ဘီစီ ၆၄–၆၃ ခန့်။
အခန်းကြီး ၅၄
အမ်မော်ရုန်နှင့် မော်ရော်နိုင်းတို့သည် စစ်အကျဉ်းသားများ လဲလှယ်ခြင်းအတွက် ညှိနှိုင်းဆွေးနွေးကြ၏—မော်ရော်နိုင်းသည် လာမန်အမျိုးသားတို့ဆုတ်ခွာရန်နှင့် သူတို့၏လူသတ်သောတိုက်ခိုက်ခြင်းများကို ရပ်တန့်စေရန် တောင်းဆို၏—အမ်မော်ရုန်သည် နီဖိုင်းအမျိုးသားတို့လက်နက်ချရန်နှင့် လာမန်အမျိုးသားတို့၏ ဩဇာခံဖြစ်လာစေရန် တောင်းဆို၏။ ဘီစီ ၆၃ ခန့်။
အခန်းကြီး ၅၅
မော်ရော်နိုင်းသည် စစ်အကျဉ်းသားများကို လဲလှယ်ရန် ငြင်းဆို၏—လာမန်အမျိုးသားအစောင့်များသည် ယစ်မူးစေရန် သွေးဆောင်ခံရ၏၊ နီဖိုင်းအမျိုးသားတို့လွတ်မြောက်ကြ၏—ဂိဒမြို့ကို အသွေးသွန်းလောင်းခြင်းမရှိဘဲနှင့် သိမ်းယူ၏။ ဘီစီ ၆၃–၆၂ ခန့်။
အခန်းကြီး ၅၆
ဟေလမန်သည် လာမန်အမျိုးသားတို့နှင့်စစ်တိုက်ခြင်း၏အခြေအနေကို ပြန်လည်ပြောပြလျက်၊ မော်ရော်နိုင်းထံသို့ အမှာစာတစ်စောင်ကို ပို့၏—အန္တိပုနှင့် ဟေလမန်တို့သည် လာမန်အမျိုးသားတို့အပေါ်၌ ကြီးစွာသောအောင်နိုင်ခြင်းကို ရရှိကြ၏—ဟေလမန်၏ သားလုလင်ပျိုနှစ်ထောင်တို့သည် အလွန်တရာအံ့ဩဖွယ်ကောင်းသော အင်အားဖြင့်တိုက်ခိုက်လျက်၊ သူတို့အထဲမှ တစ်ဦးမျှ ကွပ်မျက်မခံရ။ အခန်းငယ် ၁၊ ဘီစီ ၆၂ ခန့်။ အခန်းငယ် ၂–၁၉၊ ဘီစီ ၆၆ ခန့်နှင့်၊ အခန်းငယ် ၂၀–၅၇၊ ဘီစီ ၆၅–၆၄ ခန့်။
အခန်းကြီး ၅၇
ဟေလမန်သည် အန္တိဖာရကို သိမ်းယူခြင်း၊ ကူမေနိမြို့ကို အညံ့ခံခြင်းနှင့် နောက်ပိုင်း၌ ကာကွယ်ခြင်းတို့အကြောင်းကို ပြန်လည်ပြောပြ၏—သူ၏အမ္မုန်ပြည်သားလုလင်တို့သည် ရဲရင့်စွာ တိုက်ခိုက်ကြ၏။ ခပ်သိမ်းသောသူတို့ ဒဏ်ရာရကြ၏၊ သို့ရာတွင် တစ်ဦးမျှ ကွပ်မျက်မခံရ—ဂိဒသည် လာမန်အမျိုးသားစစ်အကျဉ်းသားတို့ကို ကွပ်မျက်ခြင်းနှင့် ထွက်ပြေးခြင်းအကြောင်းတို့ကို သတင်းပြောကြား၏။ ဘီစီ ၆၃ ခန့်။
အခန်းကြီး ၅၈
ဟေလမန်၊ ဂိဒနှင့် တေရောမနာတို့သည် မန်တိမြို့ကို ဥပါယ်တံမျဉ်အားဖြင့် သိမ်းယူကြ၏—လာမန်အမျိုးသားတို့ ဆုတ်ခွာကြ၏—အမ္မုန်လူမျိုးတို့၏သားတို့သည် သူတို့၏လွတ်လပ်ခြင်းနှင့် ယုံကြည်ခြင်းတို့ကို ကာကွယ်ခြင်း၌ မြဲမြံစွာတည်လျက်ရှိစဉ် ကာကွယ်စောင့်မ ခံရကြ၏။ ဘီစီ ၆၃–၆၂ ခန့်။
အခန်းကြီး ၅၉
မော်ရော်နိုင်းသည် ပါဟောရန်အား ဟေလမန်၏အင်အားစုများကို ခွန်အားဖြည့်ပေးရန် တောင်းဆို၏—လာမန်အမျိုးသားတို့သည် နီဖိုင်းဟမြို့ကို သိမ်းယူ၏—မော်ရော်နိုင်းသည် အစိုးရကို အမျက်ထွက်၏။ ဘီစီ ၆၂ ခန့်။
အခန်းကြီး ၆၀
မော်ရော်နိုင်းသည် တပ်များအပေါ် အစိုးရ၏လျစ်လျူရှုခြင်းအကြောင်းကို ပါဟောရန်ထံသို့ တိုင်ကြား၏—ကိုယ်တော်ရှင်သည် ဖြောင့်မတ်သူတို့ ကွပ်မျက်ခံရစေရန် အခွင့်ပေး၏—နီဖိုင်းအမျိုးသားတို့သည် မိမိတို့ကိုယ်ကို မိမိတို့၏ရန်သူများထံမှလွတ်မြောက်စေရန် မိမိတို့အစွမ်းမှန်သမျှနှင့် နည်းလမ်းများကို အသုံးပြုရမည်—မော်ရော်နိုင်းသည် မိမိတပ်များ အကူအညီမရလျှင်၊ အစိုးရကို ဆန့်ကျင်တိုက်ခိုက်မည်ဟု ခြိမ်းခြောက်၏။ ဘီစီ ၆၂ ခန့်။
အခန်းကြီး ၆၁
ပါဟောရန်သည် မော်ရော်နိုင်းအား အစိုးရကိုဆန့်ကျင်၍ ထကြွသောင်းကျန်းခြင်းနှင့် ပုန်ကန်ခြင်းတို့အကြောင်းကို ပြောပြ၏—ဘုရင့်လူများသည် ဇရဟင်မလကို သိမ်းပိုက်၍ လာမန်အမျိုးသားတို့နှင့် မိဿဟာဖွဲ့ကြ၏—ပါဟောရန်သည် သူပုန်တို့တစ်ဖက်၌ စစ်အကူတောင်း၏။ ဘီစီ ၆၂ ခန့်။
အခန်းကြီး ၆၂
မော်ရော်နိုင်းသည် ဂိဒေါင်ပြည်ရှိ ပါဟောရန်ကို ကူညီခြင်းငှာ၊ ချီတက်၏—သူတို့တိုင်းပြည်ကို ကာကွယ်ရန်ငြင်းဆိုသည့် ဘုရင့်လူများသည် အသေသတ်ခံရ၏—ပါဟောရန်နှင့်မော်ရော်နိုင်းသည် နီဖိုင်းဟပြည်ကို ပြန်လည်သိမ်းယူကြ၏—များစွာသောလာမန်အမျိုးသားတို့သည် အမ္မုန်လူမျိုးတို့နှင့် ပူးပေါင်းကြ၏—တေအန်ကမ်သည် အမ်မော်ရုန်ကိုကွပ်မျက်၍၊ ပြန်ပြီးကွပ်မျက်ခံရ၏—လာမန်အမျိုးသားတို့သည် ထိုပြည်မှ နှင်ထုတ် ခံရ၏၊ ငြိမ်းချမ်းခြင်းကို တည်ဆောက်၏—ဟေလမန်သည် အမှုတော်ဆောင်ခြင်းသို့ ပြန်လာ၍၊ အသင်းတော်ကို တည်ထောင်၏။ ဘီစီ ၆၂–၅၇ ခန့်။
အခန်းကြီး ၆၃
ရှိဗလုန်နှင့် နောက်ပိုင်းဟေလမန်တို့သည် သန့်ရှင်းမွန်မြတ်သောမှတ်တမ်းများကို သိမ်းယူကြ၏—များစွာသောနီဖိုင်းအမျိုးသားတို့သည် မြောက်ဘက်လားရာပြည်သို့ ခရီးသွားကြ၏—ဟာဂုတ်သည် သင်္ဘောများကိုတည်ဆောက်၏၊ ၎င်းတို့သည် အနောက်ပင်လယ်သို့ ရွက်လွှင့်၏—မော်ရော်နိဟသည် လာမန်အမျိုးသားတို့ကို တိုက်ပွဲ၌ အနိုင်ရ၏။ ဘီစီ ၅၆–၅၂ ခန့်။