Japta 20

Ol Presen blong Spirit

8 Maj 1831

Josef Smit i bin kasem plante revelesen we i tokabaot Tabu Spirit. Tabu Spirit i wan Spirit we i helpem Papa long Heven mo Jisas. Tabu Spirit i nogat wan bodi blong mit mo bun.

Doctrine and Covenants 130:22

Tru long paoa blong Tabu Spirit, God i bin givim ol spesel presen long ol memba blong Jos. Oli singaotem olgeta ol presen blong Spirit, o ol presen long saed blong spirit. Wanwan Sent i gat samples, wan presen long saed blong spirit. Ol Jos memba oli sud lanem abaot ol presen mo yusum blong helpem wanwan long olgeta. Jisas i bin talem long Josef Smit wanem nao sam long ol presen ia.

Doctrine and Covenants 46:9–12

Sam long Ol Sent oli bin givim long olgeta presen blong save se Jisas Kraes i Pikinini blong God. Oli bin save se Hem i bin ded from yumi. Ol nara Sent oli bin givim long olgeta presen blong luksave mo bilif long ol tru testemoni blong nara pipol abaot Jisas.

Doctrine and Covenants 46:13–14

Sam long Ol Sent oli bin givim long olgeta presen blong kam ol lida.

Doctrine and Covenants 46:15

Sam long Ol Sent oli givim long olgeta presen blong save wanem hem i wan gud spirit mo wan rabis spirit. Ol spirit we oli stret mo gud, God i sendem olgeta oli kam mo oli mekem yumi filim gud. Ol rabis spirit, Setan i sendem olgeta i kam mo oli givim yumi filing we i nogud.

Doctrine and Covenants 46:16, 23; 50:23–24

Sam nara Sent oli bin givim long olgeta presen blong waes tok. Presen ia i helpem olgeta blong mekem gudfala joes mo oli yusum save ia we Papa long Heven i givim long olgeta long stret fasin. Sam long Ol Sent oli bin givim long olgeta presen blong gat save. Olgeta we oli gat presen ia, oli blong tijim ol narawan mo helpem olgeta blong mekem ol waes joes.

Doctrine and Covenants 46:17–18

Sam nara Sent oli givim long olgeta presen blong fet blong hilim pipol. Ol narawan oli givim long olgeta presen blong hilim ol pipol we oli sik. Tabu Spirit i bin givim long sam nara Sent, presen blong mekem ol merikol. Merikol i soem paoa blong God.

Doctrine and Covenants 46:19–21

Sam nara Sent oli givim long olgeta presen blong toktok long ol nara lanwis we oli no save.

Doctrine and Covenants 46:24

Sam long Ol Sent oli givim long olgeta presen blong profesi. Presen ia i helpem olgeta blong save mo andastanem ol samting we i bin hapen bifo, ol samting we i hapen naoia, mo ol samting we bae i hapen long taem we bae i kam.

Doctrine and Covenants 46:22

Sam nara Sent oli givim long olgeta plante presen. Ol Sent oli sud yusum ol presen blong sevem mo blesem ol narawan.

Doctrine and Covenants 46:29

Bisop bae hem i save wanem presen we wanwan memba i gat. Hem bae i save se huia bae oli kam ol gud tija. Hem bae i save se huia Ol Sent we oli lavem God mo oli obei long ol komanmen blong Hem.

Doctrine and Covenants 46:27

Ol Sent we oli stret mo gud oli sud wok mo prea blong oli givim long olgeta ol presen we oli nidim. Evri presen ia oli kam long God.

Doctrine and Covenants 46:9, 28, 32