54. kafli
Jesús upprisinn
Líkami Jesú var í gröfinni fram á sunnudagsmorgun. Þá komu tveir englar og veltu steininum frá gröfinni.
Matt 28:1‒2 (sjá neðanmálsgrein 2a); Lúk 24:1‒4
María Magdalena, kona sem Jesús hafði læknað, fór að gröfinni. Hún varð undrandi þegar hún sá að búið var að færa steininn. Líkami Jesú var ekki í gröfinni.
Hún hljóp til að segja Pétri og Jóhannesi að einhver hefði tekið líkama Jesú. Hún vissi ekki hvar hann var.
Pétur og Jóhannes hlupu að gröfinni. Þeir sáu klæðin sem Jesús var greftraður í, en Jesús var ekki þar. Pétur og Jóhannes vissu ekki hvað þeir ættu að gera. Þeir fóru heim.
María Magdalena var kyrr hjá gröfinni, grátandi. Þegar hún leit aftur inn í gröfina, sá hún tvo engla.
Þeir spurðu Maríu Magdalenu hvers vegna hún væri að gráta. Hún sagði að einhver hefði tekið líkama Jesú. Hún vissi ekki hvar hann væri.
Hún sneri sér við og sá einhvern. Hún taldi þetta vera grasgarðsvörðinn. Hann spurði hana hvers vegna hún gréti. Hún spurði hvort hann vissi hvar líkami Jesú væri.
Þá sagði maðurinn: „María,“ þá vissi hún að þetta var Jesús. Hann bað hana að segja postulunum að hann væri upprisinn.
María Magdalena og nokkrar aðrar konur sögðu postulunum að Jesús væri upprisinn. Í fyrstu trúðu postularnir þeim ekki.
Síðar, þegar postularnir ræddust við, gekk Jesús inn í herbergið. Postularnir urðu hræddir. Þeir héldu enn að hann væri dáinn.
Frelsarinn bauð þeim að snerta hendur sínar og fætur. Hann var upprisinn ‒ líkami hans og andi höfðu sameinast á ný.
Postularnir voru hamingjusamir að sjá hann. Hann bað þá um mat. Þeir gáfu honum fisk og hunangsköku. Hann át það.
Jesús Kristur var fyrstur til að rísa upp. Margir aðrir risu einnig upp þá og fólkið sem bjó í Jerúsalem sá þá. Jesús sagði: „Ég er upprisan og lífið.“ Við munum einnig rísa upp, vegna þess að hann sigraði dauðann.