Mga Taga-Roma 12–16

Pasiuna

Si Apostol Paul mitudlo sa mga miyembro sa Simbahan didto sa Roma sa pagpresentar sa ilang mga lawas isip buhi nga mga sakripisyo ngadto sa Dios ug sa pagsunod sa mga sugo sa Dios. Siya usab mitudlo sa mga Santos unsaon paglikay sa mga kagubot ug pagtinguha og kalinaw kon ang mga panaglalis motumaw tungod sa personal nga mga pagpili. Sa iyang pagtapos niini nga sulat, si Pablo mipasidaan niadtong nagtinguha sa paglimbong.

Mga Taga-Roma 12–13

Si Pablo nagtambag sa mga Santos sa pagpresentar sa ilang mga lawas isip buhi nga mga sakripisyo ngadto sa Dios ug sa pagsunod sa mga sugo sa Dios

Timan-i ang porma sa likido diha sa unang baso. Sa unsang paagi nga ang porma sa likido mausab kon imo kining ibubo gikan sa unang baso ngadto sa ikaduhang baso? Sa unsang paagi ang porma niini mausab kon imo kining ibubo ngadto sa ikatulong baso?

Hunahunaa nga ang likido nagrepresentar og usa ka tawo ug ang mga sudlanan nagrepresentar sa lain-laing mga tinuohan ug mga binuhatan. Unsa nga mga peligro ang motumaw gikan sa kanunay nga pagnunot sa kalibutanon nga mga tinuohan ug mga binuhatan?

Basaha ang Mga Taga-Roma 12:1-2, nga mangita kon unsa ang giawhag ni Pablo nga buhaton sa mga miyembro sa Simbahan didto sa Roma.

Sa pagtambag sa mga miyembro sa Simbahan sa “pagtugyan sa [ilang] mga lawas ingon nga halad [sakripisyo] nga buhi … sa Dios” (Mga Taga-Roma 12:1), si Pablo mihimo og pagkumpara ngadto sa binuhatan sa Daang Tugon sa pagdala og mga hayop ngadto sa altar sa templo alang sa sakripisyo. Kini nga mga hayop gipahinungod nga mga halad ngadto sa Dios. Busa, si Pablo mitudlo nga ang mga miyembro sa Simbahan kinahanglang mopahinungod sa ilang mga kinabuhi—ilang pisikal nga mga lawas, mga tinguha, mga pagpili, mga lihok, mga kabtangan, ug panahon—ngadto sa Dios. Buhaton kini pinaagi sa paghunong sa makasasala nga mga tinguha ug sa pagsunod sa mga sugo sa Dios.

Gikan sa tambag ni Pablo sa Mga Taga-Roma 12:1–2, atong makat-unan nga ang Dios nagpaabut kanato nga mopahinungod sa atong mga kinabuhi ngadto Kaniya ug molikay sa pagnunot sa kalibutan. Ikonsiderar ang pagsulat niini nga kamatuoran sa imong mga kasulatan.

Sa tibuok nga Mga Taga-Roma 12–13, si Pablo mitudlo sa mga miyembro sa Simbahan og daghang mga baruganan nga motabang kanila sa pagpahinungod sa ilang mga kinabuhi ngadto sa Dios ug molikay sa pagnunot sa kalibutan. Aron sa pagsuhid sa pipila niini nga mga baruganan, paghimo og tsart nga dunay tulo ka kolum diha sa imong scripture study journal. Isulat ang usa sa mosunod nga mga scripture reference sa ibabaw sa matag kolum: Mga Taga-Roma 12:9–16; Mga Taga-Roma 12:17–21; Mga Taga-Roma 13:8–13. Dayon kompletuha ang mosunod nga mga tahas:
1. Basaha ang matag tudling sa kasulatan, ug dayon isulat ang usa o daghan pang mga pagtulun-an gikan sa matag tudling diha sa tukmang kolum.
2. Ihulagway kon sa unsang paagi ang pagsunod sa usa sa mga pagtulun-an nga imong nailhan makatabang kanimo sa pagpahinungod sa imong kinabuhi ngadto sa Dios ug molikay sa pagnunot sa kalibutan.

Basaha ang Mga Taga-Roma 13:14, nga mangita kon unsay gitambag ni Pablo nga buhaton sa mga Santos.

Ang mga pulong nga “isul-ob ninyo ang Ginoong Jesukristo” nagpasabut nga mahimong sama sa Manluluwas sa atong mga kinaiya ug mga lihok. Hunahunaa kon sa unsang paagi ang mga pagtulun-an nga imo nang natun-an sa Mga Taga-Roma 12–13 makatabang kanimo nga mahimong sama ni Jesukristo.

