Ireo Teny Tsara ho Fantatra
- ady
-
fifandonana hifanandrinan’ny mpifahavalo
- alitara
-
zavatra masina mitovy amin’ny latabatra hita tany amin’ny tempoly fony fahavelon’i Jesoa. Nanolotra fanatitra ho an’Andriamanitra teo amin’ny alitara ny olona.
Saryalitara - Anjely
-
iraky ny lanitra avy amin’Andriamanitra
- Apôstôly
-
mpitarika iray ao amin’ny Fiangonan’i Jesoa Kristy izay mijoro ho vavolombelona momba an’i Jesoa Kristy ary mampianatra ny filazantsara
- asa fitoriana
-
fotoam-panompoana miavaka iray handehanana sy hampianarana ny olona ny filazantsaran’i Jesoa Kristy ary hanamafisan’orina ny fanjakan’Andriamanitra eto an-tany
- batisa [manao batisa]
-
ôrdônansy na fombafomba izay ahitana lehilahy iray manana ny fahefan’ny fisoronana avy amin’Andriamanitra manitrika olona iray ao anaty rano ary mamoaka azy indray avy eo. Takiana ny batisa mba hahatongavana ho mpikamban’ny Fiangonan’i Jesoa Kristy. Jereo koa ny fanomezan’ny Fanahy Masina.
Sarybatisa - boka
-
olona marary izay feno fery ny vatany iray manontolo
- devoly
-
anarana hafa nomena an’i Satana
- dia
-
miala amin’ny toerana iray mankany amin’ny toerana iray hafa
- didy
-
zavatra izay asain’Andriamanitra ataon’ny olona mba hahazoan’izy ireo fifaliana
- divay
-
zava-pisotro vita amin’ny voaloboka
- efitra
-
tany izay zara raha ahitana rano sy zavamaniry na biby
- fahafolonkarena
-
vola omena an’Andriamanitra hananganana ny Fiangonany
- fahagagana
-
zavatra izay tsy mahazatra miseho vokatry ny herin’Andriamanitra
- fahamarinana
-
zavatra izay marina sy mahitsy
- fahefana
-
zo hampiasa hery iray toy ny fisoronana na ny fananan-jo hanasazy ireo izay tsy mankatò
- fahitana
-
karazana fanambarana avy amin’ny Ray any an-danitra
- fahotana
-
tsy fankatoavana ny didin’ny Ray any an-danitra
- famonjena
-
voavonjy amin’ny fahotana sy ny fahafatesana mba hahafahantsika miaina miaraka amin’Andriamanitra indray
- fampanantenana
-
fitenenana fa hanao zavatra ianao
- fanahy
-
iray amin’ireo zanak’Andriamanitra izay tsy manana vatana nofo sy taolana
- fanambadiana
-
fotoana iray hifaneken’ny lahy sy ny vavy fa hivady
- fanambarana
-
zavatra izay lazain’Andriamanitra amin’ny zanany
- fanasan’ny Tompo
-
ôrdônansy iray izay ahitana fanamasinana ny mofo sy ny rano ary fizarana izany amin’ny mpikamban’ny Fiangonana hampatsiahy azy ireo an’i Jesoa Kristy sy hampatsiahy azy mba hitandrina ny didy. Izany ôrdônansy izany dia tanterahin’ireo lehilahy manana ny fisoronana.
