Si Jesus mitudlo sa sambingay sa piniyalan nga malimbungon. Ang mga Pariseo nakadungog sa mga pagtulun-an ni Jesus ug misaway Kaniya. Dayon mibadlong si Jesus sa mga Pariseo ug mitudlo kanila sa sambingay sa adunahan nga tawo ug ni Lazaro.
Si Jesus mihatag sa sambingay sa piniyalan nga malimbungon
Diha sa bakante nga gihatag, ilista ang pipila ka mga kalibutanon nga mga butang nga ang tawo kanunayng mipahimutang sa ilang mga kasingkasing ug naningkamot nga maangkon:
Karon ilista ang pipila ka mahangturon nga mga katigayunan nga gusto sa Langitnong Amahan nga atong tinguhaon (sama sa mahangturon nga mga pamilya ug kalinaw):
Makatagamtam kita sa uban niining mga mahangturon nga mga bahandi niining kinabuhia. Lingini ang usa o duha ka mga mahangturon nga mga bahandi nga importante kanimo. Samtang ikaw magtuon sa Lucas 16, nga mangita sa mga kamatuoran nga makatabang nimo nga maangkon ang mahangturon nga bahandi.
Paghuman sa pagtudlo sa mga sambingay sa karnero nga nawala , sa drakma nga nawala, ug sa anak nga nawala, ang Manluluwas mitudlo sa Iyang mga disipulo sa sambingay sa piniyalan nga malimbungon. Ang usa ka piniyalan mao ang tawo kinsa nagdumala sa mga kalihokan sa patigayon sa laing tawo, kwarta, o katigayunan.
Basaha ang Lucas 16:1–2, nga mangita sa unsay nakat-unan sa tawong dato diha sa sambingay mahitungod sa iyang piniyalan.
Hinumdumi Timan-i kon unsa ang gipasangil nga binuhatan sa piniyalan ngadto sa mga butang sa dato nga tawo. Agig sangputanan sa pagkausikan sa piniyalan, nawad-an sa iyang posisyon isip piniyalan.
Sa Lucas 16:3–7, atong makat-unan nga ang mga piniyalan nabalaka mahitungod sa unsay iyang buhaton sa dihang nawad-an siya og trabaho tungod kay iyang gibati nga dili siya makahimo sa manwal nga paghago ug maulaw kaayo sa paghangyo. Nagmugna siya og usa ka plano nga sa iyang hunahuna mahimong moresulta og mga oportunidad sa pagpanarbaho sa laing panimalay. Siya mibisita sa duha ka tigpangutang sa adunahan nga mga lalaki ug klarong mikaltas og dako sa ilang mga utang, diin siya naglaum nga makapabor siya ngadto nila.
Basaha ang Lucas 16:8, nga mangita sa kon giunsa sa pagtubag sa adunahang lalaki sa dihang iyang nahibaloan ang mahitungod sa mga binuhatan sa iyang tinugyanan. Mahimong makatabang ang pagkahibalo nga “ang mga anak sa kalibutan ” makalibutanon nga mga tawo ug “ang mga anak sa kahayag”mga sumusunod sa Dios, o katawhan nga mahunahunaon sa espirituhanon.
Hinumdumi nga ang adunahan lalaki midayeg sa kaabtik sa piniyalan sa pag-angkon og pabor ngadto sa mga tigpangutang sa lalaki. Wala niya gidayeg ang pagkadili matinud-anon sa piniyalan.
Imahe
Elder James E. Talmage
Si Elder James E. Talmage sa Korum sa Napulog Duha ka mga Apostoles mipasabut sa unsay gitudlo sa Manluluwas pinaagi sa sambingay sa piniyalan nga malimbungon: “Ang katuyoan sa atong Ginoo mao ang pagpakita sa kalainan tali sa kabalaka, kamahunahunaon, ug kamahalaron sa mga tawo nga nalambigit sa mga kalihokan sa pangwarta sa kalibutan, ug ang mga buhat sa kadaghanan nga hapaw ra kinsa nagpakita nga naningkamot sa espirituhanon nga mga bahandi. Ang kalibutanon nga mga katawhan wala magsalikway sa probisyon alang sa ilang umaabut nga katuigan, ug sa kanunay ganahan nga sa makasal-anong paagi makaangkon og daghan, samtang ang mga ‘anak sa kahayag,’ o kadtong kinsa mituo sa espirituhanon nga bahandi nga labaw sa tanang yutan-ong katigayunan, mao ang dili kaayo abtik, amping o maalamon” (Jesus the Christ, 3rd ed. [1916], 463).
