Unit 20: Day 1
Mga Buhat 20–22
Pasiuna
Nagsangyaw si Pablo sa ebanghelyo sa Asia Minor (Turkey na karon), ug samtang didto siya sa Mileto, usa ka siyudad duol sa Efeso, mipasidaan siya sa umaabut nga apostasiya ug nag-awhag sa mga lider sa priesthood sa paghatag og kaayohan sa mga miyembro sa Simbahan. Mipanaw siya paingon sa Jerusalem, diin siya gigukod ug gidakop. Samtang nagbarug sa hagdanan sa kota sa Antonia (usa ka garison nga gipuy-an sa mga kasundalohan nga Romano), gipakigbahin ni Pablo ang iyang istorya sa pagkakabig.
Mga Buhat 20–21
Nangalagad si Pablo sa Asia Minor ug mipanaw siya paingon sa Jerusalem, diin siya gibunalan ug gidakop
Hunahunaa ang usa ka panahon nga kinahanglan ka nga mobiya sa imong pamilya, mga higala, o sa ubang mga tawo nga imong gimahal sulod sa pipila mga adlaw, mga semana, o mga bulan.
-
Unsay imong gibati o niadtong imong kauban sa wala pa ka mobiya?
-
Unsay imong gisulti sa usag usa sa dili pa mobiya?
Atol sa ikatulo nga misyonaryong panaw ni Pablo, migahin siya og panahon sa Macedonia, Gresya, ug sa Asia Minor (tan-awa sa Bible Maps, nu. 13, “The Missionary Journeys of the Apostle Paul,” sa Bible appendix). Atol niini nga panaw, gibati niya nga mobalik ngadto sa Jerusalem. Samtang siya nagpanaw, mohunong siya aron sa pagsangyaw ug manamilit sa mga miyembro sa Simbahan nga iyang maagian. Sa gabii sa wala pa siya mobiya sa Troas, namulong si Pablo ngadto sa mga Santos hangtud na sa lawom nga kagabhion.
Basaha ang Mga Buhat 20:9–12, mangita sa unsay nahitabo sa usa ka batan-ong lalaki nga ginganlan og Eutico dihang nakatulog siya atol sa sermon ni Pablo. Ikonsiderar ang pagmarka sa imong mga kasulatan unsay gibuhat ni Pablo sa pagpakita og gugma ug pagpakabana alang ni Eutico.
Sa unsa nga paagi nga ang mga aksyon ni Pablo sama sa Manluluwas atol sa Iyang pagpangalagad?
Isip kabahin sa iyang ikatulong misyonaryo nga panaw, migahin si Pablo og mga tulo ka tuig sa Efeso nagsangyaw sa mga tawo didto. Sa Mga Buhat 20:13–17 makat-unan nato nga sa iyang pagpaingon ngadto sa Jerusalem, mihapit si Pablo sa Mileto, sa gawas sa Efeso, ug mipasugo ngadto sa mga lider sa Simbahan sa Efeso nga makigkita kaniya.
Basaha ang Mga Buhat 20:18–23, mangita sa unsay gipasabut ni Pablo mahitungod sa iyang misyonaryo nga pag-alagad.
Mipahayag si Pablo “wala ako maglilong sa bisan unsa nga inyong kaayohan” (Mga Buhat 20:20) niadtong iyang gitudloan. Basaha sa Mga Buhat 20:21 giunsa ni Pablo pagtudlo nianang labing bililhon—nagpamatuod siya nga ang tanan kinahanglan nga maghinulsol ugn magbaton og hugot nga pagtuo sa pangalan ni Ginoong Jesukristo.
Sumala sa mga bersikulo 22–23, si Pablo andam nga moatubang bisan unsa pay mga kasakit nga naghulat kaniya sa Jerusalem. Duol siya sa kakuyaw sa Jerusalem, diin ang mga lider nga Judeo miisip kaniya nga traydor tungod sa iyang paningkamot sa pagsangyaw sa ebanghelyo ni Jesukristo. Hinoon, usa sa mga rason nga andam si Pablo nga moadto sa Jerusalem tungod kay ang Espiritu sa Ginoo misugo kaniya sa pagbuhat sa ingon.
Basaha ang Mga Buhat 20:24–27, mangita sa unsay gisulti ni Pablo nga siya andam sa pagbuhat isip sulugoon sa Ginoo. Ikonsiderar ang pagmarka sa unsay iyang gisulti sa bersikulo 24.
Gikan sa Mga Buhat 20:24–27, makat-unan nato nga ang tinuod nga mga sulugoon sa Ginoo matinud-anong mohimo sa ilang katungdanan, ug sa pagbuhat sa ingon mobati sila og kalipay. Mahimong isulat nimo kini nga kamatuoran sa imong mga kasulatan o sa imong scripture study journal.
