48. kafli
Talenturnar
Jesús sagði lærisveinum sínum sögu af manni sem gaf þjónum sínum nokkrar talentur. Talenta var mikil peningaupphæð.
Maðurinn gaf einum þjóninum fimm talentur. Hann gaf öðrum þjóninum tvær talentur. Hann gaf þriðja þjóninum eina talentu. Síðan fór maðurinn í ferðalag.
Þjónninn með fimm talenturnar lagði hart að sér. Hann vann sér inn fimm talentur til viðbótar. Hann hafði nú tíu talentur.
Þjónninn með tvær talenturnar lagði einnig hart að sér. Hann vann sér inn tvær talentur í viðbót. Hann hafði nú fjórar talentur.
Þjónninn sem fékk eina talentu gróf hana í jörðu. Hann óttaðist að tapa henni. Hann reyndi ekki að vinna sér inn fleiri talentur.
Þegar maðurinn kom aftur til baka, spurði hann þjónana hvað þeir hefðu gert við talentur hans.
Fyrsti þjónninn færði manninum tíu talentur. Maðurinn var ánægður. Hann gerði þjóninn að leiðtoga yfir miklu og sagði honum að vera hamingjusamur.
Annar þjónninn færði manninum fjórar talentur. Það gladdi manninn einnig. Hann gerði annan þjóninn að leiðtoga yfir miklu og sagði honum að vera hamingjusamur.
Þriðji þjónninn færði manninum talentuna til baka sem hann gróf. Maðurinn var ekki ánægður. Hann sagði að þjónninn væri latur. Hann hefði átt að leggja hart að sér til að vinna sér inn fleiri talentur.
Maðurinn tók talentuna frá þriðja þjóninum og gaf hana fyrsta þjóninum. Maðurinn sendi lata þjóninn burt. Maðurinn í sögunni er eins og Jesús. Við erum eins og þjónarnir. Jesús mun dæma okkur út frá því hvernig við nýtum þær gjafir sem okkur hafa verið gefnar.