“Japta 14: Profet mo Ol Revelesen blong Jos: Septemba 1830,” Ol Doktrin mo Kavenan Stori (2002), 56–57
“Japta 14,” Ol Doktrin mo Kavenan Stori, 56–57
Japta 14
Profet mo Ol Revelesen blong Jos
Septemba 1830
Josef mo Emma Smit i bin gobak long Niu Yok. Wan man we nem blong hem Haeram Pej i bin laef longwe. Hem i wan memba blong Jos. Hem i gat wan ston mo hem i talem se ston ia i helpem hem blong kasem ol revelesen blong Jos.
Doctrine and Covenants 28, seksen heding
Plante memba blong Jos oli bilivim Haeram Pej, wetem Oliva Kowdri tu. Sam pipol i bin tingting se Haeram Pej i wan profet.
Doctrine and Covenants 28, seksen heding
Oliva i bin askem Josef abaot Haeram Pej. Josef i bin prea, mo Jisas i bin givim wan revelesen long hem. Jisas i bin talem se bae wan man nomo i save kasem ol revelesen blong ful Jos. Man ia nao hem i Profet Josef Smit.
Jisas i bin talem se Oliva mo ol narawan oli save kasem ol revelesen blong olgetawan nomo, be i no blong ful Jos. Oliva i bin bilivim Josef. Hem i save se ol revelesen we Haeram Pej i kasem oli rong.
Jisas i bin talem long Oliva blong toktok long Haeram Pej. Oliva i bin talem long hem se ol revelesen we hem i bin kasem tru long ston oli no kam long God.
Oliva i bin talem se Setan i bin trikim Haeram Pej. Haeram i bin lisin long Oliva mo hem i bin sakem sin.
Tedei, Presiden blong Jos nomo i stap kasem ol revelesen blong ful Jos. Hem i wan profet blong God. Ol memba blong Jos oli sud obei long profet.