43. kafli
Jesús reisir Lasarus upp frá dauðum
Maður að nafni Lasarus bjó í Betaníu með systrum sínum, Maríu og Mörtu. Jesús elskaði Lasarus og systur hans og þau elskuðu hann.
Lasarus varð afar veikur. Frelsarinn var í öðrum bæ. María og Marta sendu boð til hans um að Lasarus væri veikur.
Frelsarinn bað lærisveinana að koma með sér til að hjálpa Lasarusi. Lærisveinarnir óttuðust að fara til Betaníu. Hún var nálægt Jerúsalem. Sumir íbúar Jerúsalem vildu drepa Jesú.
Jesús sagði lærisveinunum að Lasarus væri dáinn. Hann sagðist ætla að lífga hann við. Með því kraftaverki myndu lærisveinarnir vita að hann væri frelsarinn. Jesús fór til Betaníu. Þegar hann kom þangað, hafði Lasarus verið dáinn í fjóra daga.
Marta sagði Jesú að Lasarus væri enn á lífi ef hann hefði komið fyrr. Jesús sagði að Lasarus myndi lifa á ný. Hann spurði Mörtu hvort hún tryði sér. Marta svaraði því játandi. Hún vissi að Jesús var frelsarinn.
Marta fór frá Jesú til að sækja systur sína, Maríu. María fór líka á móti Jesú. Margir fylgdu henni. María kraup grátandi að fótum frelsarans. Fólkið sem með henni var grét einnig. Jesús spurði hvar líkama Lasarusar væri að finna.
Jesús fór að hellismunnanum þar sem Lasarus hafði verið lagður. Steinn var fyrir hellismunnanum. Hann bað fólkið að færa steininn.
Jesús leit upp. Hann þakkaði himneskum föður fyrir að bænheyra sig.
Síðan kallaði Jesús hárri röddu. Hann sagði Lasarusi að koma út úr gröfinni. Lasarus gekk út. Margir þeirra sem sáu kraftaverkið trúðu nú að Jesús væri frelsarinn.