“Japta 18: Loa blong Jos: 9 Febware 1831,” Ol Doktrin mo Kavenan Stori (2002), 67–69
“Japta 18,” Ol Doktrin mo Kavenan Stori, 67–69
Japta 18
Loa blong Jos
9 Febware 1831
Long Ketlan, Ohaeo, Lod i bin givim wan revelesen we i impoten tumas long Josef Smit. Oli singaotem se loa blong Jos.
Doctrine and Covenants 42, seksen heding
Lod i bin talem se Ol Sent oli sud tijim gospel long ol pipol. Ol man we oli go long ol misin, ol Jos lida oli sud odenem olgeta long prishud.
Doctrine and Covenants 42, seksen heding
Tu (2) misinari tufala i sud wok tugeta. Tufala i sud tij long Baebol mo Buk blong Momon. Tufala i sud prea blong gat Tabu Spirit wetem tufala. Tabu Spirit bae i talem long tufala wanem blong tijim.
Ol misinari oli sud baptaesem pipol we oli bilif long gospel.
Lod i bin talem se ol memba blong Jos oli sud obei long Ol Ten Komanmen. Oli no sud kilim man i ded. Oli no sud giaman. Oli no sud talem ol rabis toktok abaot nara pipol. Oli no sud mekem eni nara rabis samting.
Ol Sent oli sud serem wanem oli gat wetem nara pipol. Serem samting wetem nara pipol i olsem se yumi serem wetem Jisas.
Jisas i bin givim ol nara komanmen long Ol Sent. I nogat wan long Ol Sent i sud ting se hem i gud bitim nara man. Ol Sent oli sud klin. Oli sud wok had.
Ol Sent oli sud lukaotem gud long ol memba we oli sik. Ol man we oli gat prishud oli sud blesem olgeta we oli sik. Olgeta we oli gat fet bae oli oraet. Bae oli no save ded sapos i no taem blong olgeta blong ded.
Ol Sent we oli stret mo gud oli no sud fraet blong ded. Ded i gud tumas long ol pipol we oli stret mo gud.
Jisas i bin talem se Hem bae i talemaot plante samting long ol memba we oli stret mo gud. Ol revelesen ia bae i save tekem glad i kam. Lod i bin talem long Ol Sent blong oli obei long loa blong Jos.