Pamalandung unsay ipasabut alang kanimo sa paghatag sa imong tanan diha sa pag-alagad sa Dios.
Sa unsang paagi nimo magamit kini nga baruganan sa imong kaugalingon kinabuhi?
-
Paghunahuna og panahon sa imong kinabuhi o sa kinabuhi sa usa ka tawo nga imong nailhan sa dihang ikaw o ang laing tawo mipili sa pagserbisyo sa Ginoo uban sa tanang kalagsik ug kusog ug nakasinati og dakong kalipay. Ihulagway sa lakbit kini nga kasinatian ug ang leksyon nga imong makat-unan gikan niini diha sa imong scripture study journal.
Gibisitahan ni Pablo ang mga lider sa Simbahan sa Efeso sa katapusang higayon sa wala pa mobiya paingon sa Jerusalem. Kon ikaw pa si Pablo ug nasayud nga dili na ka makakita pag-usab niini nga mga lider sa Simbahan, unsa nga tambag ang imong ihatag nila sa dili pa ka mobiya?
Basaha ang Mga Buhat 20:28–31, mangita sa mga pasidaan ni Pablo ngadto niini nga mga lider sa Simbahan.
Migamit si Pablo og mga lobo isip pasumbingay alang sa dili matinud-anong mga miyembro sa Simbahan ug sa mga tawo nga moilad sa matinud-anon nga mga miyembro sa Simbahan.
Gipahinumduman ni Pablo ang mga lider sa Simbahan nga “Labi pang bulahan ang paghatag kay sa pagdawat” (Mga Buhat 20:35), ug, mag-ampo uban kanila, nanamilit siya ug nagsugod sa iyang panaw ngadto sa Jerusalem (tan-awa sa Mga Buhat 20:36–38).
Sa Mga Buhat 21:1–10 mahibaloan nato nga nagpadayon si Pablo sa iyang panaw padulong sa Jerusalem ug mihunong sa lain-laing mga rehiyon aron mogahin og panahon uban sa mga miyembro sa Simbahan sa iyang pag-agi. Sa dihang mihapit siya sa siyudad sa Tiro, ang ubang mga disipulo—klaro nga nahingawa sa kahilwasan ni Pablo—mitambag niya nga dili moadto sa Jerusalem (tan-awa sa Mga Buhat 21:4).
Didto sa Cesarea, usa ka propeta nga ginganlan og Agabo nanagna mahitungod kon unsay mahitabo ni Pablo didto sa Jerusalem.
Basaha ang Mga Buhat 21:11, mangita kon unsay gipanagna ni Agabo nga mahitabo ni Pablo didto sa Jerusalem. Ang pulong nga girdle nagpasabut sa usa ka bakus.
Basaha ang Mga Buhat 21:12–14, mangita kon giunsa pagtubag ni Pablo ug sa iyang mga kauban ang panagna.
Unsa may labing importante para nimo sa tubag ni Pablo?
Dili tanang mga sulugoon sa Ginoo ang hangyoon sa pagsakripisyo sa ilang mga kinabuhi. Hinoon, ang tinuod nga mga sulugoon sa Ginoo andam sa pagbuhat sa kabubut-on sa Dios bisan pa sa personal nga sakripisyo.
-
-
Unsa nga mga matang sa sakripisyo nga tingali ipabuhat nimo isip sulugoon sa Ginoo?
-
Kanus-a man ka nahimong andam sa pagbuhat sa kabubut-on sa Dios bisan pa sa imong sakripisyo? Nganong andam ka nga mobuhat niana?
-
Sa Mga Buhat 21:17–40 atong nahibaloan nga si Pablo miabut didto sa Jerusalem ug mihatag og report sa iyang misyonaryo nga buhat ngadto sa lokal nga mga lider sa Simbahan. Miadto siya sa templo, ug sa dihang ang grupo sa mga Judeo nga nakaila kaniya gikan sa iyang misyonaryo nga mga panaw nakakita kaniya, mipahayag sila nga si Pablo usa ka bakakon nga magtutudlo kinsa mitudlo batok sa balaod ni Moises ug dili pinasubay sa balaod midala sa mga Hentil ngadto sa templo. Tungod niini nga pag-akusar, ang manggugubot nga mga tawo mikuha ni Pablo gikan sa templo ug nagsugod sa pagbunal kaniya. Ang mga sundalo nga Romano mipakgang ug midala kaniya aron husayon, ug mihangyo si Pablo sa mga sundalo kon makaistorya ba siya sa mga tawo.
Mga Buhat 22
Gisaysay ni Pablo ang iyang pagkakabig ug nagpamatuod ni Jesukristo
Ang pagkakabig nagpasabut nga mag-usab. Hunahunaa kon sa unsa nga paagi ang tubig makabig og mausab aron kini magamit alang sa lain-laing mga katuyoan. (Pananglitan, ang tubig mausab ngadto sa pagka-ice o inalisngaw.) Pamalandunga ang mga matang sa mga kausaban nga mahatag sa pagkakabig ngadto sa ebanghelyo.