- fanjakan’Andriamanitra
-
ilay Fiangonana na ilay toerana izay hiarahan’ireo olo-marina mipetraka amin’ny Ray any an-danitra aorian’ity fiainana ity
- fanoharana
-
tantara iray izay mampianatra fitsipika na lesona
- fanomezana
-
zavatra tsara omen’Andriamanitra na omen’olon-kafa antsika
- fanomezana ny Fanahy Masina
-
ny zo handray ny fanampian’ny Fanahy Masina. Omena ny olona izany aorian’ny batisa tanterahin’ny olona iray manana ny fahefan’ny fisoronana
- fasana
-
toerana handevenana ireo maty
Saryfasana - feno ny Fanahy Masina
-
manana ny Fanahy Masina izay mameno fahamarinana ny saina sy ny fon’ny olona iray
- fery
-
faritra iray amin’ny vatana izay marary na mandeha ra
- fety
-
sakafo goavana matetika hanina amin’ny andro miavaka anankiray
- fiainana mandrakizay
-
lasa tahaka ny Raintsika any an-danitra ary miaina miaraka Aminy mandrakizay
- Fiaviana Fanindroany
-
rehefa tonga eto an-tany indray i Jesoa hanavotra ireo olo-marina ary handringana ny olon-dratsy
- fihinanam-bilona
-
toerana fanasiana sakafo mba hohaninin’ny biby
Saryfihinanam-bilona - fijoroana ho vavolombelona
-
fahatsapana na eritreritra avy amin’ny Fanahy Masina fa marina ny filazantsara
- filazantsara
-
ny fampianaran’i Jesoa Kristy momba ny fomba tokony hiainan’ny olona mba hahafahan’izy ireo miverina sy miaina miaraka amin’Andriamanitra. Izany dia ny drafitry ny famonjen’ny Ray any an-danitra
- finoana
-
mino sy matoky an’i Jesoa Kristy
- fiovan-tarehy
-
fiovana eo amin’ny olona iray mandritra ny fotoana fohy izay ahafahany mijoro eo anatrehan’Andriamanitra
- fisoronana
-
fahefana hanao asa amin’ny anaran’Andriamanitra
- fitsarana
-
fotoana iray izay hiezahan’ny olona hanaporofoana fa nandika na tsy nandika lalàna ny olona iray
- hendry
-
olona iray izay tena mahay sy mahatakatra an-tsaina ny olona, ny lalàna sy ny soratra masina ary koa, olona izay mahay manomana mialoha
- hery
-
fahafahana hanao zavatra iray Jereo koa ny fisoronana.
- hetra
-
vola alohan’ny olona ho an’ny fanjakana
- hira fiderana
-
hiran’ny fiangonana na hira hiderana an’Andriamanitra
- horohoron-tany
-
fihovitrovitry ny tany izay tena mahery vaika
- jamba
-
tsy afaka mahita
- jiolahy
-
olona mangalatra ny zavatry ny hafa
- kamo
-
tsy te-hiasa
- karavasy
-
tady manify izay ampiasaina hikaravasiana olona na zavatra
Sarykaravasy - lamba fitafy
-
ampahan-damba lava sy mikopakopaka hanaovana ivelan’ny akanjo rehetra
Sarylamba - lanitra
-
toerana izay iainan’ny Ray any an-danitra sy i Jesoa Kristy
- Magy
-
ireo lehilahy avy any Atsinanana nitsidika an’i Jesoa fony izy mbola zazalahy kely
- maka fanahy
-
manao izay hanaovan’ny olona iray zavatra ratsy
- mamadika
-
mivadika amin’ny namana na manolotra azy amin’ny fahavalo
- mambabo [babo]
-
maka firenena na olona an-keriny
- mamela heloka
-
mitsahatra tsy tezitra amin’ny olona iray izay nanao zavatra ratsy na nandratra ny tena
- mamokatra
-
manao na mampitombo zavatra
- manaraka
-
manao izay ataon’ny olona iray
- manasitrana
-
manao izay hahatsara olona marary na voaratra
- manavotra
-
mamonjy amin’ny loza. maty i Jesoa mba hanavotra antsika amin’ny fahafatesana ara-nofo sy ny loza ateraky ny fahotana
- mandainga
-
tsy milaza ny marina
- mandevina [nalevina]
-
mametraka ny vatan’ny olona efa maty iray ao amin’ny fasana na ao ambanin’ny tany. Mametraka zavatra iray any ambanin’ny tany izay tian’ny olona iray hafenina.
