17. kafli
Íbúar Nasaret reiðir
Jesús fór til Nasaret þar sem hann hafði alist upp.
Jesús fór í samkunduhús, sem er kirkjubygging Gyðinga. Hann stóð upp og las úr ritningunum. Hann las orð spámannsins Jesaja. Jesaja hafði sagt að frelsari myndi koma til jarðarinnar og hjálpa öllu fólki.
Þegar Jesús lokaði ritningunum og settist niður, horfði allt fólkið á hann.
Jesús sagði að orð Jesaja væru um hann ‒ hann væri frelsarinn. Allir undruðust það sem hann sagði. Þau sögðu: „Er hann ekki sonur Jósefs?“ Þau trúðu ekki að Jesús væri sonur Guðs.
Frelsarinn vissi hvað þau voru að hugsa. Þau vildi að hann sýndi þeim kraftaverk. En Jesús sagðist ekki myndi sýna þeim kraftaverk, vegna þess að þau hefðu ekki trú á hann.
Þá reiddist fólkið. Það fór með Jesú upp á fjallsbrún og reyndi að hrinda honum fram af brúninni.
Jesús flúði frá fólkinu og fór í aðra borg.