Toko 48
Ireo Talenta
Nitantara tantara tamin’ireo mpianany momba ilay lehilahy izay nanome talenta an’ireo mpanompony i Jesoa. Ny talenta dia vola be.
Nomen’ilay lehilahy talenta dimy ny mpanompo iray. Nomeny talenta roa ny mpanompo iray hafa. Nomeny talenta iray ilay mpanompo fahatelo. Dia lasa nanao dia lavitra ilay lehilahy.
Niasa mafy ilay mpanompo izay nomena talenta dimy. Nahazo tombony talenta dimy izy. Manana talenta folo izy ankehitriny.
Niasa mafy koa ilay mpanompo nomena talenta roa. Nahazo tombony talenta roa izy. Manana talenta efatra izy ankehitriny.
Ilay mpanompo nomena talenta iray dia nandevina izany tany ambanin’ny tany. Natahotra izy sao very izany. Tsy niasa izy mba hahazoana talenta bebe kokoa izy.
Rehefa niverina ilay lehilahy, dia nanontany ireo mpanompo izy hoe nanaovan’izy ireo inona.
Ilay mpanompo voalohany dia nanome azy talenta folo. Faly ilay lehilahy. Nataony mpitarika amin’ny zavatra maro ilay mpanompony ary nasainy nifaly.
Ilay mpanompo faharoa dia nanome azy talenta efatra. Nahafaly ilay lehilahy koa izany. Nataony mpitarika amin’ny zavatra maro ilay mpanompony ary nasainy nifaly.
Ilay mpanompo fahatelo dia namerina tany amin’ilay lehilahy ny talenta izay naleviny. Tsy faly ilay lehilahy. Nilaza izy fa kamo ilay mpanompo. Tokony niasa mafy izy mba hahazoany talenta maro.
Nalainy tany amin’ilay mpanompo fahatelo ilay talenta ary nomeny ilay mpanompo voalohany. Ary dia noroahiny ilay mpanompo kamo. Ilay lehilahy ao amin’ny tantara dia tahaka an’i Jesoa. Isika dia tahaka ireo mpanompo. Hitsara ny fomba nampiasantsika ireo fanomezam-pahasoavana nomena antsika i Jesoa.