Toko 42
Ilay Tovolahy Mpanan-karena
Nilaza taminy ny Mpamonjy mba ho tia sy hanaja ny ray aman-dreniny ary tsy hamono olona na handainga na hangalatra. Nilaza ilay tovolahy mpanan-karena fa nankatò foana ireo didy izy.
Nilaza tamin’ilay tovolahy i Jesoa fa mila manao zavatra iray fanampiny Izy. Mila mivarotra ny fananany rehetra izy ary manome ny vola rehetra ho an’ny mahantra. Dia tokony hanaraka Azy ilay tovolahy.
Tsy te-hanome ny fananany rehetra ilay tovolahy. Tiany mihoatra an’Andriamanitra ireo zavatra nananany. Niala tamin’alahelo ilay tovolahy.
Nilaza tamin’ny mpianany ny Mpamonjy fa sarotra ho an’ireo mpanan-karena ny mankany an-danitra. Tsy takatr’ireo mpianany izany. Nanontany izy ireo hoe iza no afaka miaina miaraka amin’Andriamanitra. Nilaza i Jesoa fa ireo olona izay matoky an’Andriamanitra sy tia Azy mihoatra noho ny zavatra hafa rehetra no afaka miaraka miaina Aminy any an-danitra.