- mandidy
-
milaza amin’ny olona iray na zavatra iray ny zavatra tokony hatao
- mandika teny
-
manova amin’ny fiteny hafa ny teny voasoratra na notenenina amin’ny fiteny iray ka mitovy dika tsara izany
- mandohalika
-
mametraka ny lohalika amin’ny tany
Sarymandohalika - mandrakizay
-
zavatra izay tsy manam-petra. Mitohy hatrany hatrany
- mandrakizay
-
hatrany hatrany
- manendry
-
ireo lehilahy izay mihazona ny fahefan’ny fisoronana dia mametraka ny tanan’izy ireo eo amin’ny lohan’ny lehilahy iray hafa mba hanome azy ny hery sy ny fahefan’ny fisoronana
Saryfanendrena - maneso
-
mananihany
- mangalatra
-
maka zavatra izay an’olon-kafa
- mankalaza
-
mahatsiaro andro iray amin’ny alalan’ny fanaovana zavatra miavaka
- mankatò
-
manao izay rehetra angatahina na andidiana
- manombo
-
mamono olona iray amin’ny alalan’ny fanantonana azy eny amin’ny hazo fijaliana tahaka ny nataon’izy ireo tamin’i Jesoa Kristy
- manorina
-
mametraka ny lamina ao amin’ny Fiangonan’i Jesoa Kristy
- marenina
-
tsy afaka mandre
- marina
-
mankatò ny didin’Andriamanitra
- masina
-
zavatra izay madio ary natokana ho ampiasain’Andriamanitra
- masina
-
izay zavatra omen’Andriamanitra antsika ka ilaina hajaina sy omena ny hasiny
- miaramila
-
olona izay manatanteraka ny baikon’ny mpanjaka na ny mpanapaka iray
- mibebaka
-
mahatsiaro manenina amin’ny zavatra nataonao ary mampanantena ny tsy hamerina izany intsony
- midera
-
milaza zavatra tsara momba ny olona iray
- mifady hanina
-
tsy mihinana sakafo sy tsy misotro rano eo am-pikatsahana fitahiana amin’ny Ray any an-danitra
- mifidy
-
misafidy
- mijaly
-
mahatsapa fanaintainana goavana
- mijoro ho vavolombelona
-
milaza amin’ny olona hafa fa fantatsika fa marina ny zavatra iray
- mino
-
mahatsapa zavatra iray izay ara-drariny na marina
- miondrika
-
manondrika ny loha ho fanajana
Saryloha miondrika - mirotsaka
-
lasa tafiditra ao anatin’ny vondrona iray
- misiônera
-
olona izay mandeha manao asa fitoriana. Matetika ilay olona dia voantso handeha ho any amin’ny firenena hafa
- mitahy
-
manome zavatra tsara na manampy olona
- mitarika
-
mitondra ireo hafa
- mitsangana amin’ny maty
-
mitambatra indray ny vatantsika sy ny fanahintsika aorian’ny fahafatesantsika
- mitsaoka
-
mankalaza, mitia, ary mankatò an’Andriamanitra
- mivavaka
-
miresaka amin’Andriamanitra, sy manolotra fisaorana Azy ary mangataka fitahiana
- mofo
-
mofo nandrahoina tamin’ny lafaoro
Sarymofo - mosary
-
tsy fisian-tsakafo noho ny tsy fahampian’ny zavatra maniry mba hamahanana ny olona rehetra
- mpaminany
-
olona izay nantsoin’Andriamanitra hilaza amin’ny olona ny tian’Andriamanitra hataon’izy ireo
- mpampakatra
-
lehilahy iray izay hiroso amin’ny fanambadiana
- mpampihavana
-
olona iray izay manampy ny olona tsy ho tezitra amin’ny hafa
- mpanolotsaina
-
olona iray izay manampy olona iray na manome sosokevitra ho azy
- mpanompo
-
olona izay manompo na miasa ho an’olona iray na ho an’Andriamanitra
- mpanota
-
olona izay tsy mankatò ny didin’ny Ray any an-danitra
- mpiambina
-
olona izay miambina ireo gadra ao an-tranomaizina; miambina olona, na toerana, na zavatra
- mpianatra
-
olona mino an’i Jesoa Kristy ary miezaka ho tahaka Azy
