37. kafli
Líkþráu mennirnir tíu
Jesús fór inn í lítið þorp og sá þar tíu líkþráa menn. Líkþráir menn voru veikir. Sjúkdómur þeirra olli því að hræðileg sár voru um allan líkama þeirra.
Læknar gátu ekki hjálpað líkþráu mönnunum. Fólkið þorði ekki að vera nálægt þeim. Það vildi ekki smitast.
Líkþráu mennirnir báðu Jesú að lækna sig. Þeir vissu að hann gat látið sár þeirra hverfa.
Jesús vildi að þeir yrðu heilbrigðir. Hann sagði þeim að fara og sýna sig prestunum.
Á leiðinni til prestanna læknuðust líkþráu mennirnir. Sár þeirra voru horfin.
Einn líkþráu mannanna vissi að Jesús hafði læknað þá. Hann sneri aftur til að þakka honum. Jesús spurði hvar hinir níu líkþráu mennirnir væru. Þeir höfðu ekki komið til baka. Jesús sagði líkþráa manninum sem þakkaði honum, að trú hans hefði gert hann heilan.