Unit 1, Day 4: Pasiuna ug Kinatibuk-ang Kahulugan sa Bag-ong Tugon
Unit 1: Day 4
Pasiuna ug Kinatibuk-ang Kahulugan sa Bag-ong Tugon
Pasiuna
Ang Bag-ong Tugon usa ka rekord sa mortal nga kinabuhi, mga pagtulun-an, ug Pag-ula ni Jesukristo, sa pagkaestablisar sa Iyang Simbahan, ug sa unang pangalagad ug mga pagtulun-an sa Iyang mga disipulo. Niini nga leksyon imong makat-unan ang mahitungod sa masaysayon ug kultural nga kinatibuk-ang kahulugan sa Bag-ong Tugon, lakip nganong daghang mga Judeo ang misalikway ni Jesus isip Mesiyas, o Manluluwas. Mabasahan usab nimo ang mahitungod niadtong mapainubsanong midawat ni Jesus isip Manluluwas ug mipili sa pagsunod Kaniya.
Ang Sulod sa Bag-ong Tugon
Imahe
detalye gikan sa pagbato ni Esteban, pagbato ni Esteban
Ibutang ang imong kamot sa litrato nga anaa sa tuo. Base sa unsay imong nakita sa litrato sa wala, unsa sa imong pagtuo ang nahitabo sa litrato? Kuhai sa tabon ang litrato nga anaa sa tuo.
Sa unsang paagi nga ang pagkakita sa tibuok litrato makatabang nga makasabut unsay nahitabo?
Ang tawo nga dunay blue nga tabon sa ulo mao si Esteban, usa ka disipulo ni Jesukristo. Basaha ang ulohan sa kapitulo sa Mga Buhat 7 aron makahibalo unsa nga kalihokan ang gipakita niini nga litrato.
Hunahunaa kon unsaon kaha nimo pagpahisama ang pagkuha sa tabon sa tibuok litrato ngadto sa pagsabut sa mga kasulatan.
Kini nga kalihokan naghulagway sa kaimportante sa pagsabut sa kinatibuk-ang kahulugan sa mga kasulatan. Ang pulong kinatibuk-ang kahulugan nagpasabut sa mga sirkumstansya nga naglibut o naghatag og background sa usa ka tudling, kalihokan, o istorya diha sa mga kasulatan. Kon imong nang mapamilyar ang masaysayon ug kultural nga kinatibuk-ang kahulugan sa Bag-ong Tugon, mas masabtan nimo ug magamit ang pagtulun-an niini.
Ang mosunod nga mga seksyon niini nga leksyon naglakip sa impormasyon nga makatabang nimo nga makasabut pa sa kinatibuk-ang kahulugan sa Bag-ong Tugon.
Ang Relihiyuso nga mga Lider nga Judeo panahon sa Pangalagad sa Manluluwas
Ang propeta sa Basahon ni Mormon nga si Jacob mirekord og usa ka panagna nga makatabang nato nga makasabut sa mga sirkumstansya palibut sa mortal nga pangalagad ni Jesukristo. Basaha ang 2 Nephi 10:3–5, mangita sa mga pulong nga gigamit ni Jacob sa paghulagway sa espirituhanong kondisyon sa mga Judeo panahon sa pangalagad sa Manluluwas.
Ang pulong panapi sa mga pari sa 2 Nephi 10:5 nagpasabut nga nagsangyaw nga nagtinguha nga “makaangkon og bahandi ug pagdayeg sa kalibutan” imbis sa kaayohan sa katawhan sa Dios (2 Nephi 26:29). Kadtong kinsa sad-an sa panapi sa mga pari mga dautan nga relihiyuso nga mga lider taliwala sa mga Judeo kinsa nagpahisalaag sa mga tawo.
Dugang sa Balaod ni Moises, ug Ubang Bakak nga mga Pilosopiya
Sa pagsabut pa og dugang kon sa unsa nga paagi nga ang relihiyuso nga mga lider mipahisalaag sa mga tawo, pagdrowing og lingin libut sa mosunod nga lingin nga nagrepresentar sa balaod ni Mosies, ug butangi kini og label nga Oral nga Balaod.
Imahe
mga pulong nga Balaod ni Moises nga maglingin
Ang balaod ni Moises nagpasabut sa mga sugo ug mga pagtulun-an sa Dios nga gihatag ngadto sa karaang Israel pinaagi ni propeta Moises. Ang mga magtutudlo nga Judeo midugang sa ilang kaugalingong mga lagda ug interpretasyon sa balaod. Nailhan nga oral nga balaod o oral nga tradisyon, kining nadugang nga mga lagda ug mga interpretasyon gitumong sa pagpugong sa pagsupak sa balaod sa Dios. Pananglit, sumala sa oral nga balaod, gidili ang paghubad sa higot sa duha ka kamot panahon sa Igpapahulay. Ang pagbuhat sa ingon giisip nga trabaho ug sa ingon nakasupak sa adlaw nga Igpapahulay. Hinoon, ang paghubad sa higot ginamit ang usa ka kamot gitugutan.