- mpiandry ondry
-
olona iray izay mikarakara ondry
Sarympiandry ondry - mpifanolobodirindrina; namana
-
olona mipetraka eo akaikin’ny tranonao; ireo zanak’Andriamanitra hafa
- mpikambana
-
olona iray izay mpikambana ao amin’ny fiangonana iray na vondrona hafa
- mpisorona
-
mpitarika iray ao amin’ny fiangonana
- mpitarika
-
olona izay mitondra sy tompon’andraikitry ny vondron’olona iray
- mpitondratena; mananotena
-
vehivavy iray izay maty vady
- Olomasina
-
mpikamban’ny Fiangonana marin’i Jesoa Kristy
- olona ratsy fanahy
-
olona iray manana toetra ratsy
- Paska
-
fankalazana iray manokana izay hahatsiarovan’ny vahoaka Jiosy ny fomba nanavotan’Andriamanitra ny vahoakany tamin’ireo Egyptiana tamin’ny fotoanan’i Mosesy
- ratra
-
fery eo amin’ny vatan’ny olona iray
- ratsy
-
zavatra izay tsy tsara ary tsy avy amin’Andriamanitra
- rendrika
-
maty noho ny fijanonana ela loatra tany anaty rano
- Sabata
-
andro iray manokana ao anatin’ny herinandro izay hideran’ny olona an’Andriamanitra amin’ny alalan’ny fandehanana any am-piangonana sy fianarana bebe kokoa momba Azy
- satroka tsilo
-
tsilo maranitra natao boribory izay napetraka teo ambony lohan’i Jesoa
Sarysatroka tsilo - soratra masina
-
boky izay mirakitra ny tenin’Andriamanitra nomena tamin’ny alalan’ny mpaminaniny
- sorona; fahafoizan-tena
-
mahafoy zavatra iray manan-danja ho an’Andriamanitra na ho an’olon-kafa
- synagoga
-
trano izay hiangonan’ireo vahoaka Jiosy mba hiderana an’Andriamanitra
- tantely
-
mason-tantely namboarin’ireo tantely. fenoin’ireo tantely ranon-tantely izany maso-tantely izany.
Sarytantely - tany foana
-
toerana tsy ahitana tanàna na tanàn-dehibe ary olona vitsy ihany no mipetraka any
- tempoly
-
tranon’Andriamanitra eto an-tany; toerana hiderana an’Andriamanitra; toerana masina izay hanatanterahana ireo ôrdônansy masina
Sarytempoly - tendrombohitra
-
havoana lehibe
- tompon’ny tranom-bahiny
-
olona izay miandraikitra ny tranom-bahiny
- toriteny
-
lahateny momba ny filazantsara zaraina amin’ny vondron’olona iray
- tranomaizina
-
toerana hitazonana ny olona nandika lalàna
- tranom-bahiny
-
toerana izay ahafahan’ny olona misakafo sy matory rehefa manao dia lavitra
- tsilo
-
faritra maranitra sy manindrona eo amin’ny zavamaniry iray izay mandratra raha kasihina
- tsodrano
-
vavaka manokana angatahana amin’ny Ray any an-danitra ny mba hanomezany fankaherezana na fahasitranana ho an’ny olona iray. Ilay lehilahy manao izany vavaka izany dia manatanteraka izany amin’ny alalan’ny herin’ny fisoronana izay hazoniny. Izay mety ho fanampiana azontsika avy amin’Andriamanitra.
- valala
-
bibikely vaventy manidina matetika ampiasaina ho sakafo
Saryvalala - vatana nofo sy ra
-
ilay vatana ananan’ny olona eto an-tany izay vita amin’ny hoditra, taolana, nofo, ary ra
- vavaka
-
ireo zavatra lazain’ny olona rehefa mivavaka izy
- voaloboka
-
ilay tahony lehibe eo amin’ny zavamaniry iray toy ny voaloboka, izay hivoahan’ny sampany miolikolika Ny voaloboka dia miaro ireo sampany rehetra mba ho velona
Saryvoaloboka - vola madinika
-
vola vỳ fisaka
Saryvola madinika - zohy
-
lavaka ao anatin’ny havoana
Saryzohy