“Japta 55: Wan Revelesen abaot Mared: Julae 1843,” Ol Doktrin mo Kavenan Stori (2002), 198
“Japta 55,” Ol Doktrin mo Kavenan Stori, 198
Japta 55
Wan Revelesen abaot Mared
Julae 1843
Josef Smit i bin askem Lod sam kwestin abaot mared. Jisas i bin talem long hem se wan man mo wan woman, tufala i sud mared tru long man we i gat prishud. Tufala i sud mared insaed long tempol. Sapos tufala i obei long ol komanmen blong God, bae tufala i save mared blong taem we i no save finis.
Ol pipol we oli stret mo gud we oli bin mared long tempol bae oli save laef long selestial kingdom blong heven. Ol pikinini blong olgeta we oli obei long God bae oli blong olgeta, mo bae oli ol famle we i no save finis. Bae oli save laef wetem God mo bae oli kam olsem Hem.
Jisas i bin talem tu long Josef abaot histri blong mared blong ol pipol blong Hem we oli bin laef bifo.