39. kafli
Jesús læknar blindan mann
Dag nokkurn var Jesús að ganga með lærisveinum sínum. Þeir sáu mann sem hafði fæðst blindur. Lærisveinarnir spurðu hvort maðurinn væri blindur af því að hann hefði syndgað eða af því að foreldrar hans hefðu syndgað.
Frelsarinn sagði að hvorki maðurinn né foreldrar hans hefðu syndgað. Maðurinn var blindur, svo að Jesús gæti læknað hann og fólkið gæti séð kraft Guðs.
Jesús tók mold og gerði úr henni leðju. Hann setti hana á augu blinda mannsins. Jesús sagði manninum að fara og þvo augun.
Um leið og maðurinn þvoði leðjuna af augunum, gat hann séð!
Þegar nágrannar hans sáu hann, voru þeir ekki vissir um hver hann væri. Hann sagði þeim að Jesús hefði læknað sig. Nágrannarnir fóru með manninn til faríseanna. Maðurinn sagði faríseunum að Jesús hefði læknað sig.
Sumir faríseanna töldu að Jesús hlyti vera réttlátur maður. Aðrir töldu hann syndara. Þegar maðurinn sagði að Jesús væri réttlátur maður, urðu sumir faríseanna afar reiðir og hentu manninum út.
Jesús fann manninn. Hann spurði manninn hvort hann tryði á son Guðs. Maðurinn spurði hver sonur Guðs væri. Jesús sagðist vera sonur Guðs og maðurinn tilbað hann.