Ol Toktok blong Save

adoptem: Josef mo Emma Smit tufala i bin adoptem tufala twin bebi. Hemia i minim se Josef mo Emma i mekem tufala twin bebi ia, tufala i kam pat blong famle blong tufala.
alkol: Alkol i nogud blong yumi dring. Bia mo waen i gat alkol insaed long tufala.
Aposol: Wan Aposol i wan lida insaed long Jos blong Jisas Kraes. Jisas i bin talem long Josef Smit se Hem i wantemTwelef Aposol.
arestem: Ol soldia oli bin arestem Josef Smit. Hemia i minim se ol soldia oli holem hem mo oli putum hem long kalabus.
atakem: Ol rabis man oli bin atakem Ol Sent. Hemia i minim se ol rabis man oli stat blong faetem Ol Sent.
baptaes: Taem yumi joenem Jos, yumi bin baptaes. Oli putum yumi andanit long wota mo tekem yumi kam antap bakegen.
berem: Moronae i bin berem ol gol plet. Hem i bin putum insaed long wan ston bokis long graon mo i bin kavaremap wetem graon.
bigfala solwota: Wan bigfala solwota i bigbigfala wota long si.
bigfala buluk: Ol Bigfala buluk oli ol anamol.

Pikja
oxen
biliv: Blong biliv i minim blong ting se samting i tru. Plante pipol oli biliv long gospel blong Jisas Kraes.
bisop: Wan bisop i wan lida blong wan wod.
blemem: Pipol oli bin blemem Josef Smit from trabol. Hemia i minim se ol pipol oli talem se Josef Smit i bin mekem se trabol i hapen.
blong oltaem: Blong oltaem i minim we i no save finis. Yumi save laef wetem Papa long Heven blong oltaem sapos yumi obei long ol komanmen blong Hem.
boroem: Taem yumi boroem samting, yumi askem samwan sapos yumi save yusum. Sapos wan man i boroem hos blong fren blong hem, hem i askem fren blong hem sapos hem i save yusum. Afta man ia i yusum hos ia, hem i givim bak bakegen long fren blong hem.
brij: Ol paeonea oli bin krosem reva antap long wan brij.
bubu (ol): Ol bubu blong yumi bifo oli ol pipol long famle blong yumi we oli laef fastaem long yumi.
dam (bigfala wol we i blokem wota blong ron): Ol Sent oli bin bildim wan dam insaed long reva. Wan dam i holemtaet wota.

Pikja
dam
dediketem: Taem yumi dediketem samting, yumi blesem blong yusum long wok blong God. Ol Sent oli bin dediketem tempol.
dikon (ol): Ol boe oli dikon taem oli gat 12 yia. Ol dikon oli save pasem sakramen.
disaepol: Wan disaepol hem i wan man we i folem Jisas mo traem blong kam olsem Hem.
elda (ol): Ol elda oli ol man we oli gat prishud.
endaomen: Wan endaomen i wan spesel promes o presen we i kam long God.
enemi: Wan enemi hem i wan man we i no laekem narafala man. Ol enemi blong Josef Smit oli bin traem blong kilim hem i ded.
enjel: Wan enjel i wan long ol man blong givhan long God. Enjel Moronae i bin toktok long Josef Smit.

Pikja
angel
ekskomuniket: Ol memba blong Jos we oli bin mekem samting i nogud oli bin ekskomuniket. Oli nomo memba blong Jos.
fet: Blong gat fet yufala i hop long ol samting we yufala i no luk, we oli tru. Yumi gat fet long Jisas Kraes. Hemia i minim se yumi biliv long Hem mo obei long Hem.
fogivim: Blong fogivim i minim blong fogetem wan samting we i nogud we wan man i bin mekem. God bae i fogivim yumi sapos yumi sore from ol nogud samting we yumi bin mekem mo traem blong no mekem bakegen.
gavna: Wan gavna i wan lida blong wan kantri.
gospel: Gospel blong Jisas Kraes hem i plan blong sevem man. I tekem evri Doktrin, ol odinens, mo raet blong yumi blong save gobak mo laef wetem Papa long Heven.
hilim: Blong hilim i minim blong mekem ol sik pipol i kam gud. Newel K. Witney i bin blesem Josef Smit, mo i bin hilim Josef.
ivel: Ivel i samting we i nogud. Setan i wan ivel spirit.
ivel spirit (ol): Ol ivel spirit oli ol spirit we oli nogud. Ol ivel spirit oli folem Setan.
jel: Ol man we oli putum olgeta long jel. Hemia i minim se oli lokem olgeta, mekem se oli no save ronwe.

