Pasiuna sa Programa sa Home-Study Seminary

Ang programa sa home-study seminary gidesenyo aron sa pagtabang nimo sa pagpalambo sa imong pagsabut sa ebanghelyo ni Jesukristo ug paggamit sa mga pagtulun-an niini diha sa imong inadlaw nga kinabuhi pinaagi sa pagtuon sa mga kasulatan. Alang sa imong pagtuon niining tuiga, una nimong kompletuhon ang reading assignments gikan sa kasulatan alang niini nga kurso—sa Bag-ong Tugon—ug dayon imong kompletuhon ang indibidwal nga mga leksyon. Kausa sa usa ka semana makigkita ka sa imong seminary teacher aron isumiter ang imong trabaho ug moapil sa senimana nga leksyon.

Ang seminary usa ka inadlaw nga programa sa relihiyoso nga edukasyon. Kinahanglang inadlaw nga buhaton ang mainampoong pagtuon sa imong mga kasulatan. Kinahanglan nimong buhaton ang imong mga seminary assignment kada adlaw, bisan og ikaw dili motambong sa klase sa seminary kada adlaw. Dunay 32 ka mga unit nga kompletuhon niini nga kurso. Ang tsart sa pagbasa sa pahina 000 nagpakita unsay imong tun-an alang sa matag unit. Ang imong magtutudlo motabang nimo nga makasabut kanus-a ang matag unit isumiter. Ang mga leksyon niining giya sa pagtuon molungtad og mga 30 minutos sa pagkompleto, dugang sa imong inadlaw nga pagtuon sa kasulatan.

Kinahanglan nga ikaw dunay duha ka mga scripture study journal (o duha ka mga notebook), lahi sa imong personal journal, diin imong isulat ang mga assignment gikan sa mga kalihokan sa giya sa pagtuon. Matag semana ikaw makigkita sa imong magtutudlo, kinahanglan nga imong ihatag ang scripture study journal nga dunay nakompleto nga mga assignment gikan sa mga kalihokan sa giya sa pagtuon nga imong nakompleto alang niana nga semana. Ang imong magtutudlo mobasa ug motubag sa mga assignment ug mouli sa scripture study journal nganha nimo sa sunod nga semana. Mahimo usab nga imong isulat ang imong mga tubag sa papel ug ihatag ang mga pahina niana nga semana. Kon, iuli sa imong magtutudlo ang mga pahina, ibutang kini og balik ngadto sa notebook.

Ang Paggamit Niini nga Manwal sa Programa sa Daily Seminary

Kini nga manwal mahimong gamiton sa mga magtutudlo sa programa sa daily seminary sa pagpalambo sa mga leksyon o alang sa make-up work. Hinoon, dili kini ihatag ngadto sa kada estudyante sa daily seminary. Kon ang estudyante kinahanglan nga mag-make-up og leksyon aron magraduhan, ang magtutudlo mahimong mo-assign niya sa pagkompleto sa leksyon sa home-study nga motukma sa leksyon nga wala matambungi.

Paggamit sa Giya sa Pagtuon sa Estudyante sa Home-Study

Pasiuna sa Scripture Text

Ang pasiuna naghatag og background nga impormasyon ug summary sa scripture text alang sa matag leksyon.

Grupo sa Bersikulo ug Summary sa Sulod

Ang mga grupo sa bersikulo nagpakita sa natural nga pagkaputol diin ang kausaban sa aksyon o hilisgutan nabutang. Ang matag usa gisundan sa mubo nga summary sa mga hitabo o mga pagtulun-an diha sa mga bersikulo.

Mga Doktrina ug mga Baruganan

Samtang ang mga doktrina ug mga baruganan natural nga mogawas gikan sa scripture text, kini gipabaga diha sa leksyon aron matabangan mo nga makaila niini.

Mga Tabang sa Pagtuon

Ang mga tabang sa pagtuon naghatag og mga panabut ug nagpasabut sa mga praktis nga makapalambo sa imong pagtuon ug pagsabut sa mga kasulatan.

Scripture Mastery

Ang matag 25 ka mga tudling sa scripture mastery nga makita sa Bag-ong Tugon gilain-lain sa paghisgot diha sa leksyon diin kini makita, aron sa pagtabang nimo nga molambo ang imong pagmaster niini.

Pagrekord sa mga Tubag diha sa Manwal

Usahay ikaw hangyoon sa pagsulat sa mga tubag diha sa manwal sa blangko nga mga linya o sa usa ka tsart.

Mga Assignment sa Scripture Study Journal

Ang mga assignment sa scripture study journal kinahanglang isulat ug ihatag ngadto sa imong magtutudlo matag semana alang sa feedback. Hunahunaa pag-ayo ang imong mga tubag nga makatabang nimo nga dunay makahuluganong mga kasinatian samtang ikaw magkat-on ug mogamit sa mga kamatuoran gikan sa mga kasulatan.