Olona Tsara ho Fantatra
- Agripa
-
Mpanjaka Romana nanjaka tao Isiraely. Niresaka momba an’i Jesoa Kristy tamin’i Agripa i Paoly.
- Ana
-
mananotena mahatoky iray izay nahita an’i Jesoa fony izy mbola zaza ary nampianatra ny olona fa i Jesoa no zanak’Andriamanitra sy Mpamonjy
- Ananiasy
-
mpianatr’i Jesoa Kristy nonina tao Damaskosy. Nitsodrano sy nikarakara an’i Paoly izy taorian’ny nahajamba an’i Paoly tao anatin’ny fahitana iray.
- Andriamanitra
-
mety hilazana ny Ray any an-danitra na i Jesoa Kristy
- Elia
-
mpaminanin’ny Testamenta Taloha
- Elisabeta
-
renin’i Jaona Mpanao Batisa
- Fanahy Masina
-
iray amin’ireo mpikambana telo ao amin’Ny Andriamanitra. Manampy an’i Jesoa Kristy sy ny Ray any an-danitra Izy. Manana ny hery hanampiana ny olona hahafantatra ny fahamarinana Izy. Fanahy Izy ary tsy manana vatana nofo sy taolana.
- Fariseo
-
Mpitarika ny Jiosy. Ny ankamaroan’izy ireo dia nankahala an’i Jesoa sy ireo mpianany.
- Gabriela
-
anjely izay nitsidika an’i Maria ary nilaza taminy fa ho renin’i Jesoa izy. I Gabriela koa dia niseho tamin’i Zakaria ary nilaza taminy fa hanan-janaka lahy izy izay ho antsoina hoe Jaona Mpanao Batisa.
- Heroda
-
mpanjaka ratsy fanahy izay nitondra tao Jerosalema rehefa teraka i Jesoa. Novonoiny avokoa ny zazakely rehetra tao Betlehema ka nanantena izy fa ho faty koa i Jesoa zazakely.
- Isaia
-
mpaminanin’ny Testamenta Taloha nanoratra momba an’i Jesoa
- Jairo
-
mpitarika Jiosy tao Kapernaomy. Natsangan’i Jesoa tamin’ny maty ny zanany vavy.
- Jakoba
-
iray amin’ireo Apôstôly Roa ambin’ny folon’i Jesoa. Iray tamin’ireo mpanolotsain’i Petera izy taorian’ny nahafatesan’i Jesoa.
- Jaona
-
iray amin’ireo Apôstôly Roa ambin’ny folon’i Jesoa. Iray tamin’ireo mpanolotsain’i Petera izy taorian’ny nahafatesan’i Jesoa.
- Jaona Mpanao Batisa
-
mpaminany nanao batisa an’i Jesoa. Zanakalahin’i Zakaria sy Elizabeta izy.
- Jesoa Kristy
-
ilay zanak’Andriamanitra sy Mpamonjy izao tontolo izao. Nijaly sy maty ho an’ny fahotantsika Izy.
- Jiosy
-
Ny Isiraelita dia anisan’ny tao anatin’ny fanjakan’i Joda. I Jesoa dia Jiosy.
- Jodasy Iskariota
-
iray amin’ireo Apôstôlin’i Jesoa. Natolotr’i Jodasy tamin’ireo olona ratsy fanahy i Jesoa mba hahazoana sekela volafotsy 30.
- Josefa
-
Vadin’i Maria. Nikarakara tsara an’i Jesoa sy i Maria i Josefa.
- Joseph Smith
-
Fony zazalahy i Joseph Smith, dia nitsidika azy ny Ray any an-danitra sy i Jesoa Kristy. Nilaza taminy Izy ireo mba tsy handeha any amin’ireo fiangonana misy eto an-tany satria nivaona tamin’ny fahamarinana izy ireo. Tamin’ny alalan’i Joseph Smith, dia naverina tamin’ny laoniny teto an-tany ny Fiangonan’i Jesoa Kristy marina.
- Kaiafa
-
mpisoronabe Jiosy izay nandray anjara tamin’ny fanamelohana an’i Jesoa nandritra ny fitsarana Azy
- Lazarosy
-
Lehilahy natsangan’i Jesoa tamin’ny maty
- Maria
-
renin’i Jesoa
- Maria Magdalena
-
Naman’i Jesoa no sady olona voalohany nahita an’i Jesoa taorian’ny nitsanganany tamin’ny maty
- Maria sy Marta
-
anabavin’i Lazarosy sady naman’i Jesoa
- Matiasy
-
mpianatr’i Jesoa izay nantsoina ho iray amin’ireo Apôstôly Roa ambin’ny folo hisolo ny toeran’i Jodasy Iskariota
- Mesia
-
anarana iray hafa iantsoana an’i Jesoa Kristy
- Mosesy
-
mpaminanin’ny Testamenta Taloha
- Mpamonjy
-
I Jesoa Kristy no Mpamonjy. Nijaly sy maty noho ny fahotantsika Izy. Noho Izy dia afaka ho voavela ny helontsika, raha toa ka mibebaka isika.
- Nikodemosy
-
mpanapaka iray teo amin’ny Jiosy izay nino fa Jesoa no Mpamonjy. Nampianatra momba ny batisa an’i Nikodemosy i Jesoa.
- Paoly
-
lehilahy izay tsy tia ny mpianatr’i Jesoa mandra-pisehon’i Jesoa taminy tao anatin’ny fahitana iray ary nahatonga azy ho niova fo. Avy eo izy dia nanompo an’Andriamanitra ary tonga iray tamin’ireo Apôstôly. Fantatra tamin’ny anarana hoe Saoly koa izy.
- Petera
-
iray amin’ireo Apôstôly Roa ambin’ny folon’i Jesoa ary Filohan’ny Fiangonana taorian’ny nahafatesan’i Jesoa
- Pontio Pilato
-
Governora Romana tany Jerosalema. Nilaza tamin’i Pilato ireo Jiosy mba hanombo an’i Jesoa, ary dia navelan’i Pilato novonoina i Jesoa.
- Ray any An-danitra
-
ilay Rain’ny fanahintsika Mivavaka Aminy isika.
- Romana
-
ireo olona nanjaka teo amin’ny tany izay nipetrahan’i Jesoa nandritra ny fiainany
- Samaritana
-
vondron’olona izay niaina tao amin’ny tany nipetrahan’i Jesoa. Matetika ny Jiosy sy ny Samaritana dia tsy nifankahazo.
- Saoly
-
jereo Paoly
- Satana
-
fanahy iray zanaky ny Ray any an-danitra. Tsy nankatò ny Ray any an-danitra izy, ary dia noroahina hiala tany an-danitra. Lasa devoly izy. Miezaka maka fanahy ny olona Satana mba hanao ny ratsy.
- Silasy
-
misiônera sady naman’i Paoly
- Simona
-
lehilahy marin-toetra iray izay nahita an’i Jesoa zazakely teo amin’ny tempolin’i Jerosalema
- Simona
-
lehilahy tao Samaria. Nanandrana hoe hividy ny fisoronana tamin’i Petera sy i Jaona izy. Nampianarin’izy ireo azy fa tsy misy olona afaka mividy ny fisoronana.
- Stefana
-
mpitarika marin-toetra iray tao amin’ny Fiangonan’i Jesoa Kristy. Novonoin’ny Fariseo izy.
- Tabita
-
vehivavy tsara toetra izay natsangan’i Petera tamin’ny maty
- Zakaria
-
rain’i Jaona Mpanao Batisa