Sa imong scripture study journal, isulat unsa sa imong pagtuo ang kakuyaw sa pagdugang sa hinimo sa tawo nga mga lagda ngadto sa mga sugo sa Dios.
Imahe
Elder Bruce R. McConkie
Si Elder Bruce R. McConkie sa Korum sa Napulog Duha ka mga Apostoles mipasabut nga “sa mga henerasyon nga miagi, ug dayon sa panahon sa pangalagad sa atong Ginoo,” ang pipila ka relihiyoso nga mga lider sa mga Judeo “mikuha sa yano ug simple nga mga butang sa putli nga relihiyon ug midugang og daghan sa ilang kaugalingong mga interpretasyon; ilang gipasobrahan og dugang nga mga seremonya ug mga tulumanon, ug ilang gikuha ang malipayon nga paagi sa pagsimba ug gihimo kining mapig-uton, mapugnganon, makapaalaot nga sistema sa mga ritwal ug mga tulumanon. Ang buhi nga espiritu sa balaod sa Ginoo nga diha kanila nahimong walay kapuslanan nga ritwal sa Judeo” (The Mortal Messiah: From Bethlehem to Calvary, 4 vols. [1979–81], 1:238).
Sumala ni Elder McConkie, unsay nahimo sa relihiyusong mga lider sa Judeo sa balaod sa Dios uban sa ilang gidugang nga mga interpretasyon?
Ang mga Judeo sa panahon ni Jesus diha sa kahimtang sa apostasiya. Bisan ang awtoridad ug mga ordinansa sa Aaronic Priesthood nagpadayon nga diha kanila, kadaghanan sa mga Judeo nagpalayo gikan sa tinuod nga praktis sa ilang relihiyon sumala sa gipadayag sa Dios ngadto ni Moises (tan-awa sa D&P 84:25–28). Ang oral nga tradisyon nga gidugang sa mga lider sa Judeo maoy nahimong prayoridad sa putli nga relihiyon ug gisulat nga pulong sa Dios.
Basaha ang Mateo 12:14, nga mangita unsay gustong buhaton sa mga Pariseo ngadto ni Jesus tungod kay Iyang gibaliwala ang ilang oral nga mga balaod o mga tradisyon.
Langyaw nga Lagda ug ang Pagpaabut sa Mesiyas sa Pagluwas sa Israel
Agig dugang sa mga tradisyon sa mga Judeo, sayop nga hunahuna sa pag-abut sa Mesiyas misangpot usab sa pagsalikway sa mga Judeo ni Jesus.
Basaha ang mosunod nga paragrap, ug dayon tubaga ang mosunod nga mga pangutana diha sa imong scripture study journal:
Gawas sa mubo nga panahon sa kaugalingnan, sa mga panahon sa Bag-ong Tugon ang mga Judeo nagpuyo nga ulipon sobra sa 500 ka tuig. Ang pagsukol sa Maccabees, usa ka pamilya sa mga Judeo nga patriot, misangpot sa ilang kaugalingnan 160 ka tuig sa wala pa ang pagkatawo ni Kristo. Hinoon, sa pagkatawo na ni Kristo ang Roma miulipon sa Israel. Si Haring Herodes, nga naminyo sa pamilya sa Maccabee, gitudlo sa Roma nga momando sa Israel. Ang mga Judeo misupak sa pagmando sa Roma, ug madasigon silang nagpaabut sa gisaad nga Mesiyas nga ilang gituohan nga moluwas kanila gikan sa mga taga-Roma. Tungod kay daghang mga Judeo nagpaabut og Mesiyas nga moluwas kanila gikan sa langyaw nga pagmando, ilang gisalikway si Jesukristo isip ilang Manluluwas.
Unsa ang gilauman sa mga Judeo gikan sa gipaabut nga Mesiyas?
Ngano nga kining sayop nga paglaum misangpot nga daghang mga Judeo ang misalikway sa Mesiyas?
Daghang mga Judeo Mapainubsanon ug Midawat ni Jesus isip Mesiyas, o Manluluwas
Samtang ang ubang mga Judeo misalikway ni Jesukristo, ang uban nga mapainubsanon ug sensitibo sa Espiritu Santo nakaila nga si Jesus isip ang Mesiyas, o Manluluwas.
