“Japta 17: Ol Fas Bisop blong Jos: Febware mo Disemba 1831,” Ol Doktrin mo Kavenan Stori (2002), 64–66
“Japta 17,” Ol Doktrin mo Kavenan Stori, 64–66
Japta 17
Ol Fas Bisop blong Jos
Febware mo Disemba 1831
Sam pipol long Niu Yok oli minim blong mekem Ol Sent oli gowe. Jisas i bin talem long Josef Smit blong livim Niu Yok mo go long Ketlan, Ohaeo.
Josef mo Emma, Sidney Rigdon, mo Edward Partridge oli bin go long Ketlan. Josef mo Emma tufala i bin laef wetem wan memba blong Jos we nem blong hem i Newel K. Whitney.
Olgeta oli samples long 1000 memba blong Jos long Ketlan. Oli bin traem blong obei long God, be oli no andastanem evri gospel.
Doctrine and Covenants 41, seksen heding
Josef i bin prea mo kasem wan revelesen. Jisas i bin talem long hem se Ol Sent long Ketlan oli nidim wan bisop. Bisop i sud yusum taem blong hem blong tij mo helpem Ol Sent. Fas bisop long Jos hem i Edward Partridge.
Olsem plante moa pipol oli bin joenem Jos, bae i nidim moa bisop. Newel K. Whitney i i kasem koling blong kam seken bisop blong Jos.
Jisas i bin talem long Josef se bisop i sud lukaotem gud wan stoahaos. Ol Sent oli sud givim kakae, ol klos, mo ol nara ofring long bisop blong hem i putum long stoahaos. Afta bisop bae i yusum ol samting ia blong helpem Ol Sent we oli pua o stap long nid.
Jisas i bin talem tu se bisop i sud kasem mane we Ol Sent oli givim long Jos. Bisop bae i yusum mane ia blong pem ol bil blong Jos mo helpem ol pua.
Bisop i sud lavem Ol Sent mo traem blong helpem olgeta. Hem i sud mit wetem ol man we oli bin gat prishud mo tokbaot wanem bae oli mekem blong helpem Olgeta Sent.
Wan bisop i lidim Ol Sent long wanwan wod. Wan branj presiden i olsem wan bisop. Wan branj presiden i lidim Ol Sent long wanwan branj.
Tudei i gat taosen blong ol bisop insaed long Jos.