Basaha ang Lucas 16:10–12, nga mangita sa unsay giingon sa Manluluwas nga kinahanglan gayud natong buhaton aron mapanalanginan sa mahangturon nga mga bahandi. Hinumdumi nga ang malimbungon nga bahandi sa bersikulo 11 nagpasabut sa yutan-on nga mga bahandi, naglakip sa salapi ug mga katigayunan. Mahimong makatabang ang pagkahibalo nga aron mahimong “kasaligan sa gagmay kaayong butang” (Lucas 16:10) nagpasabut sa matarung nga paggamit sa yutan-on nga mga bahandi.
Gikan sa pagtulun-an sa Manluluwas sa Lucas 16:1–12, atong makat-unan nga kon kita maalamon sa pag-andam alang sa atong mahangturong kaugmaon ug sa matarung nga paagi mogamit sa yutan-ong mga bahandi, mapanalanginan kita og mga mahangturong mga bahandi.
Tubaga ang usa o duha sa mosunod nga mga pangutana diha sa imong scripture study journal:
Sa unsa nga paagi nga ang atong matarung nga paggamit sa yutan-on nga mga bahandi nagpakita sa atong katakos nga mahimong kasaligan sa mahangturon nga mga bahandi?
Unsaon nimo sa paggamit sa tinarung nga paagi ang yutan-on nga mga bahandi isip usa ka batan-on? Unsaon nimo sa paghimo niini isip usa ka hamtong? (Tan-awa sa Jacob 2:17–19.)
Si Jesus nagbadlong sa mga Pariseo ug nagtudlo sa sambingay sa dato ug ni Lazaro
Samtang ikaw magtuon sa Lucas 16:13–26, palandonga kon sa unsa nga paagi nga ang yutan-on nga bahandi makapugong sa ubang tawo nga maangkon ang mahangturon nga mga bahandi.
Sumala sa narekord sa Lucas 16:13–14, ang Manluluwas mitudlo nga “Dili kamo makaalagad sa [duha] Dios ug sa mga bahandi” (Lucas 16:13). Ang mga Pariseo nakadungog sa mga pagtulun-an sa Manluluwas ug “nangyam-id” (Lucas 16:14), o nanaway, Kaniya. Pangitaa sa Lucas 16:14 alang sa pulong nga naghulagway sa mga Pariseo ug nagtanyag og usa ka pagpasabut kon nganong misaway sila sa Manluluwas tungod sa Iyang mga pagtulun-an.
Ang mga Pariseo masinahon, nga nagpasabut gusto sila og mas daghang katigayunan sa hinakog nga paagi, ilabi na sa mga butang nga gipanag-iya sa uban. Nasina sila sa yutan-on nga bahandi ug gahum (tan-awa sa Mateo 23:2–6, 14). Ngano kaha nga ang pagkamasinahon nakatampo man sa ilang pagpanaway sa Manluluwas?
Basaha ang Hubad ni Joseph Smith , Lucas 16:16–23 (sa Bible appendix), nga mangita og dugang panabut ngadto sa panag-istorya tali sa mga Pariseo ug sa Manluluwas.
Gikan niini nga mga bersikulo atong makat-unan nga ang mga Pariseo miangkon nga ang balaod ni Moises nagsilbi isip ilang balaod, ug busa ilang gisalikway si Jesus isip ilang maghuhukom. Si Jesus mipasabut nga ang balaod ni Moises ug ang mga propeta nagpamatuod Kaniya. Siya mikwestyon sa mga Pariseo sa paglimud sa unsay nahisulat ug mibadlong kanila sa “pag[tuis] sa hustong paagi” (Hubad ni Joseph Smith, Lucas 16:21). Aron matabangan kining masinahon nga mga Pariseo nga makasabut sa ilang mga batasan ug sa sangputanan niini, ang Manluluwas mipahisama kanila ngadto sa adunahan nga tawo sa sambingay nga narekord diha sa Lucas 16:19–31.
