10. kafli
Jesús skírist
Jóhannes dvaldi í eyðimörkinni í mörg ár. Klæði hans voru úr úlfaldahárum og hann át hunang og engisprettur. Fólk kom úr borgunum til að hlýða á hann kenna. Hann var þekktur sem Jóhannes skírari.
Jóhannes skírari kenndi fólkinu um Jesú Krist. Hann sagði því að iðrast synda sinna og skírast. Jóhannes skírari skírði þá sem iðruðust synda sinna.
Fólkið spurðu Jóhannes skírara hvernig það ætti að lifa betra lífi. Hann sagði því að deila með hinum fátæku, segja sannleikann og vera heiðarlegt við aðra. Hann sagði því að Jesús Kristur myndi brátt koma. Jesús myndi veita þeim gjöf heilags anda.
Dag nokkurn, þegar Jóhannes skírari var að skíra fólk í ánni Jordan, kom Jesús til hans. Hann bað Jóhannes að skíra sig. Jóhannes vissi að Jesús hafði ávallt hlýtt boðorðum Guðs og þyrfti ekki að iðrast. Jóhannes taldi að Jesús hafði ekki þörf fyrir að skírast.
En Guð hafði beðið allt fólk að skírast. Jesús bað því Jóhannes að skíra sig. Jesús sýndi okkur fordæmi er hann hlýddi boðorði Guðs að skírast.
Þegar Jesús sté upp úr vatninu, kom heilagur andi yfir hann. Guð talaði frá himni og sagði: „Þessi er minn elskaði sonur, sem ég hef velþóknun á.“ Jóhannes bar því einnig vitni að Jesús væri sonur Guðs.
Matt 3:16‒17; Jóh 1:33–36; Jesus the Christ, 150