49. kafli
Fyrsta sakramentið
Á hverju ári efndu Gyðingar til páskahátíðar. Hátíðin minnti Gyðingana á hvernig Guð bjargaði forfeðrum þeirra á tímum Móse.
Jesús og postulana tólf vantaði stað, þar sem þeir gætu neytt páskamáltíðarinnar. Frelsarinn sendi Pétur og Jóhannes til að finna herbergi og sjá til þess að allt væri reiðubúið fyrir veisluna.
Þeir fundu herbergi og undirbjuggu veisluna.
Jesús og allir postularnir fóru þangað. Þeir neyttu páskamáltíðarinnar saman.
Jesús veitti postulunum sakramentið í fyrsta sinn. Hann tók brauð í hendur sér og blessaði það. Síðan braut hann brauðið í mola. Hann bauð postulunum að borða brauðið.
Jesús sagði þeim að hugsa um líkama hans, meðan þeir borðuðu brauðið. Hann bað þá að minnast þess að hann myndi deyja fyrir þá.
Jesús hellti víni í bikar. Hann blessaði vínið og bauð postulunum að drekka það.
Jesús sagði þeim að hugsa um blóð hans, meðan þeir drykkju vínið. Hann bað þá að minnast þess að hann myndi úthella blóði sínu og þjást fyrir syndir allra manna.
Jesús sagði postulunum einnig frá því að ranglátir menn myndu brátt drepa hann. Ellefu postulanna voru afar hryggir. Þeir elskuðu frelsarann og vildu ekki að hann dæi. Jesús vissi að einn postulanna myndi hjálpa ranglátu mönnunum. Nafn hans var Júdas Ískaríot.