16. kafli
Sonur konungsmannsins
Einn leiðtogi Gyðinganna átti son sem var afar veikur. Allir héldu að sonur hans myndi brátt deyja.
Maðurinn skildi við son sinn heima og ferðaðist marga kílómetra til borgarinnar Kana. Þar fann hann Jesú.
Maðurinn bað frelsarann að koma með sér og lækna son sinn. Jesús sagði honum að sonur hans myndi læknast. Maðurinn trúði Jesú og hélt heim á leið.
Þjónar hans komu til móts við hann. Þeir sögðu honum að syni hans liði betur og hann myndi lifa. Hann spurði þá hvenær syni hans hafi farið að líða betur. Þeir sögðu honum það. Það var á sömu stundu og Jesús sagði að sonurinn myndi læknast.
Maðurinn vissi að Jesús Kristur hafði læknað son hans. Hann og öll fjölskylda hans trúðu á frelsarann.