Mga Buhat 13–14

Pasiuna

Si Pablo (kanhi gitawag og Saulo) mihimo sa iyang unang misyonaryo nga panaw uban ni Bernabe isip iyang kompanyon. Misangyaw sila sa ebanghelyo ug miestablisar sa mga sanga sa Simbahan taliwala sa nagpadayon nga pagpanggukod. Sa dihang ang mga Judeo nagdumili sa pagdawat sa pulong sa Dios, silang Pablo ug Bernabe mitutok sa pagsangyaw sa ebanghelyo taliwala sa mga Hentil.

Mga Buhat 13:1–13

Si Pablo ug si Bernabe mihimo sa misyonaryo nga panaw ug mibadlong sa mini nga propeta

Ang mosunod nga sukdanan nagrepresentar sa gidaghanon sa oposisyon nga mahimong masugatan sa usa ka tawo kon maningkamot sa pagsunod sa ebanghelyo. Ang usa ka tumoy sa sukdanan nagrepresentar nga walay oposisyon, ug ang laing tumoy sa sukdanan nagrepresentar sa kanunay nga oposisyon.

Isulat ang pangalan nga Moises sa dapit sa sukdanan nga sa imong hunahuna nagpakita sa lebel sa oposisyon nga giatubang ni Moises. Buhata usab kini alang ni Joseph Smith ug alang ni Nephi. Base sa oposisyon nga imong nadawat samtang ikaw naningkamot sa pagsunod sa ebanghelyo, asa nimo isulat ang imong pangalan sa sukdanan?

Ang matag tinun-an ni Jesukristo makasugat og oposisyon sa lain-laing mga panahon ug sa lain-laing mga lebel sa iyang kinabuhi. Samtang magtuon ka sa Mga Buhat 13–14, pangitaa ang mga baruganan nga makatabang nimo og giya kon makasugat ka og oposisyon sa imong mga paningkamot sa pagpuyo nga matarung.

Sa Mga Buhat 13:1–2 makat-unan nato nga dunay mga propeta ug mga magtutudlo nagpundok sa Antioquia, nakadawat sila og direksyon gikan sa Espiritu Santo nga silang Saulo ug Bernabe kinahanglang tawgon sa pagsangyaw sa ebanghelyo nga mag-uban.

Sa wala pa kining tawag sa misyon, Si Pablo migahin sa iyang panahon sukad sa iyang pagkakabig sa pagkat-on sa ebanghelyo ni Jesukristo (tan-awa sa Mga Taga-Galacia 1:17–18) ug dayon nagtudlo ug nagsangyaw sa ebanghelyo didto sa Damasco Jerusalem, Tarso, Siria, Cilicia, ug Antioqiua (tan-awa sa Giya ngadto sa mga Kasulatan, “Pablo”). Si Bernabe usa ka Judeo gikan sa Cipro nga nakabig ngadto sa ebanghelyo ni Jesukristo (tan-awa sa Mga Buhat 4:36).

Makat-unan nato sa Mga Buhat 13:3–6 nga human silang Saulo ug Bernabe gi-set apart alang sa ilang misyon, sila mipanaw gikan sa Antioquia ngadto sa isla sa Cipro ug misangyaw diha sa sinagoga sa siyudad sa Salamina. Gikan didto mipanaw sila ngadto sa ubang bahin sa isla ngadto sa siyudad sa Pafos.

map, Paul’s first missionary journey — Ang unang misyonaryo nga panaw ni Pablo (tan-awa sa Mga Buhat 13–14).

Basaha ang Mga Buhat 13:6–8, nga mangita unsay nahitabo sa dihang si Saulo ug Bernabe miabut sa Pafos.

Basaha ang Mga Buhat 13:9–12, nga mangita unsay nahitabo ni Elimas (nga gitawag nga Bar-jesus sa Mga Buhat 13:6), ang salamangkiro ug propeta nga mini. Mahimo nimong markahan kon sa unsang paagi nga ang pagsaksi sa gahum sa Dios nakaimpluwensya sa sa gobernador nga si Sergio Paulo, sa bersikulo 12.

Usa ka baruganan nga atong makat-unan gikan sa Mga Buhat 13:9–12 mao nga ang gahum sa Dios mas gamhanan kay sa gahum sa yawa. Ikonsiderar ang pagsulat niining baruganan diha sa imong kasulatan tupad niini nga mga bersikulo.

Tubaga ang mosunod diha sa imong scripture study journal:
1. Ipasabut sa unsa nga paagi nga ang pagsabut sa gahum sa Dios mas gamahan pa kay sa gahum sa yawa nga makatabang nimo sa imong pag-atubang sa oposisyon sa imong kinabuhi.
2. Paglista og duha o tulo ka mga sitwasyon diin ang paghinumdom niini nga baruganan makatabang nimo.

