63. kafli
Páll lýkur verki sínu
Páll fór til musterisins í Jerúsalem. Hópur Gyðinga taldi að Páll hefði farið með fólk í musterið sem ekki var Gyðingar. Gyðingarnir urðu reiðir. Þeir tóku Pál, fóru með hann út úr musterinu og börðu hann.
Rómverskir hermenn tóku Pál fastan. Þeir leyfðu honum að tala við Gyðingana. Páll bar vitni um að hafa séð ljós frá himni og heyrt rödd frelsarans. Hann sagði Jesú hafa sagt sér að prédika fagnaðarerindið.
Fólkið trúði ekki Páli. Það vildi drepa hann. Hermennirnir settu Pál í fangelsi yfir nóttina.
Frelsarinn birtist Páli í fangelsinu og sagði honum að óttast ekki. Hann sagði Páli að fara til Rómar og kenna fagnaðarerindið þar.
Til að hlífa Páli sendu Rómverjarnir hann til annarra borgar. Agrippa konungur var þar. Páll sagði Agrippa konungi að hann hefði verið farísei og hatað þá sem trúðu á Jesú. Hann hefði jafnvel sett þá í fangelsi. Síðan hefði hann séð ljós frá himni og heyrt rödd frelsarans. Nú trúði hann á Jesú.
Páll bar Agrippa konungi vitni um að fagnaðarerindið væri sannleikur. Hann sagði, að Jesús væri upprisinn. Jesús Kristur hefði sagt Páli í sýn að kenna fagnaðarerindið. Margir hötuðu Pál vegna þess að Páll hlýddi.
Agrippa konungur sagðist næstum trúa á Jesú vegna Páls. Konungurinn taldi að ekki ætti að taka Pál af lífi. En hann varð að senda Pál til Rómar, þar sem Páll yrði að mæta fyrir rétti.
Páll var í tvö ár í fangelsi í Róm. Margir komu til að hitta hann. Hann kenndi þeim fagnaðarerindið. Páll skrifaði bréf til hinna heilögu í öðrum löndum. Sum þessara bréfa eru í Nýja testamentinu og kölluð almenn bréf.
Páll vissi að hann yrði tekinn af lífi. Hann óttaðist ekki. Hann hafði hlýtt boðorðum Guðs. Hann hafði kennt fagnaðarerindið. Hann hafði lokið verki sínu. Páll vissi að himneskur faðir elskaði hann. Hann vissi einnig að hann myndi lifa hjá himneskum föður og Jesú Kristi eftir að hann dæi.