Japta 50

Ol Sent long Nauvu

Jenuware–Julae 1841

Nauvoo Temple

Joseph praying

Ol Sent oli bin bildim Nauvu i kam wan naesfala siti. Siti ia i bin kam antap kwik taem from ol niu memba blong Jos oli bin kam long Inglan mo long ol nara eria tu. Jisas i bin givim long Josef Smit wan impoten revelesen abaot wanem Ol Sent oli sud mekem long Nauvu.

Doctrine and Covenants 124

Saints building temple in Nauvoo

Jisas i bin talem long Josef Smit blong raetem wan leta blong talem long ol king mo ol lida raon long wol abaot restoresen blong gospel. Jisas i bin talem tu se Ol Sent oli sud bildim wan tempol long Nauvu. Hem i bin wantem olgeta blong tekem ol gol, silva, mo ol nara aean, mo plante kaen naesfala wud blong bildim tempol.

Doctrine and Covenants 124:1–8, 26–27

Jesus Christ

Jisas i bin talem se bae Hem i kam long tempol. Long ples ia nao bae Hem i givim revelesen abaot prishud. Hem bae i putumbak tu ol odinens mo talemaot moa save.

Doctrine and Covenants 124:27–31, 40–41

members performing baptisms for the dead

Jisas i bin talem long Josef se bae Ol Sent oli sud baptaes from ol pipol we oli bin ded. Jisas i bin talem se Ol Sent oli sud bildim wan wel blong baptaes insaed long tempol, we bae oli save baptaes from ol pipol we oli bin ded.

Doctrine and Covenants 124:29–37

Hyrum performing patriarchal blessing

Jisas i bin talemaot tu se Haeram Smit, brata blong Josef, i sud kam wan petriak blong Jos. Olsem petriak, Haeram bae hem i save givim ol spesel blesing long ol memba blong Jos.

Doctrine and Covenants 124:91–92

Brigham Young speaking

Jisas i bin givim tu wan revelesen abaot Brigham Young. Jisas i bin talem se Hem i save se Brigham i bin wok had from Jos. Hem i bin lego hom mo famle blong hem plante taem blong sevem ol misin.

Doctrine and Covenants 126:1–2

Brigham caring for his family

Jisas i bin talem long Brigham Young se bae hem i sud stap wetem famle blong hem mo lukaotem gud long olgeta.

Doctrine and Covenants 126:3