34. kafli
Pilturinn með illa andann
Dag nokkurn bað maður frelsarann að hjálpa syni sínum. Pilturinn var haldinn illum anda. Lærisveinarnir höfðu þegar reynt að lækna son hans, en þeir gátu það ekki.
Jesús sagði manninum að sækja son sinn. Þegar pilturinn kom, lét illi andinn hann falla til jarðar.
Frelsarinn spurði hversu lengi illi andinn hefði verið í piltinum. Faðirinn sagði hann hafa verið í honum síðan hann var barn.
Jesús sagði að hann gæti læknað soninn ef faðirinn hefði trú. Faðirinn fór að gráta. Hann sagðist hafa trú. En hann bað Jesú að hjálpa sér að hafa enn meiri trú.
Jesús skipaði illa andanum að fara úr piltinum og koma aldrei í hann aftur. Illi andinn var reiður. Hann meiddi piltinn aftur. En svo hlýddi hann Jesú og fór.
Pilturinn var svo hljóður, að margir sögðu að hann væri dáinn. En Jesús tók í hönd hans og hjálpaði honum á fætur. Pilturinn var læknaður. Illi andinn var farinn.
Síðar spurðu lærisveinarnir Jesú hvers vegna þeir hefðu ekki geta rekið illa andann úr piltinum. Jesús sagði þeim að stundum þyrftu þeir að fasta og biðja til að geta læknað einhvern.