Basaha ang Lucas 2:25–33, nga mangita unsay gibuhat ug gisulti sa usa ka matarung nga tawo nga ginganlan og Simeon sa dihang gidala ni Jose ug Maria ang bata didto sa templo.
Sumala sa Lucas 2:30–32, nganong gipadala si Jesus sa yuta?
Gikan niini nga mga bersikulo makat-unan nato nga si Jesukristo gipadala aron sa paghatag og kaluwasan sa tanang mga tawo.
Sa imong scripture study journal, isulat unsay gihimo ni Jesukristo aron ang tanang mga tawo maluwas.
Imahe
Si Juan nagbunyag ni Jesus
Si Juan Bautista gitawag sa Dios sa pag-andam sa mga tawo alang sa pag-anhi ni Jesukristo. Pagkasunod adlaw human niya mabunyagi si Jesus, mipamatuod si Juan bahin Kaniya, nag-ingon, “Tan-awa mao kana ang Kordero sa Dios!” (Juan 1:36). Basaha ang Juan 1:37–42, nga mangita unsay gibuhat sa duha ka mga disipulo ni Juan human makadungog sa iyang pagpamatuod ni Jesus.
Unsay gibuhat ni Andres human siya makadungog sa pagpamatuod ni Juan Bautista nga si Jesus mao ang Mesiyas? Sa imong hunahuna ngano man nga naghigwaos siya nga mopakigbahin niini nga balita ngadto sa iyang igsoong lalaki, nga si Simon Pedro?
Sumala sa narekord sa Juan 1:43–44, ang Manluluwas miimbitar sa usa ka tawo nga ginganlan og Felipe nga mahimo Niyang disipulo. Basaha ang Juan 1:45–46, nga mangita unsay gibuhat ni Felipe human siya makahibalo nga si Jesus mao ang Mesiyas.
Unsa ang imbitasyon ni Felipe ni Natanael?
Base niini nga mga ehemplo gikan sa Bag-ong Tugon, kompletuha ang mosunod nga baruganan: Kon kita moduol ngadto ni Jesukristo, makabaton kita og dakong tinguha sa .
Sa imong hunahuna ngano man nga kita makabaton og dakong tinguha sa pag-imbitar sa uban nga moduol ni Kristo kon kita moduol ngadto Kaniya sa atong mga kaugalingon?
Imahe
Presidente Henry B. Eyring
Si Presidente Henry B. Eyring sa Unang Kapangulohan miingon nga adunay daghang panalangin nga atong madawat kon kita moimbitar sa uban nga moduol kang Jesukristo: “Kon inyong ihatag ang inyong kasingkasing sa pag-imbitar sa mga tawo nga moduol kang Kristo, ang inyong kasingkasing mausab. … Pinaagi sa pagtabang sa uban nga moduol ngadto Kaniya, inyong mabantayan nga ikaw miduol ngadto Kaniya” (“Come unto Christ,” Ensign, Mar. 2008, 52).
Tubaga ang mosunod nga mga pangutana diha sa imong scripture study journal:
Sa imong hunahuna ngano man nga ang pag-imbitar sa uban nga moduol ni Kristo makatabang nato nga mas mahiduol usab ngadto Kaniya?
Kinsa ang nag-imbitar nimo nga moduol ngadto sa Manluluwas ug sa Iyang ebanghelyo? Sa unsa nga paagi nga ang imong kinabuhi napanalanginan isip resulta?
Hunahunaa kinsa ang imong maimbitar nga moduol kang Jesukristo? Unsay imong mabuhat sa pag-imbitar sa uban nga moduol ngadto Kaniya?
Samtang ikaw magtuon sa Bag-ong Tugon niining tuiga, imong mabati ang padayon nga pagdapit sa Manluluwas nga moduol ngadto Kaniya. Sa imong pagdawat niini nga imbitasyon, kamo mapuno sa tinguha sa pagtabang sa uban nga moduol ngadto Kaniya usab.
Isulat ang mosunod sa ubos sa assignment karon diha sa imong scripture study journal:
Akong natun-an ang “Pasiuna ug Kinatibuk-ang Kahulugan sa leksyon sa Bag-ong Tugon of the New Testament” ug nakakompleto niini niadtong (petsa).
Dugang nga mga pangutana, mga hunahuna, ug mga pagsabut nga gusto nakong ipakigbahin sa akong magtutudlo:
Ang tsart sa mosunod nga pahina makatabang nimo nga mas makasabut sa kinatibuk-ang kahulugan sa istorya sa kinabuhi ni Jesukristo nga ikaw magtuon sa Mga Ebanghelyo ni Mateo, Marcos, Lucas, ug Juan.