9. kafli
Drengurinn Jesús
Jesús ólst upp í borginni Nasaret. Hann lærði margt og „styrktist [og] fylltist visku … og náð Drottins var yfir honum.“
Þegar Jesús var 12 ára gamall, fór hann, Jósef og María með hópi af fólki til Jerúsalem á hátíð. Þau voru þar í nokkra daga.
Þegar Jósef og María voru á leið aftur heim, töldu þau að Jesús væri með vinum sínum á leið til Nasaret. En Jesús hafði verið um kyrrt í Jerúsalem.
Þegar Jósef og María leituðu af Jesú, fundu þau hann ekki. Enginn í hóp þeirra hafði séð hann. Jósef og María fóru því aftur til Jerúsalem. Þau leituðu að Jesú í þrjá daga. Þau voru afar döpur.
Að lokum fundu þau Jesú í musterinu, talandi við nokkra kennara. Hann var að svara spurningum þeirra. Kennararnir voru undrandi á því hve mikið Jesús vissi.
Lúk 2:46‒47 (sjá neðanmálsgrein 46c)
María sagði Jesú að hún og Jósef hefðu verið mjög áhyggjufull. Jesús svaraði að hann væri að vinna verk föður síns ‒ verk Guðs. Jósef og María skildu ekki.
Jesús hlýddi þeim og fór með Jósef og Maríu heim til Nasaret.
Jesús lærði sífellt meira um himneskan föður sinn og verk hans.
Hann varð stór og sterkur.
Fólk elskaði hann. Hann gerði það sem Guð vildi að hann gerði.
Guð elskaði hann.