Ang Mga Taga-Roma 13:14 nagtabang kanato nga makasabut nga kon atong ipahinungod ang atong kinabuhi ngadto sa Dios ug molikay sa pagnunot sa kalibutan, kita mahimong mas sama ni Jesukristo.

Ang Manluluwas mao ang usa ka ehemplo sa pagpahinungod sa kinabuhi ngadto sa Dios ug sa paglikay sa pagnunot sa kalibutan. Paghunahuna og usa ka tawo nga imong kaila kinsa naningkamot sa pagbuhat niini. Sa imong scripture study journal, pagsulat mahitungod sa tawo nga imong gihunahuna ug unsay iyang gibuhat nga nagpakita og ehemplo sa pagpahinungod ngadto sa Dios ug sa paglikay sa pagnunot sa kalibutan. Ipasabut kon sa unsang paagi kini nga tawo nahimong mas sama sa Manluluwas isip resulta.

Sa laing piraso nga papel, isulat ang usa ka paagi nga mas hingpit nimong mapahinungod ang imong kinabuhi ngadto sa Dios ug molikay sa pagnunot sa kalibutan. Ibutang kini nga papel sa usa ka dapit diin kini makatabang sa pagpahinumdom kanimo sa imong tumong.

Mga Taga-Roma 14:1–15:3

Si Pablo nagtudlo sa mga miyembro sa Simbahan sa paglikay sa mga panagbingkil kalabut sa personal nga mga pagpili

Maayo ra ba alang sa usa ka Santos sa Ulahing mga Adlaw nga (1) mosunod og vegetarian nga diet? (2) mokaon og chocolate? (3) magsul-ob og shorts sa publiko? (4) mogamit og teknolohiya sa Igpapahulay? (5) moapil sa mga pagsaulog og holiday nga gibase sa ubang relihiyuso o kultural nga mga tradisyon?

Ang tubag sa tanan niini nga mga pangutana mao ang oo. Samtang ang pipila ka mga gawi klarong gikinahanglan o gidili sa mga sugo gikan sa Ginoo, ang uban gitugot depende sa pagpili o paghukom sa indibidwal nga mga miyembro. Kini nga mga butang naglakip og mga pagpili sa mga dapit sama sa kalingawan, sininaan, pagkaon, pagsunod sa adlaw nga Igpapahulay, ug mga patakaran sa ginikanan alang sa mga anak. Ang Ginoo mihatag sa mga sugo ug mga sumbanan sa paggiya sa atong mga pagpili sa pipila niining mga butanga, sama sa pagsul-ob og short nga tarung, apan ang pipila ka mga desisyon mag-agad sa personal nga mga paghukom. Ang mga miyembro usahay mahimong mobase sa pipila ka mga desisyon sa ingon nga mga butang sa inspirasyon alang sa ilang piho nga mga sitwasyon o panginahanglan.

Samtang magtuon ka sa Mga Taga-Roma 14:1–15:3, pangitaa ang mga kamatuoran nga gitudlo ni Pablo kon unsaon nato pagdumala sa Simbahan ang mga butang kabahin sa personal nga pagpili.

Sa Mga Taga-Roma 14:1–5 atong makat-unan nga usa ka butang sa personal nga pagpili nga giatubang sa mga miyembro sa Simbahan sa panahon ni Pablo mao ang diyeta sa usa ka tawo. Pipila ka mga tawo walay gidili nga pagkaon. Ang uban dili mokaon og karne ug nangaon lamang og utanon (tan-awa sa Mga Taga-Roma 14:2). Agig dugang, pipila ka mga miyembro sa Simbahan mipili sa pagsunod sa mga kustombre, mga binuhatan, ug mga holiday sa Judeo.

Unsa kaha nga mga problema ang mitumaw sulod sa Simbahan samtang ang mga miyembro mihimo og lain-laing personal nga mga desisyon niining mga butanga?

Basaha ang Mga Taga-Roma 14:3, nga mangita sa tambag nga gihatag ni Pablo ngadto sa mga miyembro sa Simbahan nga adunay managlahi nga mga pagpili.

Ngano kaha nga pipila sa mga miyembro sa Simbahan mahimong motamay, o mobugal-bugal, ug mohukom sa uban nga mga miyembro kansang mga pagpili lahi kay sa ilang kaugalingon?

Basaha ang Mga Taga-Roma 14:10–13, 15, 21, nga mangita kon unsay gitudlo ni Pablo nga dili buhaton sa mga miyembro sa Simbahan kabahin sa personal nga pagpili.

