“Japta 30: Wan Revelesen abaot Wo: 25 Disemba 1832,” Ol Doktrin mo Kavenan Stori (2002), 117–18
“Japta 30,” Ol Doktrin mo Kavenan Stori, 117–18
Japta 30
Wan Revelesen abaot Wo
25 Disemba 1832
Ol graon i seksek mo faet oli stap hapen long plante ples.
Plante samting we i mekem ol pipol i harem nogud i stap hapen tu long Yunaeted Stet. Sam pipol oli no wantem pat blong kantri. Oli wantem blong gat ol lida blong olgeta nomo.
Long Krismas Dei long 1832, Jisas i bin givim wan revelesen long Josef Smit abaot wo.
Jisas i bin talem se ol pipol long Yunaeted Stet bae oli faet agensem wanwan long olgeta long wan wo. Profesi ia i bin fulfil taem Sivil Wo blong Amerika i bin stat samples 30 yia afta.
Jisas i bin talemaot tu se bae i gat ol faet long evri pat blong wol. Plante pipol bae oli ded, mo bae ol pipol bae oli harem nogud tumas. Jisas i bin talem se Ol Sent oli sud fetful long taem blong ol hadtaem ia.
Josef Smit i bin harem nogud from hem i save se bae i gat plante faet. Hem i bin save se sapos ol pipol oli obei long ol komanmen blong God, bae i nogat faet mo wo.