Pikja
jail
joenem: Ol pipol we oli bin joenem Jos. Hemia i minim ol pipol we oli bin baptaes mo oli bin kam ol memba blong Jos.
joes (ol): Papa long Heven i letem yumi blong mekem ol joes. Hemia i minim se Papa long Heven i letem yumi blong mekem tingting long wanem blong yumi mekem.
jusum: God i letem yumi blong yumi jusum gud o nogud. Yumi jusum ol pipol blong kam ol lida. God i bin jusum Brigham Yang blong lidim Ol Sent.
kam wanples: Blong kam wanples i minim blong kam tugeta long wan ples. Josef Smit i bin talem long Ol Sent blong kam wanples long Misuri.
kalabus: Wan kalabus i wan ples we oli putum ol pipol long hem mo oli no save kamaot. Wan kalabus i olsem jel.
kaonsela (ol): Ol kaonsela oli ol pipol we oli helpem wan lida. Profet blong Jos i gat ol kaonsela.
kapten: Wan kapten hem i wan lida. Kapten Allen i bin wan lida blong ol soldia.
karem: Ol soldia oli bin karem Josef Smit. Hemia i minim se ol soldia oli karem Josef Smit mo oli no letem hem blong go.
kavenan: Wan kavenan i wan promes. Taem yumi mekem wan kavenan wetem God, yumi promes long Hem se bae yumi mekem samting.
kolta: Kolta i stiki mo blak.
komanmen (ol): Ol gudfala pipol oli obei long ol komanmen blong God. Ol gudfala pipol oli mekem wanem we God i wantem olgeta blong mekem.
konfrens: Wan konfrens hem i wan bigfala miting. Plante ol memba blong Jos oli go long konfrens.
krietem: Jisas Kraes i bin krietem wol. Hemia i minim se Jisas Kraes i bin mekem wol ia.
krop (ol): Ol paeonea oli bin planem ol krop. Ol krop i tekem tu kon, ol poteto, wit, mo ol nara samting.
krusifae: Jisas i bin krusifae. Hemia i minim se oli bin nilim Hem long kros mo Hem i hang kasem Hem i ded.

Pikja
Jesus was crucified
kwel: Wan kwel hem i wan pijin.

Pikja
quail
laef bakegen long ded: Jisas Kraes i bin laef bakegen long ded. Hemia i minim se afta Hem i bin ded, Hem i bin laef bakegen. Evri pipol bae oli laef bakegen afta long ded.
lanwis: Ol wod we yumi yusum blong raetem mo toktok long nara pipol, oli singaotem lanwis.
lidim: Blong lidim pipol i minim blong soem o talem long olgeta wanem blong mekem. Profet i stap lidim Jos.
livim kakae: Blong livim kakae i minim blong no kakae mo dring wota.
man blong mekem trap (ol): Ol man blong mekem trap oli ol pipol we oli kasem wael animol. Oli stap salem ol hea blong ol animol.
mared: Josef mo Emma tufala i bin mared. Hemia i minim se Josef hem i hasban blong Emma, mo Emma hem i waef blong Josef.
mekem tingting: Emma mo Josef tufala i stap tingting se bae tufala i go long Pensilvania o blong stap long Niu Yok. Tufala i bin mekem tingting blong tufala blong go long Pensilvania.
misin: Aposol i bin go long wan misin. Hemia i minim se hem i bin go blong talem long ol pipol abaot gospel blong Jisas Kraes.
misinari: Wan misinari hem i wan man we i go long wan misin.
naes: Taem samting i naes, yumi wantem luk. Wan garen i naes. Tempol i naes.
obei: Blong obei i minim blong mekem wanem we oli bin askem yumi blong mekem. Yumi sud obei long ol komanmen blong God.
odenem: Blong odenem i minim blong givim prishud. Josef Smit i bin odenem man. Hemia i minim se Josef Smit i bin givim prishud long man.
ones: Pipol we oli ones oli no giaman. Ones pipol oli no tekem ol samting we i no blong olgeta.
petriak: Wan petriak i givim ol spesel blesing long ol pipol. Papa blong Josef Smit hem i wan petriak.
ples blong baptaes: i gat ol ples blong baptaes long ol Jos mo ol tempol. Pipol oli bin baptaes insaed long wan ples blong baptaes.
prapa spolem: Blong prapa spolem i minim blong terem daon, brekem, bonem, o kilim. Ol rabis man oli bin prapa spolem tempol.
prea: Blong prea i minim blong toktok wetem Papa long Heven.
presen (ol): Ol presen oli ol samting we oli givim long pipol. Tabu Spirit i givim ol presen long saed blong spirit long pipol we oli stret mo gud.
presiden: Wan presiden hem i wan lida.
presidensi: Presidensi blong Jos hem i presiden mo ol kaonsela blong hem.
prij: Josef Smit i bin prij long ol pipol. Hemia i minim se hem i bin tijim ol pipol abaot gospel.
printa: Wan printa hem i wan man we i printim ol buk.
pris (ol): Ol pris oli gat prishud. Ol pris oli ol man we oli help insaed long Jos.
prishud: Prishud hem i paoa blong God.
poesen: Poesen i wan samting we i save kilim pipol sapos oli kakae o dring long hem. Ol rabis man oli traem blong mekem Josef Smit i dring poesen.
profet: Wan profet i talem long ol pipol wanem God i wantem olgeta blong save. Josef Smit i wan profet.
protektem: Ol man oli gat ol masket blong protektem ol pipol. Hemia i minim se ol man ia oli gat ol masket blong kipim ol pipol oli sef. Lod i bin protektem Josef Smit. Hemia i minim se Lod i kipim Josef Smit i sef.
revelesen: Komunikesen long God i go long ol pikinini blong Hem long wol ia we oli singaotem revelesen. Josef Smit i bin kasem wan revelesen abaot tempol.
ronwe: Blong ronwe i minim blong gowe long wan man o wan samting. Josef Smit i bin ronwe long ol rabis man.
sakem sin: Sapos yumi mekem samting nogud, yumi sud sakem sin. Hemia i minim we yumi filim sore mo yumi traem blong no mekem samting nogud bakegen.
stret mo gud: Ol pipol we oli stret mo gud oli stap mekem wanem we i gud. Hemia i minim se oli obei long ol komanmen blong God.
Sabat: Sabat i dei we yumi go long jos. Yumi no sud wok long Sabat. Sandei i Sabat dei.
sakramen: Yumi tekem sakramen blong tingbaot Jisas.