Usa ka kamatuoran nga atong makat-unan gikan sa mga instruksyon ni Pablo sa Mga Taga-Roma 14:13 mao nga sa mga butang nga wala hisguti sa piho nga mga sugo, kita kinahanglang maglikay sa paghukom sa mga pagpili sa uban.

Tubaga ang mosunod nga pangutana diha sa imong scripture study journal: Nganong problema man kon ang mga miyembro sa Simbahan mopakaubos o mobiay-biay sa uban nga mga miyembro sa Simbahan kinsa maghimo og lahi nga mga pagpili bahin sa mga butang nga walay sugo nga nagkinahanglan o nagdili og piho nga gawi?

Timan-i ang mga pulong nga “pagbutang og kapandolan o makabalda” sa Mga Taga-Roma 14:13. Kini nagpasabut sa pag-impluwensya og tawo aron mapandol o mabalda sa espirituhanong paagi sa ilang mga paningkamot sa pagtuo kang Jesukristo ug pagsunod sa Iyang ebanghelyo. Timan-i usab nga ang Joseph Smith Translation sa Mga Taga-Roma 14:15 mabasa nga, “Kay kon tungod sa imong pagkaon nasubo ang imong igsoon, wala na ikaw magagawi diha sa gugma kon mokaon ka. Busa ayaw tugoti ang imong kan-on nga maoy makaingon sa pagkawagtang sa tawo kang kinsa nagpakamatay si Kristo.”

Si Pablo mitambag sa mga miyembro sa Simbahan nga magmasinabtanon sa epekto sa ilang personal nga binuhatan ngadto sa uban ug andam nga dili mobuhat og bisan unsa nga makaimpluwensya sa uban nga mapandol sa espirituhanong paagi. Gikan sa mga instruksyon ni Pablo kita usab nakakat-on nga sa mga butang nga wala hisguti sa piho nga mga sugo, kita kinahanglan nga magmasinabtanon kon sa unsang paagi ang atong mga pagpili makaapekto sa uban.

Hinumdumi ang mga butang sa personal nga pagpili nga gihisgutan sa sinugdanan niini nga seksyon sa leksyon. Pamalandungi unsay mahimo sa mga miyembro sa Simbahan sa atong panahon sa pagsunod sa tambag ni Pablo sa mga butang nga sama niini. Sa unsang paagi ang ingon nga mga pagpili “makaamot sa pagdinaitay” tali sa mga miyembro sa Simbahan (tan-awa sa Mga Taga-Roma 14:19)?

Mga Taga-Roma 15:4–16:27

Si Pablo nagtapos sa iyang Sulat ngadto sa mga Taga-Roma

Sa hapit na matapos ang Sulat ni Pablo ngadto sa mga Taga-Roma, mitudlo siya og kamatuoran kalabut sa mga kasulatan. Basaha ang Mga Taga-Roma 15:4, nga mangita kon unsay gitudlo ni Pablo nganong gisulat ang mga kasulatan.

Base sa unsay imong gibasa, kompletuha ang mosunod nga kamatuoran: Ang mga kasulatan gisulat aron .

Sa imong scripture study journal, pagsulat kabahin sa usa ka panahon sa dihang ang pagtuon sa mga kasulatan nakahatag kanimo og kahibalo, kahupayan, o paglaum.

Si Pablo mipakita sa unsang paagi ang mga kasulatan makatudlo kanato ug mohatag kanato og paglaum pinaagi sa pagkutlo sa pipila ka mga kasulatan sa Daang Tugon aron sa pagsiguro sa mga Santos nga ang misyonaryo nga buhat taliwala sa mga Hentil pinasubay sa plano sa Dios (tan-awa sa Mga Taga-Roma 15:9–12).

Ang nahibilin sa Mga Taga-Roma 15–16 naglangkob og dugang nga pagdasig ug tambag ngadto sa mga miyembro sa Simbahan didto sa Roma. Kini naglakip sa pahimangno kabahin niadtong maoy hinungdan sa mga pagkabahinbahin, nagtudlo og sayop nga mga doktrina, ug nagtinguha sa paglingla sa uban (tan-awa sa Mga Taga-Roma 16:17–18).

Isulat ang mosunod sa ubos sa mga assignment karong adlawa diha sa imong scripture study journal:

Akong natun-an ang Mga Taga-Roma 12–16 ug nahuman kini nga leksyon sa (petsa).

Dugang nga mga pangutana, mga hunahuna, ug mga panabut nga gusto nakong ipakigbahin sa akong magtutudlo: