13. kafli
Jesús og hús himnesks föður hans
Jesús fór í musterið í Jerúsalem. Margir voru þar til að færa fórnir með því að drepa dýr og brenna það á altari. Fórnin leiddi huga þeirra að frelsaranum, sem myndi fórna sér fyrir þá, með þjáningu og dauða.
Sumir voru ekki með dýr til að fórna. Í musterinu voru menn sem seldu þeim dýr. Þeir vildu græða mikla peninga. Þeir hugsuðu ekki um Guð.
Jesús sá mennina selja dýrin í musterinu. Hann sagði að musterið væri hús himnesks föður, helgur staður. Hann sagði að þar ætti hvorki að kaupa né selja.
Jesús bjó til svipu, velti um borðum þeirra, kastaði peningum þeirra á gólfið og rak mennina út úr musterinu. Hann vildi ekki leyfa þeim að gera rangláta hluti í húsi himnesks föður.