Toko 63
Nahavita ny Asa Nanirahana Azy i Paoly
Nosamborin’ireo miaramila Romana i Paoly. Navelan’izy ireo hiresaka tamin’i vahoaka Jiosy izy. Nijoro ho vavolombelona tamin’ireo olona i Paoly fa nahita hazavana avy any an-danitra ary nandre ny feon’ny Mpamonjy. Nilaza izy fa i Jesoa no nilaza taminy mba hitory ny filazantsara.
Tsy nino an’i Paoly ireo vahoaka. Te-hamono azy izy ireo. Nampidirin’ireo miaramila am-ponja nandritra ny alina i Paoly.
Nitsidika an’i Paoly tao an-tranomaizina ny Mpamonjy ary nilaza taminy mba tsy hatahotra. Nilaza tamin’i Paoly Izy fa handeha any Roma i Paoly hampianatra ny filazantsara any.
Mba hiarovana an’i Paoly, dia nalefan’ireo Romana tany amin’ny tanàna hafa izy. Tao ny Mpanjaka Agripa. Nilaza tamin’ny Mpanjaka Agripa i Paoly fa efa Fariseo izy ary nankahala ny olona izay nino an’i Jesoa. Nampiditra am-ponja azy ireo mihitsy izy. Avy eo i Paoly dia nahita hazavana avy any an-danitra ary nandre ny feon’ny Mpamonjy. Ankehitriny izy dia nino an’i Jesoa.
Nijoro ho vavolombelona tamin’ny Mpanjaka Agripa i Paoly fa marina ny filazantsara. Nilaza izy fa nitsangana tamin’ny maty i Jesoa. Tao anatin’ny fahitana iray no nilazan’i Kristy tamin’i Paoly mba hampianatra ny filazantsara. Satria nankatò i Paoly, dia maro ireo olona nankahala azy.
Nilaza ny Mpanjaka Agripa fa efa saika nahavita nampino azy an’i Jesoa i Paoly. Tsy nanan-tsaina ny hamono an’i Paoly ny mpanjaka. Kanefa dia nalefany ho any Roma i Paoly, izay hitsarana an’i Paoly.
Tao an-tranomaizina nandritra ny roa taona tao Roma i Paoly. Maro ireo olona tonga nijery azy. Nampianatra azy ireo ny filazantsara izy. Nanoratra taratasy maro ho an’ireo Olomasina tany amin’ny tany hafa i Paoly. Ny sasany tamin’ireo taratasy ireo izay nantsoina hoe epistily, dia hita ao amin’ny Testamenta Vaovao.
Fantatr’i Paoly fa hovonoina izy. Tsy natahotra izy. Nankatò ny didin’Andriamanitra izy. Nampianatra ny filazantsara izy. Vitany ny asa nanirahana azy. Fantatr’i Paoly fa tia azy ny Ray any an-danitra. Fantany koa fa aorian’ny fahafatesany, dia hiaina hiaraka amin’ny Ray any an-danitra sy i Jesoa Kristy izy.