“Japta 24: Ol Papa mo Mama Oli Sud Tijim Ol Pikinini Blong Olgeta: Novemba 1831,” Ol Doktrin mo Kavenan Stori (2002), 93–95
“Japta 24,” Ol Doktrin mo Kavenan Stori, 93–95
Japta 24
Ol Papa mo Mama Oli Sud Tijim Ol Pikinini Blong Olgeta
Novemba 1831
Sam elda long Jos oli bin wantem blong save abaot wanem wok nao God i wantem olgeta blong mekem, i mekem se oli bin go long Profet Josef Smit.
Doctrine and Covenants 68, seksen heding
Josef i bin prea blong save wanem blong mekem. Lod i bin ansa wetem ol impoten prinsipol abaot olsem wanem blong kam ol gudfala papa mo mama.
Ol papa mo mama, olgeta oli sud tijim ol pikinini blong olgeta abaot Jisas mo helpem olgeta blong bildimap fet long Hem.
Ol papa mo mama, olgeta oli sud tijim ol pikinini blong olgeta olsem wanem blong sakem sin.
Jisas i bin talem se ol pikinini oli sud baptaes taem oli gat eit yia. Ol papa mo mama, oli sud tijim ol pikinini blong olgeta abaot gospel bifo oli baptaes.
Ol papa mo mama oli sud tijim ol pikinini blong olgeta abaot presen we i Tabu Spirit. Ol papa mo mama oli sud tijim ol pikinini blong olgeta olsem wanem blong prea mo olsem wanem blong lisin long Tabu Spirit.
Ol papa mo mama oli sud tijim ol pikinini blong olgeta blong save mo obei long ol komanmen blong God mo blong oli stap ol gudfala memba blong Jos.
Ol papa mo mama mo ol pikinini we oli folem ol tijing blong Jisas bae oli gat glad we i no save finis olsem wan famle.