24. kafli
Dóttir Jaírusar er reist upp frá dauðum
Dag nokkurn kraup Jaírus, stjórnandi samkunduhúss, við fætur frelsarans.
Jaríus sagði að 12 ára dóttir sín væri mjög veik. Hann sárbað Jesú um að koma og blessa hana. Hann trúði að Jesús gæti læknað hana.
Jesús fylgdi Jaírusi heim, en stansaði til að lækna konu. Þegar hann var að tala við hana, kom einhver og sagði Jaírusi að það væri um seinan ‒ dóttir hans væri látin.
Jesús heyrði það sem sagt var. Hann sagði Jaírusi að óttast ekki heldur hafa trú á sig.
Jesús fór síðan með Jaírusi heim til hans. Húsið var fullt af fólki sem grét vegna dauða litlu stúlkunnar.
Jesús sagði þeim að litla stúlkan væri ekki látin, heldur svæfi hún. Fólkið hló að honum. Þau voru viss um að stúlkan væri látin.
Frelsarinn bað alla um að fara út úr húsinu nema lærisveina sína, Jaírus og eiginkonu hans. Þau fóru inn í herbergið þar sem litla stúlkan lá.
Jesús tók í hönd litlu stúlkunnar. Hann bað hana að standa á fætur. Hún stóð upp og gekk. Foreldrar hennar undruðust. Jesús sagði þeim að segja engum hvað gerst hafði. Síðan sagði hann foreldrum hennar að gefa stúlkunni eitthvað að borða.