Toko 6
Ny Fitondrana an’i Jesoa tany amin’ny Tempoly
Raha mbola vao herinandro vitsivitsy fotsiny no nahaterahan’i Jesoa dia nentin’ny ray aman-dreniny tany Jerosalema Izy mba hanolorana Azy ao amin’ny tempoly.
I Simona izay lehilahy marina iray nonina tao Jerosalema dia tao amin’ny tempoly tamin’izay. Nilaza taminy ny Fanahy Masina fa hahita an’i Kristy izy alohan’ny hahafatesany.
Nahita an’i Jesoa zazakely tao amin’ny tempoly i Simona. Notazoniny teny an-tsandriny i Jesoa ary nidera an’Andriamanitra izy.
Nilaza i Simona fa hitondra famonjena ho an’ny olona rehetra ilay zaza. Talanjona tamin’ny zavatra nolazainy i Maria sy i Josefa.
I Ana izay vehivavy iray mananotena, dia nahita koa an’i Jesoa ary nahafantatra hoe iza Izy. Nanolotra fisaorana izy ary nilaza tamin’ny olona maro ny momba Azy.