Basaha ang Mga Buhat 22:1–5, mangita kon giunsa ni Pablo paghulagway ang iyang kaugalingon samtang siya nakigsulti ngadto sa mga Judeo gikan sa mga hagdanan sa palasyo sa Jerusalem.
Basaha ang Mga Buhat 22:6–21, diin giistorya ni Pablo ang iyang istorya sa pagkakabig. Dayon itandi ang mosunod nga mga pangutana uban sa sakto nga tubag niini pinaagi sa pagbutang sa letra sa sakto nga tubag diha sa blangko tupad sa pangutana. (Inig ka human nimo, i-tsek ang imong mga tubag niadtong gihatag sa katapusan sa leksyon.)
|
Ang Pagkakabig ni Pablo | |
|---|---|
|
|
Naminaw ug misunod si Pablo sa mga pulong ni Jesukristo ug nagsugod sa pag-usab. Sa Mga Taga-Galatia 1:17–18 makat-unan nato nga human sa iyang talagsaong panan-awon, migahin si Pablo og tulo ka tuig sa Arabia, nga usa unta ka maayong panahon sa espirituhanong pagpangandam ug pagtubo, sa dili pa mobalik ngadto sa Damasco ug dayon moadto sa Jerusalem aron makigkita ni Pedro.
Hunahunaa unsa ka dali nausab ang kinabuhi ni Pablo isip resulta sa iyang pagkakabig ngadto sa Manluluwas. Ang pagkakabig ni Pablo nagtudlo nato nga samtang kita mosunod sa mga pulong ni Jesukristo, mahimo kitang makabig sa hingpit.
Si Sister Bonnie L. Oscarson, kinatibuk-ang presidente sa Young Women, mipasabut sa unsa nga paagi nga ang atong pagkamasulundon sa mga pulong ni Kristo dunay kalabutan sa tinuod nga pagkakabig:
“Ang tinuod nga pagkakabig labaw pa kaysa pagbaton lang og kahibalo sa mga baruganan sa ebanghelyo ug nagpasabut gani og labaw pa kay sa pagbaton og pagpamatuod niadtong mga baruganan. Posible nga magbaton og pagpamatuod sa ebanghelyo nga wala magsunod niini. Ang tinuod nga pagkakabig nagpasabut nga kita naglihok sa unsay atong gituhoan ug nagtugot niini sa pagmugna og ‘dako nga kausaban dinhi kanamo, o dinhi sa among mga kasingkasing’ [Mosiah 5:2]. …
“… Ang pagkakabig mahitabo kon kita magkugi sa pag-ampo, pagtuon sa atong mga kasulatan, pagsimba, ug pagpakatakus sa pag-apil sa mga ordinansa sa templo. Ang pagkakabig mahitabo samtang kita nagsunod sa matarung nga mga baruganan nga atong nakat-unan sa atong panimalay ug sa klase. Ang pagkakabig mahitabo samtang kita nagpuyo og putli ug mahiyasong mga kinabuhi ug nagtagamtam sa pakig-uban sa Espiritu Santo. Ang pagkakabig mahitabo samtang kita nakasabut sa Pag-ula ni Jesukristo, miila Kaniya isip atong Manluluwas ug Manunubos, ug nagtugot sa Pag-ula nga motandog sa atong mga kinabuhi” (“Magpakabig Kamo,” Ensign or Liahona, Nob. 2013, 76–78).
-
Si Pablo gigapos sa mga Romano.
Sa Mga Buhat 22:22–30 atong makat-unan nga masulti ni Pablo ang iyang istorya sa pagkakabig, ang naminaw kaniya mipahayag nga siya kinahanglang mapahamtang sa kamatayon. Gidala si Pablo sa atubangan sa kapitan sa kasundalohan nga Romanhon, kinsa mihukom nga si Pablo kinahanglang kastiguhon, o latiguhon, usa ka taktika nga sa kasagaran gamiton aron pakaulawan ug pagkuha og impormasyon gikan sa mga kriminal. Hinoon, sa dihang ang mga opisyal nga Romanhon nakahibalo nga si Pablo usa ka siyudadnong Romanhon, nakahukom sila sa dili pagkastigo kaniya ug hinoon dad-on siya ngadto sa atubangan sa punoang konseho, ang Sanhedrin. Supak sa balaod sa Romano sa paggapos o pagkastigo sa usa ka siyudadanong Romanhon kinsa “wala pa kahukmi” (Mga Buhat 22:25).
-
Akong natun-an ang Mga Buhat 20–22 ug nahuman kini nga leksyon sa (petsa).
Dugang nga mga pangutana, mga hunahuna, ug mga pagsabut nga gusto nakong ipakigbahin sa akong magtutudlo: