21. kafli
Jesús hastar á vindinn og öldurnar
Jesús og lærisveinar hans voru á báti á Galíleuvatni. Jesús sofnaði. Það tók að hvessa mjög mikið og öldurnar fylltu bátinn af vatni. Lærisveinarnir óttuðust að hann myndi sökkva. Þeir vöktu Jesú og báðu hann um hjálp.
Frelsarinn skipaði vindinum og öldunum að lægja. Vindinn lægði og vatnið varð kyrrt.
Jesús spurði lærisveinana hvers vegna þeir óttuðust. Hann sagði að þeir ættu að hafa meiri trú. Þeir veltu fyrir sér hvers konar maður gæti jafnvel stjórnað vindi og öldum.