Toko 40
Ilay Mpiandry Tsara
Ny mpiandry ondry dia mikarakara ny ondry. Manampy azy ireo hahita sakafo sy rano izy ireo. Tsy havelany haratra sy ho very izy ireo. Fantany sy tiany izy ireo ary vonona ny hanolotra ny ainy izy mba hanavotana azy ireo.
Niantso ny tenany ho Mpiandry Tsara i Jesoa Kristy. Izy no mpiandry antsika. Isika dia ondriny. Tia antsika Izy. Manampy antsika hianatra ny fahamarinana Izy. Mampianatra antsika ny fomba tokony hiainana Izy mba hahafahantsika miverina any amin’ny Ray any an-danitra. Nanolotra ny ainy ho antsika Izy.
Ny Mpamonjy dia nilaza tamin’ny vahoaka tao Jerosalema fa manana ondry hafa Izy. Nilaza Izy fa hamangy ireo ondry hafa ireo. Tsy takatry ny vahoaka izany.
Taorian’ny nitsanganan’i Jesoa tamin’ny maty, dia nitsidika ny ondriny tany Amerika Izy. Ny Bokin’i Môrmôna dia miresaka momba izany fitsidihany izany. Nijanona andro maro tany i Jesoa, ka nanasitrana ny marary ary nanome tsodrano ny vahoaka. Nomeny ny fisoronana izy ireo ary naoriny ny Fiangonany. Nampianarin’i Jesoa an’ireo vahoaka ireo izay zavatra nampianariny ny vahoaka tany Jerosalema.