“Japta 10: Fas Merikol insaed long Jos: Epril 1830,” Ol Doktrin mo Kavenan Stori (2002), 43–44
“Japta 10,” Ol Doktrin mo Kavenan Stori, 43–44
Japta 10
Fas Merikol insaed long Jos
Epril 1830
Nekis miting blong Jos i bin stap long Sandei, 11 Epril 1830. I bin gat ol memba blong Jos, be i bin gat plante nara pipol tu oli bin atendem miting ia.
Oliva Kowdri i bin tijim gospel blong Jisas Kraes. Sam long ol pipol ia oli bin bilivim Oliva mo oli bin wantem joenem Jos. Oli bin baptaes afta long miting.
Setan i no bin wantem ol pipol blong joenem Jos, mekem se hem i bin traem blong mekem sam long olgeta oli filim nogud. Wan long ol pipol ia hem i wan man we nem blong hem Newel Knight.
Josef i bin askem Newel blong prea long wan miting, mo Newel i bin talem se bae hem i prea.
Be Setan i no bin wantem Newel blong prea. Taem Newel i bin go long miting, hem i talem se hem i fraet blong prea strong.
Long nekis moning, Newel Knight i bin go long bus se bae hem i prea hemwan. Newel i bin traem blong prea, be bakegen Setan i no bin wantem blong hem i prea, mo hem i no save toktok. Hem i bin stat blong sik mo fraet, mo hem i bin go hom.
Waef blong Newel i bin wari abaot hem mo hem i bin askem Josef Smit blong i help. Josef i bin yusum prishud blong blesem Newel mo ronemaot Setan. Afta long blesing ia, Newel i bin filim gud. Afta hem i bin baptaes.