Japta 21

Wan Revelesen blong Stap Gud long Misuri

Mei–Jun 1831

Josef Smit i bin muvaot long Niu Yok i go long Ketlan, Ohaeo. Hem i bin askem Ol Sent we oli stap yet long Niu Yok blong muv i go long Ohaeo, mo oli bin obei long hem.

Jisas i bin talem long Josef se Ol Sent long Ohaeo oli sud serem graon blong olgeta wetem Ol Sent long Niu Yok. Leman Copley hem i gat ol graon, mo hem i bin promes blong serem. Sam long Ol Sent long Niu Yok oli bin muv i go insaed long graon ia.

Doctrine and Covenants 48:2

Be Leman Copley hem i no bin kipim promes blong hem. Hem i mekem tingting blong hem se hem i no wantem serem graon blong hem long Ol Sent long Niu Yok. Hem i bin mekem olgeta oli muv, mo oli nogat nara ples bakegen blong laef long hem.

Doctrine and Covenants 54, seksen heding

Newel Knight hem i lida blong grup ia blong Ol Sent. Hem i no save wanem blong mekem, so hem i bin go blong askem Josef Smit blong i help.

Doctrine and Covenants 54, seksen heding

Josef i bin prea, mo Lod i bin talem long hem se ol grup blong Ol Sent oli sud go long Misuri.

Doctrine and Covenants 54:7–9

Bifo Ol Sent ia oli livim Ketlan, oli bin holem wan konfrens. Hem i bin stap blong tri (3) dei. Lod i bin givim sam impoten revelesen long Josef Smit.

Lod i bin talem long Josef blong odenem ol fas hae pris long Jos. Ol hae pris oli gat Melkesedek Prishud. Plante lida blong Jos oli bin odenem olgeta long hae pris.

Doctrine and Covenants 52, seksen heding

Lod i bin talem se sam long ol man oli sud go long ol misin long Misuri. Olgeta i blong prijim gospel long rod. Taem konfrens i bin finis, ol misinari oli aot blong go long Misuri.

Doctrine and Covenants 52:9–10

Lod i bin talem long Josef se nekis konfrens blong Jos bae oli holem long Misuri. Hem i bin talem long Josef mo ol fren blong hem blong oli go longwe. Jisas i bin promes blong soem long olgeta weaples blong bildim siti blong Saeon.

Doctrine and Covenants 52:1–5 (luk tu long Doctrine and Covenants 42:62)