Samtang ikaw magbasa sa Lucas 16:19–31, ihulagway ang mga karakter dinhi niini nga sambingay ug ang ilang mga inter-aksyon. Ikonsiderar ang pagbasa og kusog sa mga bersikulo, nga anaa kunohay sa atubangan sa tigpaminaw, nga magkutlo sa mga pulong sa Manluluwas (Lucas 16:19–23), ang dato nga lalaki (Lucas 16:24, 27, 28, 30), ug si Abraham (Lucas 16:25, 26, 29, 31). Kini mahimong makatabang nga masayud nga “ang sabakan ni Abraham” (Lucas 16:22) nagrepresentar sa paraiso diha sa kalibutan sa mga espiritu ug ang “hades [impyerno]” (Lucas 16:23) nagpasabut sa prisohan sa mga espiritu (tan-awa sa Bible Dictionary, “sabakan ni Abraham ,” “Hades [impyerno]”).
Imahe
prisohan ug drowing sa paraiso
Sa unsa nga paagi nga ang mortal nga mga kinabuhi sa adunahan nga tawo ug ni Lazaro magkalahi?
Sa unsa nga paagi nga ang kamasinahon sa adunahan nga tawo, o ang gugma sa yutan-on nga mga katigayunan, nakaapekto kaniya human siya namatay?
Unsa sa imong hunahuna ang buot itudlo niini nga sambingay ngadto sa mga Pariseo?
Usa ka baruganan nga atong makat-unan gikan niini nga sambingay mao nga kon kita nagmasinahon ug dili mogamit sa atong yutan-on nga mga bahandi sa matarung nga paagi, sa katapusan atong masinati ang pag-antus ug pagmahay (tan-awa usab sa D&P 104:18).
Imahe
makalilimos ug mga iro
Ang mga iro mitilap sa kabahong ni Lazaro, ang kabus nga tawo kinsa naghigda diha sa pultahan sa adunahan nga tawo.
Kita makakat-on og dugang nga kamatuoran gikan niini nga sambingay. Sumala sa Lucas 16:30, unsay gituohan sa dato nga lalaki nga mahitabo kon si Lazaro mopakita ngadto sa mga igsoon nga lalaki sa dato nga lalaki?
Ang dato nga lalaki nagtuo nga ang iyang igsoong lalaki maghinulsol ug makabig ngadto sa kamatuoran kon si Lazaro magpakita ngadto kanila. Ang pagkakabig mao ang “pag-usab sa mga pagtuo, kasingkasing, ug sa kinabuhi aron sa pagdawat ug sa pagpahiuyon ngadto sa kabubut-on sa Dios” (Giya ngadto sa mga Kasulatan, “Pagkakabig, Kinabig,” scriptures.lds.org).
Sumala sa Lucas 16:29, 31, nganong wala ipadala ni Abraham si Lazaro ngadto sa mga igsoong lalaki sa dato nga lalaki?
Sa paghisgut sa “Moises ug mga propeta,” ang Manluluwas mipasabut na usabsa mga kasulatan nga ang mga Pariseo nangangkon nga nagtuo sa ug nagpakabuhi niini apan nagsalikway sa pagkatinuod.
Gikan niining sambingay atong makat-unan nga ang pagkakabig moabut pinaagi sa pagtuo ug pagpatalinghug sa mga pulong sa mga propeta, dili pinaagi sa pagsaksi og mga milagro, o pagkakita og mga anghel.
Tubaga ang mosunod nga mga pangutana diha sa imong scripture study journal:
Ngano kaha nga ang pagkakabig moabut man pinaagi sa pagtuo ug pagpatalinghug sa mga pulong sa mga propeta kay sa pagsaksi og mga milagro o pagkakita og mga anghel?
Unsay piho nga mga pagtulun-an gikan sa mga propeta ang nag-impluwensya sa imong pagkakabig?
Sa lain nga papel, isulat ang usa ka tumong kon unsaon nimo nga mas motuo o mopatalinghug sa piho nga pagtulon-an o tambag gikan sa mga propeta aron ang imong pagkakabig mapalig-on. Alang sa mga ideya, ikonsiderar ang pagribyu sa Alang sa Kalig-on sa Kabatan-onan nga pamphlet. Ibutang kini nga piraso sa papel diin makita nimo sa matag adlaw aron sa pagpahinumdom kanimo sa imong tumong, tingali diha sa imong mga kasulatan.
Isulat ang mosunod diha sa ubos sa mga assignment karong adlawa sa imong scripture study journal:
Akong natun-an ang Lucas 16 ug nakompleto kini nga leksyon sa (petsa).
Dugang nga mga pangutana, mga hunahuna, ug mga panlantaw nga gusto nakong ipakigbahin uban sa akong magtutudlo: