Unit 10, Day 4: Lucas 8:1–10:37

Unit 10: Day 4

Lucas 8:1–10:37

Pasiuna

Ang Manluluwas mipadayon sa pagpangalagad didto sa Galilea, diin Siya nanagna sa Iyang kamatayon ug pagkabanhaw. Mibiya sa Galilea, si Jesus mibiyahe paingon sa Jerusalem. Sa Samaria, mitudlo Siya sa Iyang mga tinun-an nga mianhi Siya aron sa pagluwas sa mga tawo, dili ang pagguba kanila. Mitudlo usab siya mahitungod sa tinuod nga pagkatinun-an ug mitudlo sa sambingay sa maayo nga Samarianhon.

Lucas 8:1–9:56

Ang Manluluwas mihimo og mga milagro, nagtudlo gamit ang mga sambingay, ug mipanaw ngadto sa Jerusalem

Basaha ang mosunod nga mga talan-awon. Isulat kon sa unsa nga paagi ikaw mobati ug mo-react sa matag sitwasyon.

Sa dihang ikaw sa matinahurong paagi naghangyo sa imong igsoong lalaki o babaye sa pagtabang kanimo sa pagpanghipos sa nagkayamukat, sa walay pagtahud gitubag ka sa pagbuhat niini sa imong kaugalingon.
Samtang nagplano og usa ka kalihokan sa eskwelahan, pipila sa mga classmate nanaway ug nangatawa sa ideya nga imong gipakigbahin.
Samtang imong gipakigbahin ang ebanghelyo ngadto sa usa ka higala, giingnan ka nga ang imong mga pagtuo katingad-an.

Samtang ikaw magtuon sa mga pagtulun-an sa Manluluwas sa Lucas 8–9, pangitaa ang mga kamatuoran nga makagiya kanimo kon imong gibati nga nasilo sa mga lihok o mga pulong sa uban.

Basaha ang mga minubo sa kapitulo sa Lucas 8–9, nga mangita sa mga panghitabo nga narekord dinhi niini nga mga kapitulo. Tungod kay imong gitun-an kini nga mga panghitabo nga detalyado diha sa mga leksyon kabahin ni Mateo ug Marcos, kini nga leksyon magtutok sa Lucas 9:51–62.

Basaha ang Lucas 9:51, nga mangita sa dapit diin midesisyon ang Manluluwas nga adtoon. Ang mga pulong “nga siya pagabayawon” nagpasabut sa nagsingabut nga pagsaka sa Manluluwas ngadto sa langit.

Samtang nagpanaw ngadto sa Jerusalem, si Jesus ug ang Iyang mga tinun-an miduol sa usa ka balangay nga Samarianhon. Basaha ang Lucas 9:52–54, nga mangita sa reaksyon sa mga Samarianhon sa dihang ilang nahibaloan nga si Jesus ug ang Iyang mga tinun-an gustong mosulod sa balangay.

Sa unsa nga paagi si Santiago ug Juan mi-react sa wala pag-abiabi ug pagsalikway sa mga Samarianhon sa Manluluwas?

Basaha ang Lucas 9:55–56, nga mangita sa tubag sa Manluluwas ngadto ni Santiago ug Juan.

Sa dihang ang Manluluwas miingon, “Wala kamo masayud unsang espirituha ang inyong gipakig-ambitan” (Lucas 9:55), nagsugyot Siya nga ang hangyo ni Santiago ug Juan wala mahiuyon uban sa Espiritu sa Dios.

Pagkonsiderar og mga pamaagi diin ang mga tawo karon tingali sobra ang pagreact ngadto sa mga insulto o mga pasilo gikan sa uban. Ribyuha ang mga talan-awon gikan sa sinugdanan niini nga leksyon, ug pamalandonga ang mga pamaagi diin ang usa ka tawo mahimo nga sobra ang pagreact sa maong mga sitwasyon.

Sa unsa nga paagi nga ang reaksyon sa Manluluwas ngadto sa pagsalikway sa mga Samarianhon lahi sa reaksyon ni Santiago ug Juan?

Usa ka kamatuoran nga atong makat-unan gikan niini nga istorya mao nga kita nagsunod sa ehemplo sa Manluluwas kon kita mopili sa pagtubag sa mga pagsilo uban sa pailub ug pagkamainantuson. Ikonsiderar ang pagsulat niini nga kamatuoran diha sa margin sa imong mga kasulatan tupad sa Lucas 9:52–56.

Ang mosunod nga pamahayag ni Elder David A. Bednar sa Korum sa Napulog Duha ka mga Apostoles magtabang kanato sa pagsabut nga ang pagkasilo usa ka pagpili, dili usa ka kondisyon:

“Kon kita motuo o moingon nga kita nasilo , sagad ang gipasabut nato nga kita mainsulto, wala ayoha pagtagad, gitamay, o wala respetoha. Ug sa tinuod bakikaw, makauulaw, walay baruganan, ug sakit nga mga butang mahitabo sa atong pagpakiglambigit sa ubang mga tawo nga nga mohimo kanato nga masakitan. Apan, imposible gayud alang sa usa ka tawo nga mopasakit kanimo o kanako. … Ang masilo usa ka pagpili nga himoon nato; dili kini usa ka kondisyon nga gipahamtang o ipamugos sa atoa sa usa ka tawo o sa usa ka laing butang. …

“… Kon ang usa ka tawo para nato mosulti o mobuhat og makapasilo nga butang, ang atong unang obligasyon mao ang pagbalibad nga masilo ug dayon isulti kini sa pribado, matinuron, ug direkta sa mao nga tawo. Ang ingon nga paagi makadapit og inspirasyon gikan sa Espiritu Santo ug motugot sa mga sayop nga pagtan-aw nga maklaro ug ang tinuod nga tuyo masabtan” (“Ug Walay Makapasilo Kanila,” Ensign o Liahona, Nob. 2006, 90, 92).

Ikonsiderar pag-usab ang mga talan-awon gikan sa sinugdanan niini nga leksyon. Dayon tubaga ang mosunod nga mga pangutana diha sa imong scripture study journal:
1. Unsa ang potensyal nga kakuyaw o kadaot sa pagpili nga masilo niini nga mga sitwasyon?
2. Sa matag talan-awon, sa unsa nga paagi kita makasunod sa ehemplo sa Manluluwas?
3. Sa unsa nga paagi nga mahimo kitang mapanalanginan samtang mopili kita sa pagtubag sa mga makapasilo uban sa pagpailub ug pagkamainantuson?

Palandonga kon ikaw mipili ba nga masilo pinaagi sa mga pulong o mga lihok sa usa ka tawo? Paghimo og usa ka tumong nga mosunod sa ehemplo sa Manluluwas pinaagi sa pagpili nga motubag sa mga makapasilo uban sa pagpailub ug pagkamainantuson. Ikonsiderar ang pagpakigbahin sa imong tumong ngadto sa usa ka sakop sa pamilya o higala aron siya makatabang kanimo nga molampos.

Pahinumdom: Ang pagpaningkamot sa pagtubag uban sa pagpailub ug pagkamainantuson kon imong ikonsiderar nga ang mga kasaypanan nga gibuhat batok kanimo wala magpasabut nga kinahanglan imong tugutan ang sekswal o pisikal nga pag-abuso, lakip ang pagdaugdaog, nga magpadayon. Kon ikaw usa ka biktima sa maong pag-abuso, pakigkita dayon sa imong bishop o branch president aron makadawat og tabang ug tambag.

Lucas 9:57–62

Si Jesus nagtudlo bahin sa tinuod nga pagkatinun-an

Ihapa ang numero sa mga lingin sa ubos. Samtang ikaw nag-ihap, kantaha ang mga pulong sa imong paborito nga awit.

Unsay hagit mahitungod sa pag-ihap sa mga lingin samtang nagkanta sa mga pulong sa usa ka awit?

Ikonsiderar kon sa unsa nga paagi ang kalinga sa pagkanta samtang maningkamot sa pag-ihap mahimong sama sa pagsulay sa pagsunod ni Jesukristo.

Samtang ikaw magpadayon sa pagtuon sa Lucas 9, ikonsiderar kon sa unsa nga paagi ikaw makabuntog sa mga impluwensya nga mahimong makapalinga o makapugong kanimo gikan sa pagsunod sa Manluluwas.

Basaha ang Lucas 9:57–58, nga mangita kon sa unsa nga paagi gitubag ni Jesus ang usa ka lalaki nga mitinguha nga mahimong Iyang disipulo.

Ang mga pulong nga “ang Anak sa tawo walay dapit nga kapahulayan sa iyang ulo” nagpasabut nga ang matang sa kinabuhi sa Manluluwas nagkulang sa mga kahupayan ug kasayon.

Basaha ang Lucas 9:59–60, nga mangita kon unsay gustong buhaton sa ikaduhang lalaki sa dili pa siya mosunod sa Manluluwas.

Wala gipasabut ni Jesus nga sayop ang pagbangutan sa kamatayon sa usa ka minahal o sa paghatag sa atong mga katahuran diha sa usa ka haya (tan-awa sa D&P 42:45). Hinoon, Siya nagtudlo og importanting leksyon mahitungod sa pagkatinun-an. Unsay atong makat-unan gikan sa tubag sa Manluluwas sa Luke 9:60 mahitungod sa mga prayoridad sa usa ka tinuod nga disipulo?

Basaha ang Lucas 9:61–62, nga mangita sa unsay gisulti sa Manluluwas ngadto sa ikatulong lalaki kinsa gusto nga mahimong Iyang disipulo.

Ang mosunod nga pamahayag ni Presidente Howard W. Hunter nakatabang nato sa pagsabut sa gikatandi sa Luke 9:62 pagkupot sa daro ug naglingi sa luyo: “Sa paghimo og usa ka tul-id nga tudling sa umahan, ang magdadaro kinahanglan nga ipunting kanunay ang iyang mga mata sa usa ka permanente nga dapit sa iyang unahan. Kana magpabilin kaniya nga maanaa sa husto nga dalan. Kon, hinoon, mahitabo nga molingi siya sa luyo sa pagtan-aw sa iyang giagian, ang iyang kalagmitan sa pagkasaag modako. Ang mga resulta hiwi ug dili tarong ang mga tudling. … Kon ang atong mga kusog wala nagtumong sa atong luyo apan sa unahan nato—sa kinabuhing dayon ug sa hingpit nga kalipay sa kaluwasan—kita siguradong makaangkon niini” (“Am I a ‘Living’ Member?” Ensign, Mayo 1987, 17).

Palandonga kon sa unsa nga paagi nga ang pagka-disipulo ni Jesukristo sama sa paggunit og daro ug dili motan-aw sa luyo.

Usa ka baruganan nga atong makat-unan gikan sa mga pagtulun-an sa Manluluwas ngadto niini nga mga tawo mao nga aron mahimong usa ka disipulo ni Jesukristo, kinahanglan dili nato itugot ang bisan unsang butang nga mopuli sa atong prayoridad sa pagsunod Kaniya.

Ikonsiderar nganong usahay atong palabihon ang ubang mga prayoridad kay sa atong mga responsibilidad isip mga tinun-an ni Jesukristo.

Si Elder Richard G. Scott sa Korum sa Napulog Duha ka mga Apostoles mitudlo: “Si satanas adunay gamhanang himan nga magamit batok sa maayo nga mga tawo. Kini mao ang pagbalda. Iyang himoon ang mga maayong tawo nga mopuno sa kinabuhi og ‘maanindot nga mga butang’ aron wala nay luna alang sa mahinungdanong mga butang” (“First Things First,” Ensign, Mayo 2001, 7).

Aron matabangan ka sa pagkonsiderar kon unsay nakababag kanimo gikan sa hingpit nga pagsunod kang Jesukristo, kopyaha ang mosunod nga tsart diha sa imong scripture study journal. Dayon paglista diha sa imong tsart og upat o lima ka mga responsibilidad sa usa ka disipulo ni Jesukristo (pananglitan, pag-alagad sa uban, pakigbahin sa ebanghelyo, pagsimba kanunay, o pagbayad sa ikapulo). Alang sa matag responsibilidad nga imong giila, paglista og mga ehemplo sa uban nga mga prayoridad nga mahimong palabihon sa usa ka tawo kay sa niana nga responsibilidad.

Mga responsibilidad sa usa ka disipulo ni Jesukristo	Uban nga mga prayoridad

Sa imong scripture study journal, pagsulat mahitungod sa usa ka kasinatian nga ikaw nakakita og usa ka tawo nga nagpili sa pagpalabay sa ubang mga tumong o mga prayoridad aron sa pagsunod sa Manluluwas.

Palandonga unsa kaha ang itugot nimo nga mag-una nga prayoridad kay sa pagsunod ni Jesukristo ug sa Iyang mga pagtulun-an. Pagsulat og usa ka tumong diha sa usa ka pirasong papel alang sa unsay imong buhaton aron mahimo nga mas taas og prayoridad ang Manluluwas ug ang Iyang ebanghelyo. Ibutang kini nga papel sa usa ka dapit diin imo kining makita kada adlaw.

Lucas 10:1–24

Ang Ginoo mitawag, mihatag og gahum, ug mitudlo sa Seventy

Basaha ang Lucas 10:1–2, nga mangita kon kinsa ang gitudlo sa Ginoo sa pagtabang og buhat sa Iyang buluhaton.

Ang pulong nga seventy sa Lucas 10:1 wala lamang naghulagway sa gidaghanon sa mga sulugoon nga gipadala ni Jesus apan nagpasabut usab kini og katungdanan sa priesthood. Kining sama nga katungdanan sa priesthood anaa sa gipahiuli nga Simbahan. Karon adunay walo ka mga korum sa Seventy, bisan og ang mga sakop lamang sa unang duha ka mga korum ang gitawag isip mga General Authority. Ang ilang buhat nga pagsangyaw sa ebanghelyo ug pagtabang sa pagpangalagad sa Simbahan gidumala sa Korum sa Napulog Duha ka mga Apostoles ug sa Kapangulohan sa Seventy.

Gikan niini nga mga bersikulo atong makat-unan nga ang Ginoo nagtawag og mga mamumuo agig dugang sa mga Apostoles sa pagrepresentar Kaniya ug sa pag-abag Kaniya sa Iyang buhat. Ngano sa imong hunahuna ang Ginoo nagtawag ug uban nga morepresentar ug moabag Kaniya?

Ang Lucas 10:3–24 naglangkob sa mga panudlo sa Manluluwas nga gihatag ngadto sa Seventy kon sa unsa nga paagi tumanon ang ilang mga responsibilidad. Ang Seventy sa kaulahian mireport ngadto ni Jesus sa ilang mga paghago, ug Siya mihatag kanila og dugang nga panudlo ug nagmaya uban kanila. Hinumdumi nga ang Lucas 10:10–11 naglangkob sa mga panudlo sa Ginoo nga gihatag ngadto sa Seventy nga lahi gikan sa mga panudlo nga nadawat sa mga misyonaryo karon. Ang Seventy gihatagan og pagtugot sa pagtaktak sa abug diha sa siyudad agi og pagpamatuod batok niadtong kinsa wala modawat kanila. Karon kini buhaton lamang sa labing grabe nga mga kahimtang ug mahimo lamang buhaton ubos sa direksyon sa First Presidency. Ang full-time nga mga misyonaryo karon wala hatagi og katungod sa pagbuhat niini sa ilang kaugalingong pagbuot.