Timan-i nga ang Mga Buhat 13:9 nagpakita sa transisyon gikan ni Saulo nga gitawag og Pablo diha sa kasulatan (tan-awa sa Mga Buhat 13:13).

Mga Buhat 13:14–43

Giasoy pag-usab ni Pablo ang kasaysayan sa mga Israelites ug nagpamatuod nga si Jesukristo miabut agig katumanan sa mga saad sa Dios

Hunahunaa ang usa ka sayop nga imong nahimo nga gusto unta nimong balikon ug usbon. Usahay ang oposisyon nga atong giatubang mahitabo tungod sa atong kaugalingong makasasala nga mga pagpili. Samtang magtuon ka sa Mga Buhat 13:14–43, pangitaa ang usa ka baruganan nga makatabang nimo sa pagbuntog niining matanga sa oposisyon.

Mga Buhat 13:14–37 nagrekord nga si Pablo ug Bernabe mibiya sa Cipro ug milawing ngadto sa Pamfilia, nga anaa sa habagatang kabaybayunan sa karon nga Turkey. Sa wala mahibaloi nga rason, usa sa ilang mga kompanyon, nga si Juan Marcos, nakahukom sa pagbiya nila ug mopauli. Sa Igpapahulay, si Pablo mibarug atubangan sa mga lalaki sa sinagoga sa siyudad sa Antioquia sa Pisidia ug miasoy pag-usab sa kasaysayan sa Israelite, lakip ang pagkaulipon didto sa Ehipto, nakaangkon sa gisaad nga yuta, ang pagtawag sa Dios ni Haring David, ug ang pag-anhi sa Manluluwas pinaagi sa binhi ni David. Mitudlo dayon si Pablo mahitungod sa kinabuhi ug misyon ni Jesukristo.

Basaha ang Mga Buhat 13:32–33, nga mangita unsay gitudlo ni Pablo mahitungod kang Jesukristo. Mahimo nimong markahan sa imong mga kasulatan unsay iyang gitudlo mahitungod sa Manluluwas.

Basaha ang Mga Buhat 13:38–39, nga mangita unsa nga panalangin nga gitudlo ni Pablo nga atong madawat pinaagi sa Pag-ula ni Jesukristo.

Gikan sa Mga Buhat 13:38–39 atong makat-unan ang mosunod nga baruganan: Mapasaylo kita sa atong mga sala ug mapahigawas pinaagi sa Pag-ula ni Jesukristo.

Ang pulong, pagpahigawas, sumala sa pagkagamit sa bersikulo 39, nagpasabut nga “mapasaylo gikan sa sala ug ipahayag nga walay sala” (Giya ngadto sa mga Kasulatan, “Kapaangayan, Paghatag og Kaangayan,” scriptures.lds.org). Kon ang tawo mapahigawas pinaagi sa Pag-ula ni Jesukristo, ang iyang relasyon sa Dios matarung pag-usab.

Sa imong pagbasa unsay gitudlo ni Elder D. Todd Christofferson sa Korum sa Napulog Duha ka mga Apostoles unsay buot ipasabut sa pagpahigawas pinaagi sa Pag-ula ni Jesukristo, markahi ang mga panalangin nga iyang giingon nga moabut pinaagi sa paghinulsol: “Si Jesus nag-antus ug mihatag sa Iyang kinabuhi aron sa pagtubos sa sala. Ang gahum sa Iyang Pag-ula makapapas sa mga epekto sa sala ngari kanato. Kon maghinulsol kita, ang Iyang maulaong grasya makapasaylo kanato ug makalimpyo kanato (tan-awa sa 3 Nephi 27:16–20). Sama ra kini nga wala kita makasala, nga daw wala magpabuntog ngadto sa pagtintal” (“Aron nga Sila Mausa ngari Kanato,” Ensign or Liahona, Nob. 2002, 71).

Tubaga ang mosunod nga mga pangutana diha sa imong scripture study journal:
1. Unsay atong buhaton aron mapasaylo kita sa atong mga sala ug mapahigawas pinaagi sa Pag-ula ni Jesukristo?
2. Kinsa ang pipila ka mga tawo gikan sa kasulatan kinsa napasaylo sa ilang mga sala ug napahigawas pinaagi sa Pag-ula ni Jesukristo?

Kon aduna kay access sa hymnbook sa Simbahan, kantaha o basaha ang unang duha ka mga bersikulo sa “I Stand All Amazed” (Hymns, nu. 193). Samtang magkanta o magbasa ka, pangitaa kon sa unsa nga paagi ang tagsulat sa himno mipadayag sa iyang pasalamat sa Pag-ula sa Manluluwas ug kapasayloan.

Tubaga ang mosunod nga mga pangutana diha sa imong scripture study journal: Unsay imong mga gibati ngadto ni Jesukristo kon ikaw maghunahuna kon sa unsa nga paagi ang Iyang Pag-ula nakahimo nga posible nga mapasaylo ka sa imong mga sala?

Palihug sunda ang bisan unsa nga aghat nga imong nadawat gikan sa Espiritu Santo sa pagtabang nimo nga makadawat og kapasayloan ug mapahigawas pinaagi sa Pag-ula ni Jesukristo.

Ang Mga Buhat 13:40–43 nagpasabut nga human sa wali ni Pablo, daghang mga Hentil mihangyo kaniya sa pagtudlo pag-usab sa sunod nga Igpapahulay.

Mga Buhat 13:44–52

Si Pablo ug Bernabe maisugong misangyaw bisan pa sa nagkadugang nga pagpanggukod

Pagkasunod Igpapahulay nga adlaw hapit ang tibuok siyudad miabut aron sa pagpaminaw ni Pablo ug Bernabe nga nagtudlo sa pulong sa Dios.

Basaha ang Mga Buhat 13:44–52, magtandi sa mga kinaiya ug mga aksyon sa mga Judeo ug sa mga kinaiya ug mga aksyon sa mga Hentil sa ilang pagduol aron sa pagpaminaw nga mosulti silang Pablo ug Bernabe. Ang “inilang kababayen-an nga mga masimbahon” nga gihisgutan sa bersikulo 50 mao kadtong kinsa gitahud pag-ayo sa ilang komunidad.

Timan-i nga ang Hubad ni Joseph Smith sa Mga Buhat 13:48 nagklaro nga “kutob sa mituo gi-orden ngadto sa kinabuhing dayon” (Joseph Smith Translation, Acts 13:48). Ang pulong orden niini nga bersikulo nagpasabut nga sila nakabig ug mibuhat sa mga lakang nga gikinahanglan aron makaangkon og kinabuhing dayon. Kadtong mga lakang naglakip sa bunyag, pagdawat sa gasa sa Espiritu Santo, pagkamasulundon, ug paglahutay uban sa hugot nga pagtuo hangtud sa katapusan.

Mga Buhat 14

Sila si Pablo ug Bernabe mihimo og mga milagro samtang sila nagsangyaw sa ebanghelyo taliwala sa nagpadayon nga pagpanggukod

Ngano sa imong pagtuo nga ang Ginoo motugot nga ang buotan nga mga tawo makasinati og lisud nga mga pagsulay?

Samtang magtuon ka sa Mga Buhat 14, pangitaa ang baruganan nga makatabang nimo nga makasabut unsaon sa pagtubag kini nga pangutana.

Ang Mga Buhat 14:1–21 naghulagway sa pipila ka mga kalisdanan nga gilahutay nilang Pablo ug Bernabe samtang sila nagpadayon sa pagsangyaw. Basaha ang mosunod nga mga tudling, mangita unsa nga mga kalisdanan ang giatubang sa mga misyonaryo, ug ikonsiderar ang pagmarka niini diha sa imong mga kasulatan:

Tubaga ang mosunod nga mga pangutana diha sa imong scripture study journal: Unsa kaha ang imong mahunahuna kon ikaw uban pa nilang Pablo ug Bernabe panahon niini nga mga pagsulay?

Basaha ang Mga Buhat 14:22, nga mangita unsay gitudlo ni Pablo mahitungod sa kalisdanan.

Gikan niini nga bersikulo atong makat-unan ang mosunod nga baruganan: Samtang kita matinud-anong moagi sa kalisdanan, maandam kita sa pagsulod sa celestial nga gingharian.

Palandunga ang mga panalangin nga miabut nimo o sa mga tawo nga imong nailhan samtang ikaw o sila matinud-anong miagi sa mga kalisdanan. Sa unsa nga mga paagi sa imong hunahuna nga matinud-anong paglahutay sa mga pagsulay makaandam nato alang sa gingharian sa langit?

Pagpili og usa ka baruganan nga imong nakat-unan samtang nagtuon ka sa Mga Buhat 13–14 nga labing makatabang nimo panahon sa mga pagsulat. Isulat ang baruganan nga imong napili sa usa ka gamay nga kard o piraso sa papel. Ikonsiderar ang pagbutang niini diin makita nimo kini kanunay (sa salamin, sa imong locker sa eskwelahan, o sa ubang lugar nga kanunay nimong tan-awon) sa paghatag og kusog ug awhag samtang mag-atubang ka og kalisadanan.

Isulat ang mosunod sa ubos sa imong mga assignment karong adlawa diha sa imong scripture study journal:

Akong natun-an ang Mga Buhat 13–14 ug nahuman kini nga leksyon sa (petsa).

Dugang nga mga pangutana, mga hunahuna, ug mga pagsabut nga gusto nakong ipakigbahin sa akong magtutudlo: