Ol Pipol blong Save

Benet, Jon C.

Jon C. Benet i wan lod meya blong Nauvu. Hem i bin agensem Josef Smit.

Ebraham

Ebraham i wan profet we i bin laef bifo. Stori blong Ebraham i stap long OlTesteman mo Pearl of Great Price.

Elaeja

Elaeja i wan profet we i laef bifo. Hem i bin putumbak spesel prishud paoa long Josef Smit mo Oliva Kowdri long Ketlan Tempol.

Elaesa

Elaesa i bin putumbak spesel prishud paoa long Josef Smit mo Oliva Kowdri long Ketlan Tempol.

Gavna Bogg

Gavna Bogg i wan gavna blong Misuri. Hem i no save helpem Ol Sent mo problem abaot oda blong ronemaot olgeta long stet o kilim olgeta.

Haedi, Oson

Oson Haedi i wan Aposol. Hem i bin dediketem Holi Lan blong ol pikinini blong Ebraham blong oli gat ples blong laef long hem.

Haris, Matin

Matin Haris i bin helpem Josef Smit blong transletem ol gol plet. Hem i bin lusum sam long ol pej blong Buk blong Momon.

Indian (Ol)

Ol Indian oli bin laef long evri pat blong Yunaeted Stet. Samtaem Ol Indian oli singaotem olgeta Lemanaet.

Inok

Inok i wan profet we i laef bifo. Hem i bin bildim Saeon. Stori blong Inok i stap long Pel blong Bigfala Praes.

Jemes

Jemes i wan long Ol Twelef Aposol blong Jisas. Pita, Jemes, mo Jon oli bin putumbak Melkesedek Prishud long Josef Smit mo Oliva Kowdri.

Jon

Jon i wan long Ol Twelef Aposol. Pita, Jemes, mo Jon oli bin putumbak Melkesedek Prishud long Josef Smit mo Oliva Kowdri.

Jon Baptaes

Jon Baptaes i bin laef long taem we Jisas i bin laef long wol ia. Jon Baptaes i bin givim Aronik Prishud long Josef Smit mo Oliva Kowdri.

Kapten Alen

Kapten Alen i wan kapten blong ol soldia long Yunaeted Stet. Hem i bin askem ol man blong Jos blong oli go long faet.

Kimball, Hebert C.

Heber C. Kimball i wan Aposol. Hem bin go long wan misin long Inglan.

Kimball, Sarah

Sarah Kimball i wan memba blong Rilif Sosaeti.

Kimball, Spencer W.

Spencer W. Kimball i nambatwelef Presiden blong Jos.

Knight, Newel

Newel Knight i stat blong sik taem Setan i bin traem blong stopem hem blong i no prea. Josef Smit i bin hilim Newel Knight.

Koplei, Leman

Leman Koplei i wan memba blong Jos long Ketlan, Ohaeo, i no bin serem graon blong hem long ol nara memba.

Kowdri, Oliva

Oliva Kowdri i bin helpem Josef Smit blong transletem ol gol plet. Hem i bin mekem plante wok blong helpem Jos.

Lemanaet

Ol Lemanaet oli ol famle blong tufala boe blong Lihae, Leman mo Lemuel.

Melkesedek

Melkesedek i wan profet we i bin laef bifo.

Mista Chandler

Mista Chandler i bin salem sam long ol olfala rol pepa long Ol Sent long Ketlan. Ol raeting blong Ebraham oli stap long ol rol pepa ia.

Mista Hale

Mr. Hale hem i papa blong Emma Smit.

Moronae

Moronae i wan profet blong Ol Nifaet we oli bin laef bifo long Amerika. Hem i bin berem ol gol plet long Hil Kumora.

Moses

Moses i wan profet we i bin laef bifo. Hem i bin lidim ol man Isrel blong kamaot long Ijip. Hem i bin putumbak spesel prishud paoa long Josef Smit mo Oliva Kowdri long Ketlan Tempol.

Noa

Noa i wan profet we i bin laef bifo.

Ol Momon

Samtaem ol memba blong Jos oli singaotem olgeta Ol Momon from se oli bilif long Buk blong Momon.

Paeonia (ol)

Ol paeonia oli Ol Sent we oli bin go kros long ol klia ples i go long Ol Roki Maonten.

Partirdge, Edward

Edward Partridge i wan fas bisop blong Jos.

Pej, Haeram

Haeram Pej i bin talem se hem i gat wan ston we i bin givim ol revelesen blong Jos.

Phelps, William W.

William W. Phelps i bin help blong statem ol skul long Jekson Kaonti, long Misuri.

Pita

Pita i wan long Ol Twelef Aposol blong Jisas. Pita, Jemes, mo Jon oli bin putumbak Melkesedek Prishud long Josef Smit mo Oliva Kowdri.

Pratt, Parley P.

Parley P. Pratt i bin go long wan misin blong tijim Ol Lemanaet.

Richards, Willard

Willard Richard i wan fren blong Josef Smit. Hem i bin stap wetem Josef long kalabus, hemia long Katej.

Rigdon, Sidney

Sidney Rigdon i wan long ol kaonsela blong Josef.

Smit, Alvin

Alvin Smit i wan long ol bigfala brata blong Josef Smit. Hem i bin ded. Josef i bin luk wan visen abaot Alvin long selestial kingdom blong heven.

Smit, Emma

Emma Smit hem i waef blong Josef Smit. Hem i fas lida blong Rilif Sosaeti. Hem i bin mekem wan hymbuk blong Jos.

Smit, Haeram

Haeram Smit hem i wan long ol bigfala brata blong Josef Smit. Haeram oli bin kilim hem i ded wetem Josef long kalabus long Katej.

Smit, Josef

Josef Smit hem i fas profet mo Presiden blong Jos blong Jisas Kraes blong Ol Lata-dei Sent. Jisas i bin givim ol revelesen we oli stap insaed long Doctrine and Covenants. Josef oli bin kilim hem i ded long kalabus long Katej.

Smit, Josef Senia

Josef Smit Senia hem i papa blong Josef Smit.

Smit, Lucy

Lucy Smit hem i mama blong Josef.

Smit, Samuel

Samuel Smit hem i smol brata blong Josef. Hem i fas misinari blong Jos.

Snow, Eliza R.

Eliza R. Snow hem i wan memba blong fas Rilif Sosaeti.

Taylor, John

John Taylor i wan fren blong Josef Smit. Hem i bin stap wetem Josef long kalabus hemia long Katej. Afta hem i kam Presiden blong Jos.

Witma, Devid

Devid Witma i wan witnes we i bin luk ol gol plet. Hem i bin help blong statem Jos long 6 Epril 1830.

Witma, Pita

Pita Witma i bin help blong statem Jos long 6 Epril 1830.

Whitney, Newel K.

Niuwel K. Witni hem i seken bisop blong Jos.

Williams, Frederick G.

Frederick G. Williams i wan long ol kaonsela blong Josef Smit.

Young, Brigham

Brigham Young i wan long Ol Twelef Aposol. Hem i lida blong ol paeonea. Hem i Presiden blong Jos afta long Josef Smit.

Young, Phineas

Phineas Young hem i brata blong Brigham Young.