“Japta 65: Jos blong Jisas Kraes Tedei,” Ol Doktrin mo Kavenan Stori (2002), 236–37
“Japta 65,” Ol Doktrin mo Kavenan Stori, 236–37
Japta 65
Jos blong Jisas Kraes Tedei
Plante yia i bin pas long taem we Jos i bin stat long Feyet, Niu Yok. Jos i bin gro bigwan long ol yia ia. Long 1830 i bin stat wetem sikis memba nomo.
Taem ia long 1830, ol misinari oli bin go long evri ples long wol blong tijim gospel. Ol pipol oli bin lisin long ol misinari mo oli bin joenem Jos. Tedei plante milian memba blong Jos oli laef long evri ples long wol. Oli toktok long plante lanwis. Nating ol memba oli laef long plante defren ples, Jos i semmak. Ol pipol oli hapi blong kam ol memba blong Jos.
Ol profet we oli stap laef oli gohed blong lidim Jos blong Jisas Kraes blong Ol Lata-dei Sent. Oli stap kasem revelesen long Jisas.
Olsem we ol memba blong Jos oli folem ol profet, oli stap kam gud, oli ol pipol we oli moa hapi. Oli gat strong hom mo famle. Oli stap serem gospel wetem ol narawan. Oli stap helpem ol neiba blong olgeta mo ol narawan we oli stap long nid.
Ol Memba blong Jos oli stap folem profet tu, taem oli stap go long tempol. Jos i bildim ol tempol long evri ples long wol. Ol memba oli go long tempol blong lanem olsem wanem blong kam moa olsem Jisas. Oli bin kasem ol tabu odinens mo oli bin mekem ol kavenan wetem God. Tempol i ples ia nomo we ol memba oli save mared blong taem we i no save finis. Yumi gat blesing long plante wei taem yumi stap olsem wan memba blong Jos blong Lod. Yumi mas glad from ol blesing ia. Yumi save soem tangkyu long God taem yumi obei long ol komanmen blong Hem mo sevem ol narawan.