Japta 1

Josef Smit mo Famle blong Hem

1805–1820

young joseph kneeling

Joseph Smith as young boy

Josef Smit i bin bon long 23 Disemba 1805. Famle blong hem i bin laef long stet blong Vemon long Yunaeted Stet blong Amerika. Papa blong Josef Smit, nem blong hem tu hem i Josef. Mama blong hem, nem blong hem Lusi.

Joseph Smith—History 1:3–4

Joseph and his siblings

Josef i bin gat faef brata mo tri sista.

Joseph Smith—History 1:4

Joseph’s family working

Mama mo Papa blong Josef oli ol gud pipol. Tufala i bin lavem ol pikinini blong tufala mo tufala i bin wok had blong lukaotem olgeta.

Joseph in bed

Taem Josef i wan smol boe, hem i bin gat wan soa we i nogud tumas long leg blong hem. Ol dokta oli bin traem blong mekem leg blong hem i kam gud, be oli no bin save mekem.

Hyrum sitting beside Joseph’s bed

Haeram Smit i wan long ol bigfala brata blong Josef. Hem i lavem Josef mo hem i bin harem nogud se leg blong Josef i so tumas. Hem i bin sidaon long saed blong bed blong Josef mo traem blong helpem hem blong filim gud.

Lucy Mack Smith with Joseph

Ol dokta oli bin wantem blong katemaot leg blong Josef, be mama blong hem i no bin letem. Mekem se ol dokta oli mekem tingting blong olgeta blong katemaot pat blong bun. Josef i bin save se leg blong hem bae i so taem dokta i katem, be hem i gat fet se Papa long Heven bae i helpem hem.

Joseph and his mother

Ol dokta oli bin askem Josef blong dring sam waen se bae soa blong hem bae i no so tumas. Josef i no bin wantem dring waen. Josef i bin askem mama blong hem blong go aotsaed from se hem i no wantem se bae mama blong hem i luk ol dokta oli katem leg blong hem.

doctors operating on Joseph’s leg

Josef i bin askem papa blong hem blong holem hem taem ol dokta oli katem leg blong hem. Oli bin katemaot ol pat blong bun we i no gud. Hemia i bin soa tumas, be Josef i strong. Afta plante dei, leg blong hem i bin kam gud.

log cabin

Taem Josef i kam bigwan, famle blong hem i bin muv i go long stet blong NiuYok. Oli bin laef long wan smol haos we oli bin mekem long wud kolosap long Palmaera.

Joseph Smith—History 1:3

Lucy Mack Smith washing clothes

Famle blong Josef i pua. Oli bin wok had blong pem fam ia. Ol boe oli bin helpem papa blong olgeta blong planem ol krop mo lukaotem gud ol animol. Ol gel oli bin wok wetem mama blong olgeta.

Joseph stick-pulling with brother

Josef i wan gud boe. Hem i bin glad mo laekem blong laf mo gat fani.