Pasiuna sa Scripture Mastery

Ang Seminaries and Institutes of Religion mipili og 25 ka mga tudling sa scripture mastery alang sa matag usa sa upat ka mga kurso sa pagtuon sa seminary. Kining 100 ka mga tudling naghatag og importante nga pundasyon sa kasulatan alang sa pagsabut ug pagpakigbahin sa ebanghelyo ug sa paglig-on sa pagtuo.

Ikaw giawhag sa pagpalambo og mastery niini nga mga tudling. Ang pagmaster sa mga tudling sa kasulatan naglakip sa mosunod:

• Pagpangita sa mga bersikulo pinaagi sa pagkahibalo sa may kalabutan nga mga pakisayran sa kasulatan

• Pagsabut sa kinatibuk-ang kahulugan ug sa sulod sa mga tudling sa kasulatan

• Paggamit sa mga doktrina ug mga baruganan sa ebanghelyo nga gitudlo diha sa mga tudling sa kasulatan

• Pagmemorya sa mga tudling

Niini nga giya sa pagtuon imong tun-an ang matag usa sa 25 ka tudling sa scripture mastery inig gawas niini diha sa kurso sa pagtuon sa Bag-ong Tugon. Ang pagmaster sa mga tudling sa kasulatan magkinahanglan sa imong paningkamot. Ang kanunay ug pagbalik-balik sa pagkat-on sa scripture mastery makatabang nimo nga mabutang ang mga kamatuoran sa imong long-term memory alang sa umaabut nga paggamit. Mahimong mohukom ka sa paggahin og pipila ka mga minuto matag adlaw sa pagribyu sa mga tudling sa scripture mastery. Pangita og mga oportunidad sa paggamit niini samtang ikaw mopasabut sa sukaranang mga doktrina sa ebanghelyo ngadto sa uban.