Lucas 10:25–37

Nagtudlo si Jesus sa Sambingay sa maayong Samarianhon

dalan diha sa desyerto nga kamingawan — Ang dalan paingon sa Jerico

Basaha ang Lucas 10:25, nga mangita sa pangutana nga gipangutana sa usa ka magbabalaod aron sa pagtintal, o pagsulay, sa Manluluwas.

Sa unsa nga paagi imong tubagon kon ang usa ka tawo mangutana kanimo niini nga pangutana?

Basaha ang Lucas 10:26–28, nga mangita sa tubag sa Manluluwas ngadto sa pangutana sa magbabalaod.

Base sa unsay imong nabasa sa Lucas 10:25–28, kompletoha ang mosunod nga baruganan: Aron makabaton sa kinabuhing dayon kita kinahanglan gayud .

Basaha ang Lucas 10:29, nga mangita sa ikaduhang pangutana nga gipangutana sa magbabalaod ngadto ni Jesus.

Ang Maayo nga Samarianhon — Ang maayo nga Samarianhon

Aron sa pagtubag sa pangutana sa abogado, ang Manluluwas mitudlo og usa ka sambingay mahitungod sa Samarianhon (tan-awa sa Lucas 10:30–35). Sa mga panahon sa Bag-ong Tugon dihay hilabihan nga pagdumot tali sa mga Judeo ug sa mga Samarianhon (tan-awa sa Bible Dictionary, “Samarianhon”). Kinaiya sa duha ka grupo nga buhaton ang tanan nga makalikay sa usag-usa.

Basaha ang Lucas 10:30–37, nga mangita sa unsay gitudlo sa sambingay mahitungod sa kinsa ang atong mga silingan.

Si Presidente Thomas S. Monson miingon nga kita kinahanglang mahinumdom sa sambingay sa maayo nga Samarianhon samtang atong ikonsiderar kon sa unsa nga paagi tubagon kadtong nanginahanglan sa atong tabang:

“Kitang tanan, sa panaw sa pagka-mortal, mobiyahe sa iyang kaugalingong Dalan sa Jerico. Unsa ang mahimo ninyong kasinatian? Unsa ang ako? Mapakyas ba ako sa pagmatikod kaniya kinsa nabiktima sa mga kawatan ug nanginahanglan sa akong tabang? Mapakyas ba ikaw? “Ako ba ang makakita sa naangol ug makadungog sa iyang pangamuyo, apan motabok sa pikas dalan? Mapakyas ba ikaw? “O ako ba kinsa ang makakita, kinsa ang makadungog, kinsa mohunong, ug kinsa motabang? Mapakyas ba ikaw?

“Si Jesus mihatag nato og sanglitanan: ‘Lakaw, ug buhata ang ingon.’ Kon kita mosunod niana nga pamahayag, kana nagbukas sa atong panan-aw og talan-awon sa hingpit nga kalipay nga panagsa ra matupngan ug dili gayud malabwan.

“Karon ang Dalan sa Jerico mahimong wala mamarkahi og klaro. Ni ang naangol mosinggit, aron kita makadungog. Apan kon atong sundon ang mga lakang sa maayo nga Samarianhon, kita naglakaw sa dalan paingon sa kahingpitan” (“Your Jericho Road,” Ensign, Peb. 1989, 2, 4).

Paghunahuna nga aduna kay usa ka higala kinsa nanlimbasug sa paghigugma sa usa ka tawo kinsa makalagot, makapahiubos, o makapasuko kaniya. Sa imong scripture study journal, pagsulat og usa ka mubong sulat ngadto sa imong higala, magpasabut unsay atong makat-unan gikan niini nga sambingay mahitungod sa paghigugma sa uban ug sa unsa nga paagi kita makapaningkamot nga mahisama sa maayo nga Samarianhon.
Isulat ang mosunod diha sa ubos sa mga assignment karong adlawa sa imong scripture study journal:

Akong natun-an ang Lucas 8:1–10:37 ug nakompleto kini nga leksyon sa (petsa).

Dugang nga mga pangutana, mga hunahuna, ug mga panlantaw nga gusto nakong ipakigbahin uban sa akong magtutudlo: