29. kafli
Jesús gengur á vatninu
Eftir að hafa mettað 5.000 manns fór Jesús upp á fjall til að biðjast fyrir. Lærisveinar hans fóru á bát yfir Galíleuvatn. Þegar leið að kvöldi tók að hvessa og öldurnar risu hátt.
Jesús kom seinna þetta kvöld til að vera með lærisveinum sínum. Hann gekk á vatninu í átt að bátnum.
Lærisveinarnir sáu hann ganga á vatninu. Þeir urðu óttaslegnir. Þeir héldu að hann væri andi. Jesús hrópaði til þeirra: „Það er ég, verið óhræddir.“
Pétur vildi einnig ganga á vatninu. Jesús sagði Pétri að koma til sín. Pétur klifraði upp úr bátnum. Hann gekk nokkur skref í átt til frelsarans.
Pétur varð hræddur, vegna þess að vindurinn var mikill. Hann tók að sökkva í vatnið og kallaði á Jesú og bað hann að bjarga sér.
Frelsarinn tók í hönd Péturs. Hann spurði Pétur hvers vegna trú hans væri ekki sterkari.
Storminn lægði þegar Jesús og Pétur komu að bátnum. Allir lærisveinarnir tilbáðu frelsarann. Þeir vissu að hann var sonur Guðs.