61. kafli
Páll og Sílas í fangelsi
Stúlka nokkur var haldin illum anda. Fólkið vildi heyra hvað illi andinn segði í gegnum hana. Það borgaði mönnunum sem hún vann hjá fyrir að fá að hlusta á illa andann tala.
Er Páll og Sílas gengu fram hjá, elti stúlkan þá alltaf. Meðan hún elti þá, talaði illi andinn. Dag einn skipaði Páll illa andanum að fara úr stúlkunni. Hann gerði það. Mennirnir sem hún vann hjá urðu reiðir. Nú gátu þeir ekki grætt meiri peninga.
Mennirnir tóku Pál og Sílas og fóru með þá til yfirmanna borgarinnar. Þeir sögðu, að Páll og Sílas höfðu orsakað vandræði.
Leiðtogarnir létu húðstrýkja Pál og Sílas og setja þá í fangelsi.
Þetta kvöld báðust Páll og Sílas fyrir og sungu himneskum föður lofsöngva. Allir í fangelsinu heyrðu til þeirra. Skyndilega tók jörðin að titra. Fangelsisdyrnar opnuðust.
Fangavörðurinn vaknaði og sá dyrnar opnar. Hann hélt að fangarnir hefðu flúið. Páll sagði honum að hafa ekki áhyggjur og að þeir væru þar allir. Fangavörðurinn kraup á kné frammi fyrir Páli og Sílasi og spurði hvernig hann gæti frelsast.
Páll og Sílas kenndu fangaverðinum og fjölskyldu hans fagnaðarerindið. Nótt þessa skírðist fangavörðurinn og fjölskylda hans.
Næsta dag slepptu yfirmennirnir Páli og Sílasi úr fangelsinu. Páll og Sílas fóru til annarrar borgar til trúboðsstarfa.