Toko 50
Fampianarana Hafa Nandritra ny Fanasana Farany
Nilaza Izy fa raha tia Azy ireo Apôstôly, dia tokony hitandrina ny didiny. Nampanantena azy ireo ny fanomezan’ny Fanahy Masina Izy. Ny Fanahy Masina no hampianatra azy ireo ny zava-drehetra tokony ho fantany. Ny Fanahy Masina no hanampy ireo Apôstôly hahatsiaro ireo zavatra nampianarin’i Jesoa azy ireo.
Nilaza i Jesoa fa tahaka ny voaloboka Izy. Ireo mpianany dia tahaka ny sampam-boaloboka. Izay sampana miray tsara amin’ny vatan’ny voaloboka ihany no hamoa voa tsara.
Nampanantena ny Apôstôliny i Jesoa fa raha miaina ny filazantsara izy ireo, dia ho tsara ny voany (ny asan’izy ireo). Raha tsy manaraka Azy izy ireo, dia ho tahaka ireo sampana izay nesorina tamin’ilay zavamaniry ary tsy hamoa na inona na inona.
Nivavaka ho an’ireo Apôstôliny i Jesoa Kristy mba hiray hina izy ireo. Tiany izy ireo hampianatra ny olona hino Azy ary hahafantatra fa ny Ray any an-danitra dia tia azy ireo.
Avy eo dia nihira hira fiderana i Jesoa sy ireo Apôstôly ary nandao ny efitrano.