Pikja
sacrament tray
tabu: Tempol i wan tabu bilding. Tempol i blong God.
safa: Yumi safa taem yumi harem i so. Josef Smit mo ol fren blong hem oli bin safa long kalabus.
Sent: Wan Sent i wan memba blong Jos blong Jisas Kraes.
serem: Blong serem i minim blong givim haf long wanem yu gat long wan man.
sevem: Jisas i bin ded blong sevem yumi. Hemia i minim se Jisas i bin ded se bae yumi save gobak blong laef wetem Papa long Heven.
skripja (ol): Ol skripja oli ol buk we oli talem long yumi abaot God. Baebol, Buk blong Momon, Doctrine and Covenants, mo Pearl of Great Price oli ol skripja blong Jos.
sobodi: Wan sobodi i wan ples we bodi blong wan man i so o oli katem.
soldia (ol): Ol soldia oli faet long wan ami.
spirit: Wan spirit i nogat wan bodi blong mit mo bun.
stilim: Blong stilim i minim se blong tekem samting we i no blong yu. Ol rabis man oli bin stilim ol animol blong Ol Sent. Hemia i minim se ol rabis man oli bin tekem ol animol.
swea: Blong swea i minim blong talem ol rabis toktok.
swea (bin): Ol gad long kalabus oli bin swea. Ol gad long kalabus oli bin talem ol rabis toktok.
talemaot bigwan wetem hae tingting: Ol gad long kalabus oli talemaot bigwan abaot wanem oli bin mekem wetem hae tingting. Hemia i minim se oli glad tumas long hem mo oli talem long ol narawan abaot wanem oli bin mekem.
tabak: Tabak i wan strong samting we i nogud long yumi. Sam pipol i smok mo kakae tabak.
taeting: Taeting hem i wan mane we yumi givim long God.
tempol: Wan tempol hem i haos blong God.
temtem: Setan i stap traem blong temtem yumi. Hemia i minim se hem i stap traem blong mekem yumi blong mekem rabis samting.
testemoni: Wan testemoni i wan filing se gospel i tru.
trampet: Wan trampet i wan samting olsem hon.
transletem: Josef Smit i bin transletem Buk blong Momon i kam long Inglis.
trutok: Jisas i bin tijim ol pipol abaot trutok. Hemia i minim se Jisas i bin tijim ol pipol wanem i raet.
visen: Wan visen i wan samting we God i letem yumi blong luk. Josef Smit i bin luk Papa long Heven mo Jisas Kraes long wan visen.
winim: Blong winim i minim se yu kasem samting we yu wok from.
witnes (ol): Ol witnes oli luk samting mo talemaot long narawan. Ol witnes oli bin luk ol gol plet mo oli bin talem long ol narawan se ol plet oli tru.
wosip: Blong wosip i minim blong gat lav mo obei. Setan i bin wantem Moses blong wosip long hem. Yumi sud wosip long God.