Toko 29
I Jesoa Nandeha teny Ambonin’ny Rano
Taorian’ny namahanana olona 5.000, dia nandeha teny an-tendrombohitra i Jesoa mba hivavaka. Nandeha sambo niampita ny Ranomasin’i Galilia ireo mpianany. Rehefa tonga ny alina, dia nanomboka nifofofofo ny rivotra, ary niha-nahery ny onja.
Nony tonga ny alina, dia tonga namonjy ny toerana nisy ireo mpianany i Jesoa. Nandeha teny ambonin’ny rano Izy mba hahatongavana teny amin’ny sambo.
Hitan’ireo mpianany Izy nandeha teny ambonin’ny rano. Natahotra izy ireo. Noheverin’izy ireo fa matoatoa Izy. Niteny tamin’izy ireo i Jesoa hoe: “Izaho ihany, aza matahotra.”
Te-handeha teny ambonin’ny rano ihany koa i Petera. Nantsoin’i Jesoa mba hanatona Azy i Petera. Nidina niala tamin’ny sambo i Petera. Nanomboka nandeha tambonin’ny rano hanatona ny Mpamonjy izy.
Satria nifofofofo mafy ny rivotra, dia nanomboka natahotra i Petera. Nanomboka nilentika tao anaty rano izy ary niantso an’i Jesoa mba hamonjy azy.
Noraisin’ny Mpamonjy ny tanan’i Petera. Nanontaniany an’i Petera ny antony tsy nananany finoana bebe kokoa.
Rehefa tonga teo amin’ny sambo i Jesoa sy i Petera dia nitsahatra ny tafio-drivotra. Niankohoka teo anatrehany daholo ireo mpianany. Fantatr’izy ireo fa Izy no zanak’Andriamanitra.